تجـربتى بالصـور والمعــلومات عن تســليح كاوتـش نيسان تيـدا ومعـلومات هامـة عن الترصيص

[YahiaAshraf]

فى البداية احب اوجه كل التحية والتقدير الى اخى وصديقى العزيز رئيس مجلس ادارة شركة تاير منيا فى مصر الاستاذ محمد يسرى
على ذوقه واستضافته الكريمة لى من القلب عند زيارتي له لعمل تسليح الكاوتش
وزادني اعجابا مدى الوعي والاطلاع على كل ما هو جديد في عالم الاطارات وهذا مالمسته من خلال حديثي معه و افادنى بها جدا
وبصراحة تميز بسعة صدره من خلال الاسئلة والاستفسارات التي طرحتها علي. فيجاوب بكل ايضاح ويسر واستفاضة عليها ....

وبكل صدق الشركة فى مدينة نصر تضم عمالة على مستوى عالى من التدريب .. والعلم والثقافة .. عارفين وفاهمين بيعملوا ايه
وبصراحة اخدت خلسة واتسحبت من الاستاذ محمد وهو مع العملاء عشان ادخل ادردرش معاهم
ولقيتهم بيتكلموا بثقافة وفهمين جدا بيعملوا ايه .. والاجمل انهم منظمين فى شغلهم وعندهم دقة فى الصنعة .. وده انا شوفته بعينى ..

:: صور للمكان ::

اولا : الترصيص وقصته معايا

* انا كنت رايح بشتكى من موضوع الترصيص .. ودى كانت مشكلة كبيرة عندى
ومن هنا ياريت ناخد بالنا من الكلام اللى جى .. عشان مهم جدا
انا من فترة نزلت فى مطب كبير على كوبرى اكتوبر وكان فاصل فى الفواصل اللى على الكوبرى .. قطملى الجنوط اللى الاعضاء كانوا جبهولى هدية .. وطبعا نتيجة المطب ده حصلت خسائر كبيرة جدا زى جلب مقصات وجلب دونجل خلفى وجنوط سبور اتنين منهم اتقطموا
* المهم عملت المقصات وجبت جديد وجلب الدونجل سبتها لغاية دلوقتى .. ورجعت ركبت الجنوط الاصلية بتاعت العربية من تانى .. وركبتهم على الكاوتش اللى اشتريته للجنوط اللى اتقطمت ومقاس الكاوتش كان 205/55/15

المهم روحت التوكيل وركبت الجنوط القديمة الاصلية بتاعت العربية وفكيت الكاوتش الجديد لانه سليم واخدت ركنت الجنوط الجديدة لانها اتقطمت .. وعملوا ترصيص على جهاز هنتر امريكى فى التوكيل .. ولقتهم بيقولولى اعمل حسابك ان المرة الجاية تعمل حسابك فى جنوط سبور للتيدا جداد .. قولت ازاااى .. والجنوط دى الاصلية وكانت مركونة فى البيت شهرين .. وكانت سليمة ومفهاش حاجة .. المهم سكت ومشيت .. ولقيت فى غربلة .. رجعتلهم تانى فى مرة تانية واشتكيت من الغربلة ورصصوا .. وقالولى اعمل حسابك حتغير الكاوتش المرة الجاية لانه مش تمام .. وهنا لقيت تضارب فى الكلام .. مرة جنوط ومرة كاوتش ..

بس للامانة بعد ما قصتى انتهت .. وعملت الترصيص بره التوكيل ورجعت حكيت لهم عرفت ان العامل مكنش عارف يشتغل على الجهاز .. لان اللى عرفته من حكاية الترصيص دى ان خبرة العامل مهمة جدا

* المهم بصراحة انا قولت مبدهاش .. لما اكلم اخى وصديقى محمد يسرى عشان اجيب الكاوتش القديم لان شكل الكاوتش الجديد ده هو اللى فيه مشكلة على تخمينى

* فقالى تعالى ونكشف عليها يا احمد ونشرب الشاى مع بعض .. ويكون عرفنا الدنيا فيها ايه

وفعلا روحت وفكوا الكاوتش من العربية ..







وحطوا الكاوتش على جهاز هنتر امريكى ليزر حديث ..


* واللى عرفته من محمد ان ده تانى احدث جهاز نزل فى هنتر الامريكى .. والجهاز كله حساسات عشان تظبط العجلة .. ويتعمل الترصيص عليها بدقة متناهية

* وزى ما انتوا شايفين بيركبوا داخل العجلة كويل .. وكل فتحة فى اى جنط لها كويل مخصوص



* شوفته فى الصورة السابقة شكل الكويل .. ماسك بايده مقاسين مختلفين من الكويلات عشان بيشوف فيهم اى واحدة حتكون مناسبة فى الفتحة الدائرية اللى انتوا شايفينها فى الصورة

وظيفية الكويل ده عشان يزنق الكاوتش ويكون محكم ومفيش فيه اى زاوية ميل عشان فى حالة وجود اى زواية ميل ولو صغيرة بيحصل خلل فى الترصيص

* وموضوع تركيب الكويل المظبوط فى فتحة الجنط بيحكمه حاجتين .. خبرة العامل + التكنولوجيا اللى شغالة بيها جهاز الترصيص

* وبعد ما بيختار الكويل المناسب .. بياخد العجلة ويحطها على جهاز الترصيص ويضعها على جزء خلفه اسطوانة دائرية معدن شبه الطنبورة بالظبط .. عشان اكنه حاطط العجلة فى العربية بالظبط .. وده صورة الجزء الاسطوانى اللى شبه الطنبورة



وبعد كدا بيقفل على العجلة باحكام
ولو الجنط سبور بيكون ليه جلدة زى ما الصورة موضحة





عشان لما يقفل عليها متجرحش الجنوط الاسبور



* الصورة القادمة دى بتبين ان الكويل اللى العامل اختاره صح .. والمكنة بتاكد الكلام ده زى ما انتوا شافين فى الصورة
ولو كان فى غلط فى الكويل اللى اختاره العامل حتنور احمر



* وبعد كدا بيشغل الجهاز وبيقيس لوحده قطر الجنط ومقاسه وكام ريشة كمان عشان يظبط الترصيص صح عليه

* والصورة القادمة لجنط اخر غيرعربيتى .. والجهاز موضوح انه 17 وذاكر قطره ومقاساته .. وحتى رسمة الجنط كام ريشة زى ما انتوا شايفين
وكل ذلك موضح فى الصورة القادمة



والليزر بعد كدا بيحدد افضل مكان يتحط فيه الترصيص



ويفضل العامل يتابع القراءات لغاية ما يكتب ان كله تمام واوكيه



زى ما انتو شايفين فى الصور .. بيبتدى ياخد القراءات .. لغاية ما القراءات تكون على الناحتين اوكيه







:: بعض المعلومات اللى عرفتها وهامة عن الترصيص ::



* يفضل ترصص كل 10 الاف كيلو
* يوجد على الكاوتش بيكون فيه 2 نقطة .. واحدة حمراء وواحدة صفراء .. مفروض لما تلاقي النقطة دى تركب البلف ناحية اللون الاحمر ..



واذا كان الكاوتش مفهوش نقطة حمراء وفيه اصفر .. يبقا تركب البلف ناحية العلامة الصفراء
ولو مفيش اى نقطة على الكاوتش ولا احمر ولا اصفر .. يبقا ركب البلف فى اى مكان عادى

وحكاية النقطة دى وسرها .. عشان بيقولك ان مكان النقطة دى هى اخف وزن فى الكاوتش .. ومفروض تحط ناحيتها البلف لان البلف تقيل ويعوض العملية دى
عشان بتفيد فى تقليل نسبة الرصاص

* سر الترصيص الصح فى موضوع الكوين اللى شرحته .. مفروض قبل ما يشتغل العامل ويظبط على الجهاز مفروض انه يجرب العجلة ويلفها على الكوين ويشوفه مظبوط عليها ولالا ويتاكد انه الكوين اللى راكبه راكب صح ومقاس العجلة ..
وعلى فكرة الاوبشن ده مش موجود فى كل اجهزة الترصيص الموجودة فى مصر


ثانيا : فك وتركيب الكاوتش لاعداده للتسليح



بعد ما روحنا واطمنا ان الكاوتش مكنش فيه مشكلة وطلعت جربت واتاكدت ان الجنوط الاصلية الاسبور تمام ولقيت الترصيص اللى عملته عند محمد من اول مرة عشرة على عشرة .. فرحت جداااااا فقولت بما ان الكاوتش جديد وطلع سليم لما اعمل التسليح بالمرة
ورجعنا على المحل انا وصديقى محمد يسرى وفكينا العجل تانى عشان نسلحه




الجهاز اللى بيفك واللى بيركب عليه الكاوتش بعد التسليح
جهاز ايطالى اسمه فيرتر









__________________



ثالثا : شيل الهم وسلح كاوتشك
وانسى الدنيا



* طبعا انا حكيت موضوع الترصيص فى البداية .. لان محمد عمله فى البداية عشان يطمن ان الكاوتش سليم ونشوف العيب اللى كان عندى منين .. وبصراحة لما لقيت ان الكاوتش ال205 طلع سليم .. وان الحكاية حكاية ترصيص مش اكتر .. ومحمد يسرى الله يكرمه هو اللى ظبهالى .. قولت انا كدا وفرت تمن كاوتش كنت ناوى اشتريه .. وقولت فرصة ان الكاوتش ده جديد اللى مركبه واعمل عليه التسليح

طبعا انا قابلت محمد زمان فى ورشة كريم منير فى الحرفين .. واتعرفت عليه لانه شخصية خلوقة وابن بلد بامانة وانسان جدع جدا .. وشخصية الواحد بيتشرف بمعرفتها على المستوى الشخصى

عرفت انه صاحب مشروع التسليح ومكنتش فاهم القصة .. اخدنى من ايدى وجاب مسمار ومفك وخرم كاوتش عربيته وفرجنى .. ولقيت ان الكاوتش مانمش .. ولما صار بينا صداقة .. وروحت شوفت المكان وفهمت القصة اقتنعت بيها جدا

ندخل بقا على التسليح



* ملحوظة .. انا عامل التسليح من شهر 3 اللى فات .. واتعمدت اخر التقرير عشان اجرب وامشى على الكاوتش مسافة كتير .. وانا بتنقل فى مدينة نصر وبولاق ابو العلا وحدائق الاهرام والحرفيين
وابورواش .. يعنى اغلب الطرق اللى بمشى عليها مخبطة وفيها مسامير زى الحرفين وابو العلا وحدائق الاهرام لان فى الحدائق طريقها مش ممهد ابدا وفى بناء عمائر كتير ومسامير وبلاوى فى الارض وابورواش كمان كدا .. يعنى جربت الكاوتش لما قولت يابس .. واطمنت .. عشان كدا بعمل التقرير بقلب جامد
وفعلا التسليح ده اختراع .. ومش بتحط فى بالك بقا
وجع دماغ تغير الكاوتش واطلع الاستبن والقرف ده

* احب اوضح فى البداية ان المادة الجيل اللى مفروشة فى الكاوتش مادة امريكى وعلى موضوع التسليح ده ضمان 5 سنين من تاريخ انتاج الكاوتش او 50 الف كيلو من بداية استخدام الكاوتش

* الصورة القادمة للمادة قبل ما تنزل فى الفرن وهو بيروهانى وحاطط مفك فى المادة وبيضغط فيها
وبعد كدا بيشيله .. والمكان بيلتئم من تانى







ده المكان اللى بيسقط فيه المادة فى الفرن .. عشان تسيح

ملحوظة

قبل ما تروح لازم تكون حاجز .. عشان المادة اللى حيرشها فى الكاوتش يجهزها فى فرن المكنة وتسخن قبلها بساعة .. وتكون جاهزة للرش ..











* بتصنفر صنفرة خفيفة من داخل الكاوتش الهدف منها عمل تخشنة لان السطح الداخلى للكاوتش بيكون ناعم فلازم يصنفر عشان يعمل التخشينة عشان المادة تمسك وتلزق فى الكاوتش من الداخل ومتفكش .. وطبعا الصنفرة زى ما قولتكم بتكون خفيفة عشان ميشلش طبقة العازل الداخلية للكواتش .. يعنى من الاخر الناس فاهمة شغلها وبتعمل ايه

* بينظف الكاوتش فى الارض وبعد كدا بلمكنسة ثم بقماشة مبلولة ثم بعد ذلك للتاكيد مرة اخرى ينظف بالمكنسة .. والهدف من ده كله ازلة اى بقايا غبار من صنفرةا لكاوتش عشان نكون متاكدين ان الجيل يثبت فى الكاوتش وميفكش وميكونش فى اى اعاقة تعوقه

:: مراحل رش المادة ::

المادة بتترش فى الكاوتش على مرحلتين

المرحلة الاولى : بيرش الاكتاف زى ما واضح فى الصورة
هى دى الجزئية اللى بيرشها ولغاية ما انا مشاور بايدى



بيرش الكتف وبيلف الكاوتش وهو بيرش على سرعة 15 وبعد كدا بيلف الكاوتش على سرعة 50 لمدة 30 ثانية

وبعد كدا على سرعة 35 لمدة دقيقتين وبعد الدقيقتين دول تكون المادة نشفت على لاكتاف

المرحلة الثانية : بيرش بطن الكاوتش والاكتاف مرة اخرى على سرعة 50 لمدة دقيقة وبعد كدا على سرعة 35 لمدة دقيقتين

الكاوتش زى ما موجود فى الصورة محطوط على الجهاز اللى بيتحرك عليه بسرعات




وده ذراع الرش اللى خارج من الفرن .. وبيدخل داخل الكاوتش وبيبتدى يرش .. والكاوتش طبعا بيلف




وده صورة الجهاز اللى بييلف عليه الكاوتش بالسرعات اللى بيحددهاله العامل



وده منظر عام للفرن وهو بيرش المادة فى الكاوتش .. والكاوتش محطوط
على جهاز السرعة .. عشان لازم الكاوتش يلف والفرن بيرش المادة



مرحلة تركيب الكاوتش بعد ما نشف



يتبع

[YahiaAshraf]

صورة الكاوتش من الداخل والمادة نشفت عليه



بيركب الكاوتش بجهاز الفيرتر الايطالى كما موضح فى الصور











ثم بعد ذلك نملا الكاوتش بالنتروجين .. ودى صورة للجهاز اللى بيشفط الهواء وبعد كدا يملا نيتروجين



وبعد ما نملا نيتروجين نرصص تانى



عشان طبعا فى وزن زاد فى الكاوتش وعشان بردوا فكينا الكاوتش فلازم وامان نرصص تانى .. وكدا كدا الترصيص من ضمن الحساب هو والنيتروجين


تركيب الكاوتش على العربية











الحساب فى النهاية



* كان وقتها محمد عملى خصم 15 % وبصراحة انا بشكره جدا ..
وكان حسابى 860 جنيه وحطلى 1000 جرام فى الكاوتش لان الكاوتش عندى 205/55/15
* الحساب دفعته بفيزا البنك الاهلى على 6 شهور ولا حسيت بيهم ولا اى حاجة


اتمنى انه يفيدكم
منقوووووووووووووووووووووو ووووووووووول

[shooter22522]

[sherifabden]

شكراااااااااا على المعلومات الرائعة ونقل التجربة ..

[YahiaAshraf]

: Wkiss5: