التريللا

المشاركة الأصلية كتبت بواسطة تامر ديزل ياريت كنت سواق نقل كنت ريحت دماغي الاوحاء الصح هوا اني مهندس ميكانيكا بدرجه اسطى بلا فخر وبعمل مجهودات ودراسات اني اوصل لدرجة معلم ويارب يارب اخد لقب الحاج ف يوم من الايام اللي هوا اعلى حاجه في المجال وانا بهزر معاك في حكاية شكك وشكي والكلام ده ولو عندك اي سؤال شغال معاك

: soccer_372:

[hamaad]

متابع باهتمام شديد

[Moh.Osama]

موضوع حلو اوى وطريقة حضرتك ممتعه وسهلة علشان الواحد يقدر يفهم وسعت صدر حضرتك فى الاجابة على الاسئلة تدل على انك انسان محترم وفعلا انا استفدت من الموضوع ده

[dr.wael7yran]

خش على التقيل يا باشمهندس ..
بكام و ازاي ..
عايزن نحسب الحسبة..
و نعوم بقى على وش الفتة

[GoldMan]

الف الف شكر ياأخ تامر على موضوعك الممتاز والمعلومات اللى فادتنى جدا لانه فى شغلى اتعامل كتير مع الجرارات والتريلات... والواحد عموما بيكون سعيد اما بتقابله معدة او آلة ويكون عارف مواصفاتها وامكانياتها وطريقة تشغيلها.

فيه حاجة لاحظتها من فترة على مااذكر ان سيارة نقل بدون مقطورة جاءت الموقع للتحميل وكانت من الموديلات الحديثة ولاحظت ان الكاوتش بتاعها كله اصغر من كاوتش العربيات النقل الاخرى وهو كاوتش سلك مش تيل وساعتها شكيت ان العربية دى تقدر تشيل بضاعة حوالى 25 طن لكن تم عادى جدا ولم اقابل السائق لأساله.
ولى سؤال لوسمحت بالنسبة للعربيات النقل هل مقاس الكاوتش الصغير يتحمل الحرارة والاحتكاك بالاسفلت وهى محملة زى الكاوتش العادى.. وبالنسبة للنقل هل عمره الافتراضى زى الكاوتش العادى.. ووجدت بعد ذلك انه موجود فقط فى العربيات النقل بدون مقطورة والتريلات ايضا ليه مش موجود فى الجرارات؟
ملحوظة اخرى اعتقد ان مقاسه ده بيخلى العربيه مش عاليه عن الاسفلت وده كمان يضرها لو الطريق غير سليم وكله مطبات.

فيه حاجة عجبتنى جدا فى العربية دى احب اضيفها وهى عند التحميل وكان التحميل يدوى بواسطة العمال وارتفاع الصندوق تقريبا اقل شوية من العربيات النقل العادية وده طبعا لأن مقاس الكاوتش اصغر ، ولتخفيف تعب التحميل على العمال استخدم السائق مفتاح كهربى من داخل الكابينة وعن طريقه بدأ صندوق العربية ( صندوق مفتوح ) ينزل لاسفل حتى قرب ان يلامس الكاوتش وتم التحميل فى سهولة ، وبعد ان انتهى التحميل رفع السائق الصندوق كما كان وغادر الموقع ، ومتهيألى ان سبب وجود الوظيفة دى فى العربية مش علشان استخدامها اثناء التحميل لان التحميل طبعا فى الدول المتقدمة لايكون يدوى ولكن ليستخدمها السائق لما يكون محمل حمولة عاليه وقابله فى الطريق نفق او اسفل كوبرى ووجد ان ارتفاع العربية اعلى من الارتفاع المسموح له بالمرور فينزل الصندوق حتى يمر من النفق ثم يعليه تانى ويكمل مشواره ، فهل ده صحيح ولا فيه سبب تاني للوظيفة دى.

الواضح ان الدول المنتجة للسيارات النقل وخصوصا الدول الاوربية واولهم المانيا انها تضع كل الامكانيات والمواصفات المريحة فى السيارة للسائق ودائما بيطوروا السيارات النقل حتى اصبحت مثل الملاكى كما ذكرت فى موضوعك. واعتقد انه بعد سنوات قليلة سيتم اختراع سيارة ( مش عارف هل اخترعوها ام لا ) يكون بها سائق آلى بحيث الواحد يركب العربية ويبرمجها للمكان اللى رايحه وهى توصله ، وطبعا الاختراع ده مش هينفع فى شوارعنا اللى محتاجه من السائق علشان يضمن سلامة وصوله ان يقوم بمهمة السواقة والمتابعة للمشاكل المرورية والزحمة الموجوده فى شوارعنا.
آسف للتطويل وشكرااا