العودة   مصر موتورز مجتمع السيارات > السيارات الصينية والهندية > برليانس Brilliance

برليانس Brilliance بريليانس Brilliance من الشركات الصينية الجديدة التى حققت نجاحاً كبيراً فى فترة صغيره نتجية تعاونها مع الشركة البافارية وتقديمها لموديلات بجودة متميزة وتصميمات حديثة اوروبية الطابع BS6 -BS4 - BC3 - FRV - سبليندور


إضافة رد
 
أدوات الموضوع
  #1  
قديم 26-07-2014, 02:51 AM
الصورة الرمزية محمد اشرف
محمد اشرف محمد اشرف غير متواجد حالياً
من انا؟: Mohamed ashraf
التخصص العملى: Student
هواياتي: Everything about cars of all types
 
تاريخ التسجيل: Mar 2011
الموقع: Alexandria
المشاركات: 4,254
محمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond repute
حصرى واخيرا تقرير تجربة وشراء بريليانس v5 2015 هاى لاين بالصور

السلام عليكم ورحمة الله وبركاته

اتأسف لتأخرى فى عمل التقرير عشان يكون الموضوع متكامل المهم هنقسم الموضوع عشان مايتلخبطش كله على بعضه




اولا قصة الشراء انا مش هطول عليكم الموضوع لانى كنت كتبته قبل كده فىا لموضوع ده
حجزنا البرليانس v5 2015 - مصر موتورز مجتمع السيارات

ثانيا الاستلام وهو ده الى قصته طويله
لان يوم ماحجزنا كان الاستلام بعد اسبوع تقريبا ووصل الاسبوع الى شهر وكل ده لاننا كنا مختارين لون يعتبر سبيشيال اوردر وهو الاسود وتم بيع السياره التى كانت معنا وهى الفولكس سوران فى الاسبوع الاول بناء على كلام مسئول المبيعات ان الاستلام بعد يومين لأن فيه دفعة سيارات وصلت الميناء وهتتنقل للمخازن ثم تأتى المعرض
وعند يوم الشراء وصل تليفون بأن السياره لم تصل وفيه تأخيرات وكل يوم كان تليفونات ولما وصل تليفون بأن السياره وصلت فوجئنا بتليفون بعدها بأن ورق السياره لم يصل ولو عايزها دلوقتى هتاخد نمر تجاريه ب60 جنيه فى اليوم والورق هيوصل بعديها ب4 ايام تقريبا بس احنا ما كناش ضمنين حكاية النمر التجاريه دى فااستنينا كمان وكل ده وشغل ابى كله سفر من غير سياره وطبعا كانت بهدله المهم الورق وصل بعديها باسبوع ونصف او اكتر تقريبا بعد ماكانوا 4 ايام وطلبنا انها تأتى من المخازن من العامريه الى المعرض
وفعلا تم وذهبنا شفنا السياره الساعه 11 ونصف او 12 مساءأ تقريبا وتم الشراء وقتها وركنها فى جراج المعرض وتم استلامها اليوم التالى الساعه 8 صباحا قبل مايفتح المعرض لان كان فيه مشوار الترخيص وتم ترخيص السياره وتجربتها بس قبل مانبدء بقصة التجربه نبدء بالصور الاول


اولا صور السياره بالليل قبل استلامها صباحا
************************* ********
كله يقول ما شاء الله لا قوة الا بالله فى الاول
دى وهى بتتغسل قبل مانشوفها




ودى شوية صور ليها بعد ماتغسلت


























ودى صورها اليوم التالى بعد الترخيص مع الشرح
************************* ********************

منظر للسياره من الاعلى
واخدة فخامة البى ام فى الصوره دى ما شاء الله



ودى صور السياره من الخارج



























الفانوس والled



ودى انوار الشبوره والنواكل الى حوليها ومش موجود غير فى اعلى فئه فقط



وده منظر من الجانب ويبين الزجاج الفاميه الاصلى بتعها مثبت على الرخصه ومش موجود غير فى موديل 2015 فقط


الاشارات بالمرايات



الشبكه



الجنوط اسبور مقاس r17











الفانوس الخلفى والled


ده النيكل الى على الابواب




ثانيا نأتى للسياره من الداخل

باب السائق وال4 زجاج كهرباء والسنتر الداخلى ومعلومه سنتر السياره يغلق عند سرعه 23 او 24 تقريبا






منظر عام للتابلوه







المرايات الكهرباء والتحكم بأضاءة العدادات




الطاره والمالتى فانكشن ويتم التحكم به فى الكاسيت والشاشه الى فى العدادات الى حكيتها حكايه




مكان للتخزين فى التابلوه العملات المعدنيه



الانوار الاماميه بالسقف ويتم التحكم بفتحة السقف منها ومعلومه شكلها مش هو نفس شكل الفئات الاقل والكتالوج يوضح ده




وهى مضيئه




شاشه بالتابلوه يعرض بيانات الكاسيت والساعه ومعرفة مروحة التكيف على سرعة ايه والتكيف لو شغال هيقولك على الشاشه دى والموزع



وهى شغاله



الكاسيت وصوته نقى ما شاء الله لانه 8 سماعات بعكس الفئات الاقل 4 تقريبا



التكيف وما شاء الله ثلاجه بس عيبه الوحيد انه بياكل بنزين كتير جدا جدا ممكن عشان هى لسه فى فترة التليين
وذرار الasr وهو نظام مانع التزحلق


الفتيس تيب ترونيك او ما يقال استبترونيك 5 نقلات وما شاء الله نقلاته حلوه ومنظم فى النقلات صح


الهاند بريك وعليه علامة بريليانس




مكان لوضع الاكواب





ايرباج الراكب الايمن ومعلومه اخرى السياره بها 4 اركاب 2 امامى و2 خلفى بعكس الفئات الاقل 2 فقط



وده المسند وهو بمستويين بس للاسف معرفتش اصور المستوى الاول لانه لسه متبرشم بالاكياس ومش عايزين نشيلها دلوقتى المهم ده المستوى التانى وبه فتحة usb و aux











الموضوع يتبع لان المسموح به فى المشاركه 50 صوره تقريبا بس عايزين نعمل مليونيه عشان يزودهم شويه ابو نورا
ممنوع الرد الى حين اكتمال الموضوع
__________________




نادى السيارات الصينيه على الفيس بوك نرحب بانضمامكم

http://www.facebook.com/NadyAlsyaratAlsynyh


جروب نادى سيارات البيجو على الفيس بوك
https://www.facebook.com/groups/172929839542780/

رد مع اقتباس
  #2  
قديم 26-07-2014, 04:02 AM
الصورة الرمزية محمد اشرف
محمد اشرف محمد اشرف غير متواجد حالياً
من انا؟: Mohamed ashraf
التخصص العملى: Student
هواياتي: Everything about cars of all types
 
تاريخ التسجيل: Mar 2011
الموقع: Alexandria
المشاركات: 4,254
محمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond reputeمحمد اشرف has a reputation beyond repute
افتراضي رد: واخيرا تقرير تجربة وشراء بريليانس v5 2015 هاى لاين بالصور

نكمل الموضوع


ده شكل للتابلوه ليلا بدون الفلاش











ودى العدادات ودى الى قصتها طويله لان فيها اوبشنز مش موجود غير فى العربيات الالمانى لو السياره مش دايره هيقولك ايه الابواب الى مفتوحه او الشنطه او الكبوت ولو دارت فيها اوبشنز كتير جدا احنا حتى الان مش عارفين غير نصفه تقريبا يعنى الشاشه الرئيسيه هى استهلاك البنزين طول مانت ماشى بالسياره بالكيلو والساعه كام لتر ومن المالتى فانكشن بتغير فى اعدادات الشاشه يعنى ممكن تشوف كمية البنزين الى فيها يمشيها قد ايه ولو فيه اى خلل فى السياره هيبينلك فى الشاشه وممكن تتحكم فى الزجاج الكهرباء الاوتو عند الغلق منها والسنتر على جميع الابواب بتتحكم منه من الشاشه ودرجة لون الشاشه بتتحكم منه فى الاعدادات والاضاءه النهاريه لled الامامى ممكن منها وحجات تانيه اهم كتير جدا بس لما اعرفها هقولها


وملعومه استهلاك البنزين بتاعها من غير التكيف ما شاء الله يعنى كان فيه مشوار سفر حوالى 100 كيلو وحاجه بسيطه نقص المؤشر اقل من شرطه مع انها فى فترة التلين

ودى صوره تانيه للعدادات والسياره مغلقه




منظر عام للتابلوه



المسند ويمكن تحريكه الى الامام والخلف




وده الstart ingine وهو زر فتح السياره بضغطه واحده وكلنا عارفين نظامه طبعا






فتحة التنك من الداخل



الكنبه الخلفيه







الباب الخلفى

الاضاءه بالخلف




السياره تفتح بالبصمه لو المفتاح قريب منها هى والشنطه ودى اوكره باب السائق والنيكل الى عليها لا يوجد الا فى اعلى فئه فقط هى والبصمه




المساحه الخلفيه ولا توجد غير فى اعلى فئه ومعلومه الشنطه بتتفتح بالحساس ويمكن فتحها بدون فتح السياره والسياره مقفوله لو المفتاح قريب منها



دى صوره للسياره بجانب الجيب جراند شروكى هسبكم تحكموا فيها



وده مفتاح السياره ومهم جدا لا فيه شفرة بلوتوث السياره كله



يمكن فتح الشنطه من الريموت


المفتاح مع المفتاح الاستبن





وده المفتاح الاستبن داخل الريموت ومهم جدا لان شفرة بلوتوث السياره فيه فامن غير المفتاح ده وهو بداخل الريموت لن تدور السياره




ودى صور للكتالوجات الى مع السياره منقسمه الى كتالوج السياره وكتالوج الكاسيت وكتيب الصيانه












ودى شويه صور صورتها للسياره بعديها بشويه


ده نيكل موجود فى العاكسات ومش موجود غير فى اعلى فئه فقط



















صورتين للسياره بالليل معلش لو مهزوزين بس هما جت على الاتنين دول







وأخيرا انتهت الصور الى نستنى كنت هكتب ايه بعدها

تقريبا فى الصور انا شرحت كل حاجه الا حجات بسيطه وبالنسبه للمحرك هو موتور ميتشوبشى mivec 1600 سى سى 118 حصان وما شاء الله جميل جدا وصوته قوى وعزل الموتور ممتاز وده من اهم حاجه فى السياره وبالذات من الداخل لو قفلت الابواب تعتبر انعزلت عن الخارج تماما لان عزلها ممتاز جدا جدا ما شاء الله


بالنسبه للعفشه فادى مش هقدر احكم الا بعد صيانه ال2000 لانها احيانها ناعمه جدا واحيانا نشفه سنه صغيره لان الجنط كمان 17


بالنسبه للتسارع فامش هعرف اقيمها لاننا مش من هواة الجرى والغرز وكده بس بالنسبه للطلوع الهادئ ممتاز


بالنسبه للتصميم الداخلى والخارجى ما شاء الله لا قوة الا بالله وبالمناسبه التابلوه جلد


بالنسبه للفرامل فاعلى الشعره وممتازه جدا وبها نظام الabs وال ebd وتقريبا نظام ثالث قرأته فى الكتالوج بس هتأكد منه الاول


بالنسبه للعدادات فاتقدر تتحكم منها بالسياره كلها ويوجد لمبة للايرباج وحساس لكرسى السائق والراكب الامامى لا يبدء عمل حساس الحزام الا عند الجلوس اول ماتجلس تضئ لمبى الحزام فى العدادات وجرس انذار بس مدته طويله شويه

من مميزات السياره ان المرايات كبيره ما شاء الله ودى ميزه مهمه جدا مش هيحس بقيمتها الا الى سايق

وبالنسبه للسعر فاهو 157000 ولكن للون الاسود بالذات 158000 لانه سبيشيال اوردر ودى حاجه معرفنهاش الا وقت الدفع

بالنسبه للون السياره فانا شايفه ما شاء الله مميز جدا واشيك لون عليها لاننا كنا محتارين بين الفيرانى والابيض والاسود لان اللون بتاعها مش اسود ملوكى لا ده اسود لو عليه شويه تراب لا يشوفها احد تشوفها من بعيد كحلى يعنى باختصار اسود بس مدى عل ىكحلى شويه وهو قلنا كده قبل مانستلم ذى بالظبط فيه عربيات لونها اسمه اسود مجرب الى هو الاسود الى مدى على فيرانى بس دى مديه على كحلى شويه بس برضه شيك جدا ما شاء الله


فيه شوية مميزات تانيه للسياره ماذكرتهاش بالصور مثل نظام مانع السرقه الايموبليزر ويوجد بالسياره حساسات خلفيه مهمه جدا جدا تحل مكان الكاميرا الخلفيه وتعمل الحساسات على درجات والطاره جلد طبيعى فى اعلى فئه فقط


بالنسبه لاهم نقطه وهى التقفيل والتفنيش للسياره وده الى اكيد الكل هيسأل عنه واحب ارد اقول ما شاء الله لا قوة الا بالله اظن الرساله وصلت


عايز اقول نقطه اخيره بخصوص ان الناس بتقول ابعد عن الصينى الكلمه الى بسببها انتحرت الصين ههههههههههههههه يا جماعه الصينى درجات يعنى انت لما تركب العربيه دى احب اقولك اقولك انك هتركب تانى اغلى عربيه صينى فى مصر لان اول عربيه هى الmg750 ال ب200000 وتانى عربيه هى البريليانس v5 يعنى متقرنش تقفيلها بتقفيل الشيرى كيو كيو الى ب20 الف الى لو هزتها هتقع 500 قطعه لا طبعا دى مش كده يا جماعه انت مش هتركب اى عربيه ومش اى تقفيل ناس كتير والله بشوفها فى موضوعات محتاره بين عربيات من ضمنهم البريليانس اول رد يقولك ابعد عن الصينى وهو ولا العربيه معاه ولا ساقها قبل كده واشك ان هو ماركبهاش قبل كده يا جماعه دى عربيه فيها اوبشنز موجود ودى معلومه لسه عارفها فيها اوشبنز مش موجود الا فى عربيات معينه ولازم تصريح قبل ماتنزل فيها من حاجه اوروبيه كده وبعدين العربيه موتور ميتشوبيشى والعفشه كلها سكودا a4 وجولف 4 والتصميم بتاعها اتحاد اوروبى والشاسيه بتاعها بورش وخط الانتاج بتاعها خط انتاج بى ام x1 يعنى من الاخر راكب عربيه مشترك فيها الاتحاد الاوروبى ومقفلاها الصينى بس برضه التقفيل ما شاء الله والسياره تعتبر احسن سياره فى الفئه السعريه لانك لو قرنتها هتقرنها اقل حاجه بالتيجوان والبى ام x1 الى بضعف تمنها من الاخر العربيه صفقه رابحه وتستاهل ثمنها والى هيدرسها من جميع النواحى هيشوف انها مش غاليه وعربيه تحفه




ممكن العيب الوحيد الى فيه اجماع عليه هو صوت الفرامل عند الضغط عليها ليها صوت زى تزيق كده ولما سألنا قال عشان كل فردة كاوتش محمله نظام الabs وال ebd متوزع على كل فرده غير نظام الasr بتاع مانع التزحلق ولسه هتأكد من الموضوع ده

وفى النهايه احب اشكر البشمهندس مصطفى من شركه رمسيس بالاسكندريه على الى عملوا معانا وراجل محترم بجد
واتمنى ان ينال الموضوع اعجابكم واسف لو كنت نسيت اى حاجه لانى عامل الموضوع بالليل وقولت اعمله بالمره لان غدا مسافر ان شاء الله ولما ارجع ان شاء الله هقولكم اخبار السياره فى سفر 300كم

واخيرا تصبحوا على خير
__________________




نادى السيارات الصينيه على الفيس بوك نرحب بانضمامكم

http://www.facebook.com/NadyAlsyaratAlsynyh


جروب نادى سيارات البيجو على الفيس بوك
https://www.facebook.com/groups/172929839542780/


التعديل الأخير تم بواسطة محمد اشرف ; 26-07-2014 الساعة 04:13 AM
رد مع اقتباس
  #3  
قديم 26-07-2014, 05:14 AM
الصورة الرمزية حسن شرف
حسن شرف حسن شرف غير متواجد حالياً
التخصص العملى: تجارة وتسعير السيارات
هواياتي: تجارة وتسعير السيارات
 
تاريخ التسجيل: Apr 2010
الموقع: امصر
المشاركات: 274
حسن شرف is a name known to allحسن شرف is a name known to allحسن شرف is a name known to allحسن شرف is a name known to allحسن شرف is a name known to allحسن شرف is a name known to all
افتراضي رد: واخيرا تقرير تجربة وشراء بريليانس v5 2015 هاى لاين بالصور

ألف مليون مبروك ربنا يديك خيرها ويكفيك شرها
وتقرير جميل جدا عن أوبشن العربية
وترجع بالسلامة
رد مع اقتباس
  #4  
قديم 26-07-2014, 05:44 AM
الصورة الرمزية magdy_c_c
magdy_c_c magdy_c_c غير متواجد حالياً
 
تاريخ التسجيل: Nov 2012
المشاركات: 472
magdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond reputemagdy_c_c has a reputation beyond repute
افتراضي رد: واخيرا تقرير تجربة وشراء بريليانس v5 2015 هاى لاين بالصور

الف مبروك السيارة يا محمد و ربنا يطعمك خيرها و يكفيك شرها و بجد تقرير راااائع و ما تنساش بعد التليين تقول لنا أخبارها ايه معاك
رد مع اقتباس
  #5  
قديم 26-07-2014, 12:33 PM
الصورة الرمزية ahmedenen
ahmedenen ahmedenen غير متواجد حالياً
 
تاريخ التسجيل: Feb 2010
المشاركات: 67
ahmedenen will become famous soon enoughahmedenen will become famous soon enough
افتراضي رد: واخيرا تقرير تجربة وشراء بريليانس v5 2015 هاى لاين بالصور

الف الف مبروك وربنا يباركلك فيها ويكفيك شر الطريق
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:00 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017