ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

[shadywasfy]

ya gama3a ana kont 3aiez a2ol ta3le2 so3'aiar 5ales
mabda2 kona et3alemna fi el ektesad
en el se3r yet7aded 3ala asas el 3ard wel talab, we masha2 allah el 3ard keter we7na 3amalaeen neshtery be ay se3r
tab manigy nebatal shera shwaia(na2s el talab)
hatla2o en el se3r 3'asb 3an 3een ay 7ad here lazem ye2el till ma el nas tebtedy teshtery tany
we da tab3an besabat bakeiet el 3awamel
so ya reet el nas yekon leha wa2fa fe3lan mesh nefdal neshtery we 5alas mahma kan el se3r
zay el picanto el gededa ely mashterihash be 60000 we di masha2 allah betel3ab fi el 90000
sam7ony 3ala el franco arab bas ana batee2 gedan fi el 3araby

[ali farouk]

بص حضرتك غبور ده مش بقالة ولا كشك سجاير علشان حضرتك تضرب لنا المثل ده ؛ لأن المثل ده ينطبق على عم حسين بتاع الفول اللى جنبى لكن لما تتكلم على مؤسسة بحجم غبور وامكانياته ومكاسبة الخرافية فمعلش انا مش قادر اقتنع بكلام حضرتك
والعكس هو الصحيح تماما وهو انه غبور كان المفروض يقلل مكسبه ويعمل عروض لتنشيط المبيعات ( يعنى هو لازم يطلع المكسب اللى كان بيطلعه قبل الأزمة
وحضرتك لو بصيت هتلاقى كل الشركات الأجنبية الكبيرة فى الأزمة العالمية اللى فاتت عملت تخفيضات على عربيتها
المشكلة ان غبور عايز المكسب اللى متعود عليه لان المبيعات قلت فيعوضها من المشترين الجدد
وأعتقد ان مفيش حلول او عرض مشاكل او أفكار من جانبنا لغاية ما سياسة غبور باشا تتغير ويعرف انه بيعامل شعب محترم أبهر العالم كله

[magdy m.s]

المشاركة الأصلية كتبت بواسطة Mr.Mamo اعتذر لتأخري في الرد وذلك لاني ادخل النت مرتين في الاسبوع أو تلاته بالكتير بعد قراءه المشاركات اللي بدأ معظمها يرتقي لاسلوب محترم خلينا اوضح بس حاجات صغيره بسرعه المثال اللي انا ذكرته في الاول خالص لم يكن المقصود به وصف سياسه للشركات الكبيره ولو وصف معامل حدي ربحي لازم يحافظ عليه التاجر الصغير انا كنت عاوز أوضح بيه حاجات تانيه كتير من الواضح ان محدش فكر فيه كتير واكتفيته بقشره الموضوع دون الاستطراق الي لب الموضوع انا من الاخر عاوز اقول ان ممكن تغيرات بسيطه في السوق ممكن تجبر منتج أو مستورد أو الاتنين مع بعض انهم يرفعوا السعر مش عشان يزودوا المكسب لا عشان يقدروا يكملوا المشروع و المركب تسير وليس الهدف شرح نظريه اقتصاديه ولا كلامي كان ليه علاقه بالمحاسبه اطلاقا دا بس عشان الكورس المحاسبي اللي بصراحه المفروض ان صاحبه راجل فاهم والمفروض انه يكون معايا مش ضدي ويحاول يفهمكوا ليه السلع عامه في حاله غلاء ثانيا : - انا قولت قبل كده ان السيارات الهيونداي كسيارات ليست افضل سيارات العالم واي حد جوه هيونداي لو قولتلوا العربيه الهيونداي احسن ولا النيسان أو حتي سوزوكي مش هيرد غير ردطبيعي كلنا عارفينه ( متقارنش ياباني بكوري يا باشا ) وقولت ان اللي خلي الهيونداي ناجح في مصر وكيل قوي + راس مال محترم + نظام فوق الطبيعي بشويه ولا احد ينكر ان غبور صرح مصري يحترم علي مستوي الشرق الاوسط ثالثا :- لو انتوا بمشاركاتكوا عايزين تقولولي ان غبور نصاب وحرامي عشان بيغلي اسعار السيارات بتاعته يبقي انتوا كده عايزين تقولوا ان الشعب المصري كله نصاب وحرامي لان يا جماعه كل حاجه غلت بشكل مش طبيعي السلع بتزيد 100 % و200 % و 300 % لكن الوحيد اللي نصاب وحرامي غبور ليه عشان مش عاوز يخسر عاوز يكسب ويكسب كتير يا جماعه هو انتوا معندكوش ولا احتمال 10% انكوا غلطانين .. وتحالوا تفهموا ليه السلع كلها بتغلي مش العربيات بس .. ايه كلكوا خبراء اقتصاد أخيرا علي فكره مفيش مشاركه علي الاطلاق انا مقدرش ارد عليها لان معنديش حاجه اخبيها ولا بعمل حاجه عيب ولا مفروض عليا اني اصلا اعمل الموضوع ده بس بجد لو فيه حاجه منظمه محترمه ليها اهداف انا هكون أول المشاركين معاكوا بوقتي ومالي ومجهودي وفكري كمان ومش هستخسر في بلدي حتي وظيفتي ولا حتي روحي بص علي فكره انتوا اللي مردتوش علي سؤالي المدخنين اللي اتكلموا كتير جدا سؤال لو رئيس الجمهوريه الجديد وافق ودعا الناس انها تقاطع المحتكرين ممكن تجاوبوني ازاي هتقاطعو العربيات اللي بتزيد 1و 2 و 3 % وانتوا مش قادرين تقاطعو السجاير اللي غلت 100 و 200 و 300 % جاوبوني علي سؤالي عشان ارد علي مشاركاتكم علي فكره فيه مشاركات كتير محترمه قوي في الموضوع هرد عليها واحده واحده لان الموضوع ما انتهاش بس برده انا مصمم تجاوبوا علي سؤالي عايز اعرف انا بكلم ناس بتتكلم بس ولا بجد نفسها تعمل حاجه للبلد

اذا لم تستحي فافعل ما شئت فما بالكم اذا كان لا يستحي ولا يخاف الله فماذا سيفعل !! ماذا يمكن ان نفعل في بلد بدون حاكم !!! السلام عليكم ورحمة الله وبركاته - مع كامل احترامي وتقديري لجميع الاعضاء الكرام فانا اسف لن استمر في النقاش

[abdulkhaleq]

المشاركة الأصلية كتبت بواسطة mmffor اقولك اسمه ايه؟ اسمه ان المستهلك المصري يستاهل اللي يجراله

بس كده وبكل بساطه
بما ان الاستاذ صاحب الموضوع حب يظهر توكيل غبور في صورة المناضل
وكمان قال انه مش عامل الموضوع للنقاش
احب اقول مع كامل احترامي للاخوه اللي عايزين يوصلوا صوتهم ومش عارف ايه
ده اشبه بواحد مش عارف يخلص من واحد بيعتدي عليه قام متعاطف معاه
ودي في علم النفس اسمها متلازمة ستوكهولم

عربيات زبالة الزباله شايلين منها كل الكماليات ويكتبلك تكييف وباور يافرحتي
طيب ليه هو بيعمل كده ؟؟
عشان في مستهلك غبي وأهبل وسوق اشاعات بيمشي ورا كلام فاضي
إزاي ؟؟ ابعد عن الرينو, ابعد عن السيتروين, الالماني مش عارف ايه, الياباني مش عارف ايه
في حين ان كل دول برقبة الكوري عموما والهيونداي خصوصا
وبنفس السعر وارخص في حالة المستعمل

احنا اتعودنا تأليه كل حاجه ووصل الموضوع للعربيات (متلازمة ستوكهولم برضه)
قال يعني الكوري اي ميكانيكي يصلحه وكده ودي كمان خرافه عملناها وصدقناها
ليه ؟
لأن ببساطه كل الميكانيكيه جهله وبصمجيه وبيتعلموا في العربيات اللي بتروحلهم لحد مايبوظله كام عربيه وبعدين يعرف
وبعد كل ده عايزين ايه من غبور يعني ؟؟ يطبطب عليكم ؟؟
واحد يرفع السعر والناس بتشتري ياسبحان الله بصراحه حقه !!
ولسه في ناس بتعامل الكوري على انه نازل من السما وتيل الفرامل في الرينو ب 50 الف جنيه وشوية خزعبلات من دي
وطبعا اللي دخل توكيل غبور شاف الاسعار عامله ازاي
وفي النهايه الكوري عربيات عاميه شويه حلوه وبتقضي الغرض
لكن بالاسعار بتاعة سوق الجهله والعامه ده
في ستين داهيه
ده الواحد بيشوف مهازل في سوق المستعمل والاسعار المطلوبه بسبب سعر الزيرو
علبة سردين زي الجيتز تعدي ال 80 ألف ليه !!! ؟؟؟؟

وفي الاخر
نستاهل

[SHERIF MARLBORO]

مش طالبه اقرا الموضوع بعد اول سطرين.............