#1
|
|||
|
|||
الحقونى العربية الريجاتا بتنط على الغيار التانى
و انا ماشى على الدائرى و انا على الرابع لقيت الفرامل و انا بفرمل الدواسة بتنزل لتحت قوى عشان تفرمل زى ميكون فيها هوا عكس العادى كنت احمل على الدواسة تفرمل على طول
اما المشكلة الكبيرة و انا خلاص نازل من الدائرى و كل ما اجيب الغيار التانى العربية زى ميكون بتنط و تترجرج اجيب على الاول تنط شوية انا اتجننت على فكرة عندى الفتيس على الغيار التانى بس بيعمل صوت جامد يعنى كأنى مش دايس دبرياج المهم واحد قاللى حط زيت للموتور فحطيت وواحد قاللى لا ده كهربا العربية مش مظبوطة وواحد قاللى لا ده زيت الفتيس انقذونى مش عارف اعمل ايه الحقونى قبل ما ابعها لانى زهقت بجد<!-- google_ad_section_end --> |
#2
|
|||
|
|||
رد: الحقونى العربية الريجاتا بتنط على الغيار التانى
أظن وبخبرتى المتواضعة جدا
أنه زيت الموتور أو العيب عموما فى الفتيس بالنسبة للفرامل إسحب الهوا بتاعها وممكن تبص على الدبرياج وياريت ربنا يرزقك بحد خبرة يساعدك بس أنا حبيت أساعد علشان كان عندى مشاكل مشابهة ربنا يوفقك وتلاقى المشكلة بسيطة بإذن الله |
#3
|
|||
|
|||
رد: الحقونى العربية الريجاتا بتنط على الغيار التانى
السلام عليكم
اولا: موضوع الفرامل اخى الفاضل بسيط جدا... حاول تاخد هوا من الأربع عجلات وكمان بص على خزنة الباكم... ممكن تكون فاضية.. وكمان راجع خراطيم الباكم ممكن تكون مشققة وعاملة تسريب ودة حيبان على العجلة وهى واقفة مكانها ( هات الدريكسيون لأخرة وبص على العجلة من جوة )... واخيرا راجع الماستر يمكن يكون محتاج طقم جلد ماستر ثانيا: موضوع الغيار مشكلتة بأذن الله مش حتخرج عن طقم دبرياج ( اسطوانة وديسك ) لازم تكشف عليهم لأنهم سبب رأيسى فى مشكلتك ولو طلعلت المشكلة فيهم انصحك بشراء طقم تركى وبلاش الأنجليزى او الأيطالى لأنه مضروب. مشاكل بسيطة واوعى تعقدك من الريجاتا.. الريجاتا عربية زى الفل لو ايدك فيها على طول. |
#4
|
||||
|
||||
رد: الحقونى العربية الريجاتا بتنط على الغيار التانى
انا مع الاستاذ فلامنجوا متتعقدش من الريجاتا - ليت الريجاتا كان فى منها زيرو فرق رهيب بينها و بين اللانوس - يا ريت كان فى منها زيرو كانت حتبقى احسن من العك الى موجود فى السوق دلوقتى
بعدين حضرتك بتقول على التانى بتطلع صوت كانك مش دايس دبرياج معنى كلامك لحظة النقل و لا مستمر؟ فى الحالتين لازم الفتيس يتفك علشان لو فى حاجة بايظة تتغير |
#5
|
|||
|
|||
رد: الحقونى العربية الريجاتا بتنط على الغيار التانى
انا شاكر ليكم جميعا بس موضوع الفتيس يكلفنى كام تقريبا و شاكر جدا
|
|
|