|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#1
|
||||
|
||||
تقرير 4 عن لوجي 1500 كيلو وزيارة التوكيل
السلام عليكم ورحمة الله
بعد التحيه احبائي ،، وصلت الحمد لله ل 1500 كيلو واغلبهم طرق سريعه (الدولي الساحلي اسكندريه) والعربيه ماشاء الله سحبها روعه واستهلاك البنزين مازال في المتوسط والسحب مع التكييف بدات اسيطر عليه واعرف اتعامل معاه والستاير مخليه العربيه تلاجه من جوه الشمس مبتوصلهاش وبالتالي العربيه بتفضل بارده من جوه حتي لو واقف في الشمس اول يوم بيها في الشتا امبارح واحساس ممتع صراحه نيجي بقي لزيارة التوكيل الاول انا شيلت الاستيكر الابيض اللي بييجي مع الزيرو من عليها ووديتها البنزينه غسلتها غسله محترمه من بره بس مع مسحة جاز بسيطه وغسله تاني وبعد كده وديتها للبوهييجي وخليته يديها وش بولش عشان كانت خشنه جداا من التخزين والمشمع الابيض وبعدها غسلها يدوي كده وبعد كده عطاها وش شمع وماشاء الله بقت زي الحرير بس للاسف اكتشفت حاجه ضايقتني البويا الفابريكا عند نهاية الاكصدام من اليمين ومكان المسمارين اللي بيتسبت بيهم مقشره البوهيجي عايز يوجب معايا قالي انا عندي ابيض القطهملك قولتله لااااااا اوعي تيجي جمبها انا عايزها كده اروح التوكيل اشوف ايه قصتها بس خوفني قالي ممكن تكون اتخبطت من المعرض وغيرت اكصدام ورشوها المهم تاني يوم روحت التوكيل فرع العامريه وفي مهندسه كده زي العسل جت تستلم مني العربيه :D انا مكنتش حاجز وسالتني وقالتلي بعد كده ابقي احجز قبل متيجي بس طلعت زوق المهم الدنيا كانت فاضيه وقالتلي بتشتكي من ايه اول حاجه عندي كانت الفوج لايت الشمال فاصل قالتلي فصل لوحده قولتلها اه كنت عالصحراوي وفصل في السكه تاني شكوي كانت البويا المقشره وقالتلي انت مستلمها كده وغسلت العربيه بمسدس وكام سؤال كده وبعد كده كانت بتشوف بايديها الفروقات بتاعة الاكصدام مظبوطه ولا لا وقالتلي حعرضها عالمهندس الفني تالت حاجه كانت النيكل اللي في الشبكه اللي قدام مطوس علي بسيط كده عارفين الفضه لما تطفي قالتلي مستلمها كده قولتلها اه وقولتلها دي اقصي نضافه ممكن اوصلها؟! قالتلي ماشي خدت المفتاح والرخصه وعملت امر شغل مكتوب فيه الفوج اللي فاصل بس استلمتها مني 10ونص المفروض استلمها 12 بس كان في بريك نص ساعه خدتها 12 ونص بعد متغسلت بالنسبه للفوج اللمبه كانت محروقه واتغيرت بس الخدمه مش عجباني نهائي لان اللمبه القديمه مكسوره وموجوده جوه الفوج الازاز بتاعها!! وجت سلمتني العربيه وقالتلي البويا دي سببها مسدس الميه بس انا شايف انها عيب صناعه المهم قالتلي حتجيبها بعد العيد وحتسيبها يومين وحنرش الحته دي من الاكصدام !! قولتلها حتترش وهي زيرو!! قالتلي لو وافقت علي كده مفيش مشكله! وقولتلها بالنسبه للنيكل قالتلي لما تجيبها حنصوره ونبعته للشركه ونشوف ردها ايه قالتلي لو جبتها يوم الحد حتستلمها يوم التلات بس عموما الحمد لله انا مش زعلان يعني كويس انها بتيجي في كده وبالمره ساعتها حقولهم ينضفوا الازاز اللي جوه الفوج والبكره اللي بتتحكم في ارتفاع الانوار بتحرك الفانوس اليمين بس والشمال مبيتحركش حبقي اقولهم عليه برضه ان شاء الله والحمد لله الذي لا يحمد علي مكروه سواه
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا محمد الرويعي |
#2
|
|||
|
|||
رد: تقرير 4 عن لوجي 1500 كيلو وزيارة التوكيل
الرجاء مباعده التقارير وليكن كل 1000 كيلو
وشكرا |
#3
|
||||
|
||||
رد: تقرير 4 عن لوجي 1500 كيلو وزيارة التوكيل
مشكــــــــــــــــــــــ ـــــــــــور
|
#4
|
||||
|
||||
رد: تقرير 4 عن لوجي 1500 كيلو وزيارة التوكيل
السلام عليكم
ربنا يحميها لك ويكفيك شرها : 140109~347: والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
||||
|
||||
رد: تقرير 4 عن لوجي 1500 كيلو وزيارة التوكيل
انا نزلت التقرير بس عشان اذكر اللي حصل في التوكيل
اعتذر لو كانت التقارير كتير!!
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا محمد الرويعي |
|
|