ممكن حد يكرهنى فى النيو سيراتو!!!!

[coco 2003]

حبيبي فعلا اولا ديه عربية (كورية. made in Koea ) يعنى وحشة
انا بصراحة مركبتهاش بس بعد ما ركبت الكوكو (كورولا) والبيجو و اللنسر طبعا الكورولا بتعتى بحبها جدااااااااااا
طبعا لا يعلى على السيارات اليابانية والاوروبية لكن الكورى سيئ

[tefa_king1]

يا باشا حضرتك ممكن يكون الكورى مش بيعجب حضرتك ولا بيعجبنى انا شخصيا بس مينفعش حضرتك تقول عليها مش حلوه او سيئه الكورى قطع غيارو سعرها فى متناول ناس كتير و صيانتها سهله و نعمه الى حد ما و بتجرى يبقى ازاى نقول عليها عربيات مش حلوه الكورى كورى و اليبانى يبانى بس فى الاخر كل واحد و له العربيه الى تنسبو شكرا لحضرتك

[مظهر صفوت]

عايز تكرهها : غمض عنييك وقول ورايا: النيو سيراتو وحشة.. النيو سيراتو مش حلوة ....النيو سيراتو وحشة .. النيو سيراتو مش حلوة.... وكل سنة وانت طيب وسعيد

[sa3dawy]

المشاركة الأصلية كتبت بواسطة فادى و الله انا مش عارف الناس بتحب العربية دى على ايه؟ الشكل شرس من ادام بس مبالغ فيه جدا و مأخوذ من طابع الألفاروميو 159. من ورا شكلها تقليدى جدا. ايه اللى حلو فيها و ايه سبب الاقبال عليها؟ اقولوكو؟ ركزت الحملة الاعلانية بشكل مكثف على شكل السيراتو الجديدة, فاكرين الاعلان اللى البت الزغلولة بتقول فيه "اصلك مشفتش السيراتو الجديدة!" ده كان قبل ما العربية تنتشر و قبل ما الناس تشوف شكلها اساسا. و بالتالى قام الاعلان بعمل شبه تنويم مغناطيسى و ايحاء نفسى للناس انو السيراتو الجديدة ثورة على صعيد الشكل, و طبعا الشكل احدى اهم عوامل التأثير عند شراء السيارة, بل ربما هو العامل الأهم! هذا الايحاء النفسى تناقل بين الناس و وصل حتى لمن لم يستمع الى الاعلان, و اصبح شعور نفسى ينتقل بالايحاء بين الناس. لو لم يكن الاعلان بهذه الكفاءة و هذا التأثير (تأثير بعض الاعلانات فى حركة البيع يستحق الدراسة بالفعل) لما بيعت السيراتو بهذا الشكل, و لما كان شكلها جميلا. من جهة الامكانيات و القيادة هى سيارة عادية جدا, تتشارك مكونات كثيرة مع الالنترا, و ليس فيها ما يستحق الاهتمام و لا فى تصميمها أى شىء مميز. تحية الى من صنع هذا الاعلان, هو فقط من يستحق التحية, أما شركة "كيا" ذات نفسها, فلا تستحق الكثير من التقدير.

كلام جميل وكل حاجة .. بس يا استاذ فادى اعتقد من الصعب شوية .. بل وشويتين ان اعلان تليفيزيونى يحبب الكمية دى من الناس فى منتج هذا الحب ... مهما كان الاعلان عظيم
انا شخصيا مشفتش الاعلان وبحبها بردو ...
احنا بنتكلم عن عربية يعنى موتور وعفشة وفتيس وراحة وشكل وكماليات ..
بعنى موتور 124 حصان وفتيس اتيبترونيك وشكل جميل جدا(على الاقل فى رأى) اوكماليات كتييييييييييييير وراحة ونعومة فى الاداء وكل دا بسعر معقول جدا مقارنة بشقيقاتها الcompacts ...
وانتا عارف الشعب المصرى على قدوا ... يعنى محدش هيروح يحط تحويشة عمروا علشان اعلان زى الفرافير بتوع برا ptmnlo123per122

[فادى]

المشاركة الأصلية كتبت بواسطة sa3dawy كلام جميل وكل حاجة .. بس يا استاذ فادى اعتقد من الصعب شوية .. بل وشويتين ان اعلان تليفيزيونى يحبب الكمية دى من الناس فى منتج هذا الحب ... مهما كان الاعلان عظيم انا شخصيا مشفتش الاعلان وبحبها بردو ... احنا بنتكلم عن عربية يعنى موتور وعفشة وفتيس وراحة وشكل وكماليات .. بعنى موتور 124 حصان وفتيس اتيبترونيك وشكل جميل جدا(على الاقل فى رأى) اوكماليات كتييييييييييييير وراحة ونعومة فى الاداء وكل دا بسعر معقول جدا مقارنة بشقيقاتها الcompacts ... وانتا عارف الشعب المصرى على قدوا ... يعنى محدش هيروح يحط تحويشة عمروا علشان اعلان زى الفرافير بتوع برا ptmnlo123per122

صدقنى تأثير الاعلام أكبر مما تتخيل,
على فكرة الكيا سيراتو هى هى نفسها الهيونداى النترا و لكن متنكرة, المحرك هو نفسه محرك "الجاما" 1.6 الموجود فى الالنترا, و معظم مكونات نظام التعليق مأخوذ من الهيونداى.
و هى تبقى سيارة عادية بالمقارنة بغيرها, و سعرها مبالغ فيه طبعا, للأسف فاننا هنا مش فرافير لكن بنروح نشترى عربية كورى بسعر يتعدى المئة ألف.
مع ان فيه اختيارات أخرى أفضل كثيرا فى هذا السعر.
و لو انت شايف انو الالنترا سيارة مميزة و ثورية يبقى ده موضوع تانى.
موضوع انو شكلها جميل من عدمه فأنا عايزك تشوف العربية دى و تقارن, الكيا شكلها مبالغ فيه و مفتعل لكن المقدمة الهجومية فكرتها مأخوذة من الألفاروميو 159 بالمللى (هوندا برضو نقلتها بالمسطرة فى السيتى) هتلاقى انو كيا خدت الفكرة من الفاروميو و لكن عدلت فى المقدمة و كانت النتيجة انها شوهتها (و لكن يبقى جمال الفكرة و هى سحبة الفوانيس الأمامية من برا لجوه).



شيل مثلث الألفاروميو الشهير, فعلى ماذا تحصل؟؟