فصل كهربا العربية بالكامل لمنع السرقة !!! افكار !!!!

[احمد على 1999]

المشاركة الأصلية كتبت بواسطة lawyer9 واللهى الراجل دا بحترمه جدا وبحترم أرائه استاذ أحمد على فعلا تستاهل

جزاك الله خيرا علي الكلام
الحلو ده في حقي

المشاركة الأصلية كتبت بواسطة lawyer9 أستاذ احمد الناس دى مبتديش سرها لحد لازم ناخد الطريق من اوله لازم يا جماعه نراقب العربيات بتاعتنا مش عشان العربيات لا عشان نتعرف على اول حرامى ونحاول نترجاه يشغلنا معاه يمكن نفهم حاجه للزمن

تصدق انا نفسي اعرف من غير مفتاح ازاي بيعرفوا يمنعوا الدركسيون انه يسوجر او يفك مسوجر من غير ما يدق و يعمل دوشة

[lawyer9]

يا أستاذ أحمد أنتا تستاهل اكتر يكفى ما قدمته وتقدمه فى كل مشكله بعقل واعى وفاهم ومرتب فى الحل مش عاوز اقولك ان حلولك انتا والاستاذ سيد أحمد هيا إلى بتدخلنى المنتدى
جزاكم الله خيرا على مجهوداتكم

[فادي مكرم]

لا لا الموضوع مطلعش بقا صدفة
الظاهر من الكلام ان الحرامية نزلو الشغل اليومين دول

انا من يومين ركنت ف الشارع اللي جنبنا......منطقة هادية نسبيا
العربية موديل 88 وفيها معجون فى الباب اللي ورا كله و مفيهاش جنوط
والغطا مقطع ومترقع وحالته تصعب ع الكافر
ومع كل دة اكتشفت ان كان فى حرامي بيحاول فيها
الباشا قطع الغطا من عند طبلة الباب قطع غباوة غباوة " كان يسيبه ممكن ينفعه "
والطبله متعوجة مكان طفاشة الباشا
وحاول فى الباب الخلفى والشنطة
لما اكتشفت ذهلت والحمد لله محصلش حاجة للعربية
بس الخوف مااسكنى من ساعتها وجبت مسوجر الدركسيون مع الدبرياج
ومابقتش اغطيها
وبستموت ع الركنة تحت البيت
اللي مخوفني بقى اني عارف عربيتي حتة حتة وانا لو حرامى والعربية فيها امان الدنييييا كله هعرف اسرقها برضه
ربنا يستر علينا......ويبعد عنا المؤذيين دول

[karem ali]

المشاركة الأصلية كتبت بواسطة فادي مكرم لا لا الموضوع مطلعش بقا صدفة الظاهر من الكلام ان الحرامية نزلو الشغل اليومين دول انا من يومين ركنت ف الشارع اللي جنبنا......منطقة هادية نسبيا العربية موديل 88 وفيها معجون فى الباب اللي ورا كله و مفيهاش جنوط والغطا مقطع ومترقع وحالته تصعب ع الكافر ومع كل دة اكتشفت ان كان فى حرامي بيحاول فيها الباشا قطع الغطا من عند طبلة الباب قطع غباوة غباوة " كان يسيبه ممكن ينفعه " والطبله متعوجة مكان طفاشة الباشا وحاول فى الباب الخلفى والشنطة لما اكتشفت ذهلت والحمد لله محصلش حاجة للعربية بس الخوف مااسكنى من ساعتها وجبت مسوجر الدركسيون مع الدبرياج ومابقتش اغطيها وبستموت ع الركنة تحت البيت اللي مخوفني بقى اني عارف عربيتي حتة حتة وانا لو حرامى والعربية فيها امان الدنييييا كله هعرف اسرقها برضه ربنا يستر علينا......ويبعد عنا المؤذيين دول

ياه كل ده حصل فى عربيتك يا فادى بجد ربنا يسترها معانه جميعا بس انت حاول يا فادى تشوف جراج او معان عند بيتك و يكون فيه نور او حركه مفيش امان اليومين دول

[sasa3]

المشاركة الأصلية كتبت بواسطة lawyer9 أهلا بيك اخى أنا عامل الأتى وربنا يستر فى الاول والاخر أولا فيه جهاز اسمه سباى (spy ) دا جهاز صينى بس كويس فى حدود 170 جنيه بييجى معاه كتاوت الكهربائى هيقولك ملهاش لزمه قول له سلام عليكم وروح لواحد كويس لأنهم بيكسلوا يركبوه والكتاوت داوظيفته فصل الموتور طول ما جهاز الانذار شغال كمان من وظائف الجهاز غلق الأبواب بالسنتر مع اول فرامل تدوسها بعد العربيه ما تدور ودا كويس لإن انتا عارف ان الحرامى ممكن يستناك عند اى مطب عالى بليل ويفتح باب العربيه وانتا بتهدى ويزغك بمطوة عشان تنزل منها دا بالنسبه لجهاز الإنذار هقولك حاجه كمان يا عم فيه جهاز إنذار كارثه أسمه أباى تو واى ( spy two way ) الجهاز دا احدث .. فيه كل الحجات إلى قولتلك عليها بالأضافه ل ريموت كنترول يصفر ويعمل فيبراشن عند لخطر ويقولك انهو باب بيتفتح ويمكنك من ادارة العربيه ونورها وغلقها وفتحها والمفاجئه انه ممكن يعمل كل دا من على بعد خمسه كيلو متر منن العربية والمفاجئة الاكبر إن إلى اشتروة بيقولوا المسافه الفعليه 500 متر فقط . على كل حال الجهاز دا تمنه 390 جنيه وهوا ناقص الايامدى شويه ثانيا جايب عدد أتنين قفل دركسيون موصل واحد مع الفرامل والتانى مع الدبرياج والاتنين مختلفين فى الشكل والمفتاح لكن الاتنين مفتاحهم ليزر أو كمبيوتر زى ما بيقولوا واحد عامل 115 جنيه والتانى عامل 80 جنيه وفيه طبعا ارخص لكن منصحكش غير بإلى مفتاحهم ليزر وطبعا انتا عارف ان الاقفال دى بتتفتح بردوا لكن كل الغرض منها التعطيل ثالثا ممكن تركب مفتاح فصل على المارش وبلاش بتاع طلمبة البنزين دا منهعا لإتلافها وانتا عارف الطلمبه فى غالبية العربيات غاليه أنا مركبتش المفتاح دا ممكن تقدر تقول كسل وفى نفس الوقت خايف على ضفيرة العربيه أخر حاجه هقولك عليها بعدها توكل على الله وإلى نصيبه فى شئ لازم يشوفه غطى العربية كويس ودخل الغطاء فى العجل ووجه العربيه لبلكونتك عشان لما تطل عليها تشوف كل الابواب وربنا يستر بعد كدا لو اتسرقت بقى ابقى قلى عشان ابيع عربيتى واستفيد بتمنها احسن ما تتسرق

الى يشوفك يقول عليك اتسرقك ييجى 100 مرة قبل كده