انا اسف بس حسيت اني لازم انقل الموضوع ده

[khaled al sharif]

الف سلامه وشفاه الله وعفاه ورينا يخلف عليه بصحته ... يا جماعة أيا كانت التحليلات لابد من التحقيق في هذا الحادث لتأكيد أو نفي كل النعلومات دي ما ينفعش التخمين في أرواح الناس كثير من المصنعين لمركات محترمة نزلوا سيارات فيها عيوب وسحبوها من السوق كان أخرها بعض موديلا النيسان وطبعا ده حصل عشان ناس إتعرضت لمشاكل مثل هذه المشكلة وتم إثباتها وأصبح موضوع التعويضات مالوش حل وبخاصة بره التعويضات بالملايين .... لابد من لجنة تحقيق بمعرفة المصنع مش الوكيل ولا شركة التأمين وإلا الموضوع هايضيع عشان المصالح ذي ما حيات الناس ممكن تروح عندنا وملهاش تمن

[Dr. Bolbolan]

المشاركة الأصلية كتبت بواسطة khaled al sharif الف سلامه وشفاه الله وعفاه ورينا يخلف عليه بصحته ... يا جماعة أيا كانت التحليلات لابد من التحقيق في هذا الحادث لتأكيد أو نفي كل النعلومات دي ما ينفعش التخمين في أرواح الناس كثير من المصنعين لمركات محترمة نزلوا سيارات فيها عيوب وسحبوها من السوق كان أخرها بعض موديلا النيسان وطبعا ده حصل عشان ناس إتعرضت لمشاكل مثل هذه المشكلة وتم إثباتها وأصبح موضوع التعويضات مالوش حل وبخاصة بره التعويضات بالملايين .... لابد من لجنة تحقيق بمعرفة المصنع مش الوكيل ولا شركة التأمين وإلا الموضوع هايضيع عشان المصالح ذي ما حيات الناس ممكن تروح عندنا وملهاش تمن

برده أنا مش بأدافع عن السياره ولا شركة كيا ! بس بالعقل كده شركة كيا مش أكل عيشها على السوق المصريه

ولا على توكيل " نصير " الخايب اللى مش عارف يلم السوق ! السياره دى بقالها سنه بتتسوق فى العالم كله !

و الناس بره بتمشى على سرعات عاليه و بيعملوا برده حوادث أشنع من أى حادثه ممكن تشوفها فى مصر !

و عندهم قدره معمليه تحليليه و تخيليه أقوى مئات المرات من مصر ! ولو فيه عيوب جوهريه فى أى جزء من

أجزاء السياره كان تم اكتشافه و اعلانه من زمان ! والا دى تبقى سابقه ان مصر اكتشفت حاجه لم يكتشفها أحد !

بس خلاص ! مش ح أكتب فى الموضوع ده تانى ! و ح أتوكل على الله و أستلمها و ربنا يحمينا من شرها وشر

غيرها ! آآآآآآآآمين !

Dr. Bolbolan ptmnlo123per1106

[m_o_sakr]

المشاركة الأصلية كتبت بواسطة bmkbmk شكرا يا صقر باشا على المتابعة بالنسبة للزجاج الامامى انا مش شايف مشكلة بصراحة انه يكون خرج منه حتى لو من جهة الراكب الامامى لان العربية كانت بتلف و بتتقلب ,, فا عادى جدا انه يخرج من اى جزى من الزجاج بسبب قوة الاندفاع.... اما حتة ان الزجاج مكسور للداخل أو الخارج فا منقدرش نجزم بيها لسببين .... 1- ان الزجاج الامامى يحتوى على طبقة بلاستيكية فى منتصفه بين طبقتين من الزجاج طبعا للحماية و فى الوضع اللى العربية متصورة فيه ده لازم الزجاج يبقى باين انه واقع لتحت مش لفوق زى ما تمسك اى حاجة منرنة فى ايدك هتميل لتحت مش لفوق فا احنا مانعرفش ايه اللى حصل ساعت الحادث .... 2- ممكن انقلاب العربية بعد ما الرجل خرج منها يكون غير حاجات كتير فى ملامحها بعد لحظة خروجه .. اما بالنسبة للايرباج اللى فتح .. مكن تكون الغطة فى العربية نفسها... و ده غير مستبعد .. لو دورت فى المنتدى هتلاقى موضوع عن حادثة هيونداى جينسس كوبيه اول ما نزلت و الايرباج مش مفتوح بالرغم من ربط السائق للحزام .. فا عادى يعنى انه تحصل اخطاء فى العربيات دى ..... و ممكن تكون غير كدة الله اعلم.... بالنسبة لعدد القلبات .. انا فاهم كويس طبعا ان العربية لازم يكون فيها طاقة حركة كبيرة علشان تتقلب عدد كبير من المرات و فى النقطة دى يا ريت تشوف حضرتك مرة تانية الفيديو اللى حطه استاذ سامح رمزى sam ram فى مشاركته فى الموضوع و تشوف السرعات اللى ماشية عليها العربيات و عدد مرات الانقلاب فى كل مرة و فيه عربيات فى نفس الفيدو طالعة ببعض الزجاج السليم تماما .... ركز فى الفيديو بس و هتلاقى ان ده ممكن يحصل عادى ..... و على فكره اقنتاعى بالعربية من عدمه ملوش علاقة بالموضوع .... احنا بس بنتناقش فى اسئلة انت طرحتها و بالرغم ان المرسيدس مثلا هى اكثر السيارارت قربا الى قلبى و طبعا من اكثر السيارات امانا فى العالم الا انى شفت مرسيدس عيون مقسومة نصين ...و انا مش بامدح ولا بذم ... عادى يعنى ده قدر ربنا ... بس كل حادثة بيبقى ليها ظروفها و ربنا وحده القادر على حفظ من هو بداخل السيارة بغض النظر عن اى حاجة احنا بس بنحاول نقر الحقائق عن العربية و عن ظروف الحادث حتى الراجل نفسه اللى عمل الحادثة بيحاول يقر الحقائق و مش مجرد تشويه لصورة العربية لصالح حد بعينه ... احنا كل اللى عاوزينه مصلحة الناس مش مصلحة التجار و لك منى كل تحية

بالنسبه للزجاج انا فاهم طبعاً إن الجاذبيه حتخليه ينزل لتحت مش يطلع لفوق, بس انا شفت كذا حادث لمل الزجاج بيتكسر نتيجه إصطدام من الداخال بيتكسر على بره مش على جوه.

و لو حضرتك أخدت بالك من الفيديو معظم العربيات اتقلبت علشان عرضت و خبطت فى حاجه او الأرض ارتفاعها إتغير يعنى كانت ماشيه على العالى و نزلت فى الواطى او العكس, يعنى كان فى أسباب منطقيه.

و انا والله مش بدافع عن العربيه او بذم فيها, الموضوع مش فارق معايا خالص, الفكره إن كل حاجه و ليها سبب, و الأسباب او الأحداث الى ذكرها صاحب الموضوع الأصلى متعملش كده حتى لو بعربيه فرنا (مع احترامى للفرنا و ملاكها).

و طبعاً المهم سلامه المستهلك مش جيب التاجر او الوكيل.

[sam ram]

طيب هو السؤال دلوقتي ... ايه الاجراءات اللي ممكن يعملها صاحب العربيه
وازاي يثبت ان العربيه اتقلبت نتيجه ان المقص اتكسر ... مش العكس ( العربيه اتقلبت فالمقص اتكسر )
مش دفاع عن التوكيل .... احنا عندنا الوكلا بيسترخصو و يضحكو علينا
لكن الكلام ده بيكون في خامات التابلوه و الفرش و التجهيزات (الاوبشنز )
لكن اساسيات العربيه واحده ... مش حيبقى لبره مقصات فرز اول و لينا الفرز التاني !!!
دي حتى لو كانت صيني ... المشهورين انهم بينتجو المواصفات حسب طلب العميل ... لكن الاساسيات دايما حتفضل هي هي ... دي خطوط انتاج بمواصفات محدده
الفورتي بتنزل بره بمواتير 2000 سي سي ... لو فيها عيب عفشه يبقى حنسمع كل يوم و التاني عن شقلباطات و اكروبات وقضايا تعويض و سحب للعربيه
وارد يكون في عيب صناعه ... واي شركه في الدنيا بيحصل ده معاها ... تويوتا عندها مشكله في 4 مليون عربيه !! وقبلها نيسان و فورد و غيرهم ...
ازاي بقى يثبت ان اللي حصل ده عيب صناعه وان العربيه اتقلبت نتيجه مشكله فيها مش نتيجه عيب في الطريق او خطاء بشري ...
لكن كلام من عينه إن العفشه مش مستحمله الجنط ال 17 !!! يبقى نبعت لكيا نقولهم انتو مبتفهموش حاجه في العربيات ونقدم الشكوى للفيفا!!

[AbOnOrA]

الصور دي ابشع شوية و بتبين ان الفردتين اللي قدام مفرقعين مش بس الشمال.. و الواضح جداا ان المقصين اللي قدام مكسوريين... و شوفو الكوتش اللي قدام يمين و شمال عامليين ازاي.. و انتو تعرفو ان ده مقص اتكسر

يا جماعة الراجل عايز يقنعنا ان نقرة او مطب تخلى مقصين يتكسرو فى نفس الوقت وكمان عيب صناعة اصيل فى العربية يعنى كل الموديل كده مش عربيتة هو بس ده كلام يتصدق ياناس !!!

ربنا يشفيه ويعوض عليه بجد بس لو كان فعلاً مصدق اللى بيتخيله ده يرفع عليهم قضية على الاقل علشان الكلام يبقى جدى وموثق