سيراتو انقلبت والايرباج مفتحش

[Dr. Bolbolan]

المشاركة الأصلية كتبت بواسطة corsair ازيك يا دكتور عبد السلام واحشني والله وربنا يسترها عليك وعلينا وكلامك فعلا كله صح بس انا قصدي ان العربية المفروض الايرباج تفتح في خبطة اقل من ديه وده ميعبش العربيات ممكن من كل 100 عربية عربية واحدة تعمل كدا بس انا بقوله انه لازم يرفع قضية تعويض عن عدم فتح الايرباج في خبطة زي ديه لان كدا روحه معرضه للخطر نتيجة عيب فني السيارة التي تخصه وربنا سترها معاه المره ديه المره الجاية مفيش فيها كلام وفعلا يا دكتور الواحد بيشوف عربيات اغلي منها بمراحل وبتبقي متشوه ومتعرفلهاش وش من قفه وتقبل تحياتي يا دكتور وكل سنة وحضرتك طيب

الله يكرمك يا باشا أنا بخير ! حقيقى المفروض ان الاير باج يفتح و ده برده ح يوصلنا لسؤال تانى !

الحزام مربوط أم لا ؟ السياره توكيل أم خليجى ؟؟ ( خاصة الآردنى ) ؟؟

أنا بس أرجوا من الآخ صاحب الموضوع يحكى لنا التفاصيل الممله للحادث ! مع احترامنا لشعوره !

وعلى الآخص الاجابه على أسئلتى ! علشان نوصل معاه خطوه خطوه الغلط فين !

لآنه رمى قنبله دلوقتى وفيه ناس قلقت و قال تحذير ( كتر خيره ) بس مع احترامى ! مش كافى مثلا انى

أنزل أبيع السياره بكره الصبح أو اللى رايح يشترى سيراتو بكره يفضل توكتوك عليها !

Dr. Bolbolan

[luckyman]

الف حمد الله على السلامة وربنا يعوضك احسن واامن منها ان شاء الله واهم حاجة انك سليم بفضل الله سبحانة وتعالى
كفاك الله شر الطريق وشر الناس والحسد وتقبل تحياتى ودمت بود

[depo]

المشاركة الأصلية كتبت بواسطة swat ألف سلامة عليك وتقبل أعتذاري لأنني شككت في مصداقية قصتك وهذا ليس عن سوء نية بل لأني من مالكي ومجربي السيراتو 20000 كم وأنا صغير السن 26 ومبتدأ بالقيادة وأقود بتهور وجنون ولا أدوس فرامل ألا بعد أن أدخل في المطبات ومع ذلك لم تخذلني سيراتو ولا مرة ولم أجد أي عيب لافي وزنها ولا في أنعطافاتها ولا فراملها سيارة متماسكة جدا بحسب رأيي المتواضع . تحياتي لك وأنا أسف

لا مايهمكش ربنا مايكتبها علي حد لهاش كبير
الله يسلمك

[depo]

المشاركة الأصلية كتبت بواسطة corsair يا نور النبي ده انتا مش من حققك ترفع قضية انتا من حققك تقفلهم الشركة ديه انتا تاخد صورة من المحضر وترفع عليهم قضية تعويض وتشتكيهم في جهاز حماية المستلهك وتخليهم يحترموا ادامية الناس اللي راكبه العربية ديه ربنا سترها معاك والحمد لله انك بخير لاكن غيرك محدش عارف اذا كان هيسلم منها ولا ايه وبعدين هوه انتا شاري عربية ب جنيه انتا شاري عربية معدية ال 100000 جنيه يعني تاخد حقق تالت ومتلت

ربنا يخليك يااستاذي وربنا مايوريك شر الطريق انا عملت محضر وثبت حاله وثبت ان العربية ماكملتش شهرين بس والله انا مش هميمني العربية قد الي حصل فينا عندي صور تانية

[depo]

المشاركة الأصلية كتبت بواسطة Dr. Bolbolan معلش والنبى يا عم كورسير بلاش اندفاع ! مش لمجرد انك شفت العربيه مدغدغه يبقى هيه عربيه زباله ! و بتضرب شقلبظات لوحدها ! ممكن أى عربيه من أى نوع عملت حادثه انقلاب يبقى شكلها أسوأ من كده ! و روح الحرفيين ح تلاقى سيارات من أفخر الآنواع متقطعه حتت للبيع لآنها عملت حوادث ولم تعد تصلح للعمل ! أنا للمره المليون مش بأدافع عن كيا ولا السيراتو و فى نفس الوقت لا أشكك فى كلام الآخ صاحب الموضوع كان الله فى عونه ! نحاول نحلل مع بعض واحده واحده اللى حصل ! من الآخر كده منظر العربيه كده لآنها نزلت من ارتفاع متر من على الآسفل للصحراء المجاوره ! وطبعآ لو كانت تريلا أو دبابه كانت ح تنقلب برده ! الآخ بيقول السياره حدفت منه فجأه و حاول يعدلها ولم يفلح ؟ وفى قول آخر جنبت ؟؟ طيب حدفت شمال و حاول يجيبها يمين فلم تستجيب واستمرت شمال وانقلبت أم العكس ؟؟ أم حدفت شمال مثلا قام عمل رد فعل سريع و كسر يمين و مع السرعه دخلت يمين وانقلبت ؟؟ ولا العجل أصبح فى ناحيه والدركسيون انحل ولف على الفاضى ؟؟ أنا شايف العجل واقف عدل سليم علشان يركنوا العربيه صح يعنى التوجيه سليم ! كمان مش باين ان فيه مقصات مكسوره ؟؟ طب ايه اللى حصل بالضبط ! ممكن اعصار صغير أو شوية هواء جامدين سنتروا عمودى على جانب السياره علشان تجنب و يتغلب على قوة الموتور و المومنتوم و توجيه السياره ؟ ولا كان فيه مطب ؟ أو أن الطريق كان به انحراف و لم يلاحظه لآنه كان مساء ؟؟ أنا بأسأل الآسئله دى علشان نوصل للحقيقه لآن عندى سيراتو وبأسافر كتير وبأمشى على طرق مهببه وسريعه ! والآدهى بيكون معايا أسرتى ! والشهاده لله أنا سافرت بها مرتين نزلت بيها وطلعت جميع أنواع المطبات و بسرعات و سرعتى العاديه 130 بطريقة ثعبانيه ! ووصلت ل 160 بدون أن أدرى ولم أشعر انى أركب سياره سيئه ؟ ولكن للآمانه برده بأعمل كل ده باحتراس و واضع فى دماغى كل ما قرأته عن السيراتو ! وربنا يسترها معانا جميعآ يارب ! ياريت تفاصيل أكثر وياترى الآخ اللى جبته من المطار جرى له أيه ؟؟ Dr. Bolbolan ptmnlo123per122

يادكتور انا مش مابقولش حاجة عن العربية بس فعلا فيها عيوب بس مش تموتني العربية فعلا خفيفة وانا فعلا ماشي في القضية ومش هاسكت وان ماكنش علشاني هايكون علشان صاحبي الي كان معايا الي ملوش ذنب واتكسر بردو ولو ماكنش علشانة احنا الاتنين علشان الناس الي ركبها ومش عارفة عيوبها وربنا يسترها مع الناس كلها بس يادكتور العربية حدفت مني لوحدها بس مية في المية العربية خفيفة ومش مظبوطة وهافضل علي كلامي ده العربية ده شكل بس وثانيا انا عاوز اعرف الاير باج هايفح امتي بعد ما اموت
انا عندي اكتر من صورة للعربية وصور للتابلو وهو سليم مفيش ايرباج واحد فتح العربية انا يعتبر شريها كاش ودافع المبلغ ده علشان اشتري امان وفي الاخر تعمل كده
انا مش بكرهك في العربية بس انا بفيدك وربنا يشهد علي كلامي خد بالك منها