موضوع التنطيط .. نيو أكسنت

[hamdymsr]

المشاركة الأصلية كتبت بواسطة toma-motors أولا هو مش كلام فارغ انت شكلك بتركبها وانت نايم ابقى بص وركز عليها من برا لأنك وانت سايق من جوا مش هتحس بالكلام ده لازم تكون برا وشايفها وهي ماشيه في الزحمة وحسن اسلوبك شوية

هو مين اللى بيركبها وهو نايم ... وبعدين اسلوب اية اللى احسنة هو انا غلط فيك ولا فى حد من المشاركين ... ركز قبل ما تكتب كلام يزعل .. وانت بتقول معكاش العربية يبقى هتحكم عليها ازاى .. وعشان يكون عندك علم حكاية العربية اللى بتتنطط دى ركز انت فى كل العلابيات الجديدة هتلاقيها نفس الكلام ... كان عندى اسبرانزا 2008 وكانت بتعمل نفس الحكاية الموضوع موضوع عفشة ومساعدين بينقلوا الحركة بتاعت العربية كلها فحضرتك بتكون شايفها كده بس من جوة مبتحسش باى حاجة

[lovelyboy]

انا معايا العربية و بجري بيها و مش ملاحظ موضوع التنطيط ده اوي هي ممكن تختلف بسبب الطرقات المصرية ربنا يخلهلنا
و ع العموم الجنط بيحل كل المشاكل الصغيرة دي

[mido_4up]

أعتقد الجنط 15 يحل المشكله و شكرا

[oceanboy425]

ياعم العربية مية مية بقالها معايا 6 شهور وزى الفل لا تنطيط ولا بتاع
وجريت بيها لغاية 200 كيلو فى الساعة و العربية زى الفل

[dragon]

المشاركة الأصلية كتبت بواسطة EGYCARS السلام عليكم و رحمة الله و بركاته أنا بقالي فترة محتار بين المستعمل و الزيرو و بعد عناء قررت اني اركز في الزيرو و عشان الميزانية لاقيت الاختيار المناسب هو نيو أكسنت بس من متابعتي للمواضيع في المنتدي لاقيت كلام كتير عن العفشة و التنطيط و تقريبا لاقيت ان ده العيب اللي كل الناس اجمعت عليه فياريت من الملاك شوية تفاصيل عن المشكلة دي يعني مثلا المشكلة دي موجودة علي طول ولا علي السرعات العالية بس و لو علي السرعات طاب بنحس بيها عند كام؟ و ايه مدي التنطيط؟ و هل ده بيأثر علي الثبات؟ و ياريت برضه لو نعرف رأي الملاك أكتر ... و لو رجع بيهم الزمن كانوا برضه هيشتروها؟

ياحبى العربية دية معايا عامل بيها 7000 كيلو على طول بيها على الصحراوى مش ااقل من 180 واغلبى ما بمشى بيكون 200 ومفيش حاجة اسمها العربية بتتنطط هوة انا راكب عربية ملاهى بس انتة عرف بقى يعنى الاشعات فى البلد دية بتكون عاملة ازاى لو العربية بتتنطط حتلاقى كل العربيات جمبك بتنط لائن دة عيب فى الاسفلت العربية مش حتبقى ماشى فى امان الله وتنط لوحدها يعنى كل دة كلام ملوش اى اساس من الصحة ولا يدخل الدماغ بربع جنية وكنت بسمع الكلام دة قبل مشترى وبرضة نزلت اشتريت لائن مش اى كلام نسمعة نصدقة لائن الناس الى بتتكلم كتير والى بيحب يعقد الناس فى الحاجة عشان هوة مش عارف يجبها ويحبطك اكتر واكتر فنصيحة لوجة الله توكل على الله واشترى واعمل صيانة العربية كلها فى التوكيل التوكيل نضيف ومحترم ومشفتش منة حاجة وحشة لحد دلوقتى ولو عاوز تقبلنى ونجرى انا وانتة على الصحراوى وتورينى فين التنطيط دة انا تحت امرك وللعلم انا كمان مش مجنط ولسة بقى لما اجنط العربية حتبقى اكتر ثبات رغم ان ثبات العربية ممتاز مشاء الله ملفات الصحراوى او العين السخنة بخودها على 160 وانا مرتاح مشاء الله ربنا ياحبى يكرمك بيها ان شاء الله ويكفيك شرها ويعطيك خيرها ان شاء الله