اصحاب الموتوسيكلات الصيني .......انتبهوا!!!!

[omarken]

المشاركة الأصلية كتبت بواسطة كاكا نعيد تانى علشان خاطرك اتفضل ادى اقتباس من كلامهم الاخ Jack Box اتهم الناس بالغباء و عدم الفكر و بيحلف بالله كمان و عادى جدا مع ان الحقيقة ان الناس دى فاهمة كويس جدا مخاطر اللى بيحصل بس الظروف الزفت اللى هم عايشين فيها دفعتهم لكدة مهما وضعت لهم البديل حسب تخيلك . هو دة اللى انا قولته و قلت عيب ميصحش نشتمهم هو حضرتك شايف انى غلطان علشان وضحت حالة الناس دى و قلت عيب نشتمهم و لا ايه الموضوع بالظبط مش فاهم !!!! طيب سيبك من دة و خش على الاخ حازم اللى قال هتقولى على الكلام دة كمان فين الشتيمة الموجهة للناس بتوع الصينى !!!! يا اخى اتقى الله فلا يصح الا الصحيح و لا يجوز التنطيط على فئة معينة من الناس و وصفهم بالبوظان و البلطجة لان كل فئة فيها الصالح و الطالح حتى فى افخم السيارات كما وضحت سابقا دة غير طبعا اللى بيفتى و يقولك الموتوسيكلات دى ماتقدرش تسافر و كبيرها 10 كيلوا فى اليوم و طبعا دة كلام خاطىء و منافى للواقع و مش عارف ازاى انتم بتتقبلوا الكلام الغير منطقى دة فى منتدى موتوسيكلات اللى المفروض ان الاغلبية الان معهم صينى و يدخلوه و انتم كدة بتنفروهم منكم و من هذا المنتدى بأسلوب الشتائم و المعلومات الغير صحيحة . الفرق اللى بينى و بينكم ان انا عايش قريب من هؤلاء الناس الغلابة و بحس بهم و عارف كويس انهم بيعملوا كدة غصب عنهم زى اشياء كثير احنا كمان بتضطرنا البلد اننا نعملها غصب عنا مع العلم بأنى الحمد لله ميسور الحال فوق ما تتصور و عندى بدل السيارة تلاتة و لكن دينى و اخلاقى جعلتنى اراعى الفقير و اشعر بظروفه و لا اهينه بسبب فقره و حاجته و لا اضع نفسى حكما عليه من دون الله . و لو حضرتك شايف ان كلام الاخ Jack و حازم مش شتيمة لأصحاب الصينى يبقى حقك عليا و اعذرنى علشان انا نظرى ضعيف و مبعرفش اقرأ عربى كويس .

لا يباشا انت نظرك 6/6
بس أ. حازم قال
معظمهم
ومفيهاش مشكله دى
معظمهم ياسيدى مقالش كللهم
وفعلا الاغلبيه منهم كده .... بس مش كللهم
زى ما سيادتك ممكن تقول على دوله اوروبيه دول عنصريين ضد الإسلام والعرب
بس الحقيقه مبيكونش كللهم ... بيبقى كتير منهم اىنعم ولكن مش كللهم بدليل ان عندك ناس كتيييييير مسلمين وعرب عايشين فى اوروبا
وكمان كلمة jack
قال علي الناس دى اغبياء ومعندهمش فكر
تخيل لو ابن سيادتك لاقدر الله
راح زياره لجدته
وأخوك عنده موتوسيكل صيني
وقاللك انا هاجيبلك الواد لغاية البيت
وجاب مراته معاه وابنك معاهم على الموتو
ووقع بيهم وابنك لاقدر الله اصابه مكره
هاتقول لأخوك ايه ؟؟
ابقى انا تييييييييييت لو ما وزعت شتايم فى منشورات
يا أخى الحاجه دى مش سهلة للدرجه دى !!!
دا موت يباشا
وتشويه
وحاجات كتير
ولو الناس دى عارفه كويس وعندهم فكر ومدركين لخطورة الموقف مش هايعمل كده اصلا تحت اى ظرف من الظروف
هوا مش بيمثل فيلم والناس هاتعيط عليه علشان ظروفه
ده مووووووووت يابيه موووووووت
مافيهوش هزار
وارجع تانى واقوللك لو هوا مدرك اززاى يحط نفسه فى موقف زى ده
ده انا اخدها مشى من حلوان للمرج ولا انى اعرض اولادى وزوجتى لحاجه زى دى
ممكن لاقدر الله حد منهم يموت وارجع اعيط طول عمرى واحلف برحمته على ايه طيب ؟؟؟؟
وفى مثل بيقول
الف كلمه ( عبيط ) ولا كلمة ( الله يرحمه )
يعنى لو انا هاتشتم اى شتيمه علشان انا غبى وهاخدها مشى
احسن ما حد بعد كده يقول الله يرحمه
ثانيا يباشا
ربنا يوسع عليك ويذيدك من نعيمه ... اللهم امين
ويارب ال3 عربيات يبقى 50 وكللهم موديل السنه كمان
وتحقق اللى نفسك فيه وذياده حبتين كمان
انا مش فى خلاف شخصى معاك
وانا كمان قريب من الناس الغلابه دى
ومش قريب كمان
انا واحد منهم ...... انا ساكن فى منطقه..... يعرفو البنى ادم فيها علشان لابس شبشب
بس الحاجات دى ثوابت محدش يختلف عليها
تحياتى يباشا

[كاكا]

المشاركة الأصلية كتبت بواسطة omarken لا يباشا انت نظرك 6/6 بس أ. حازم قال معظمهم ومفيهاش مشكله دى معظمهم ياسيدى مقالش كللهم وفعلا الاغلبيه منهم كده .... بس مش كللهم زى ما سيادتك ممكن تقول على دوله اوروبيه دول عنصريين ضد الإسلام والعرب بس الحقيقه مبيكونش كللهم ... بيبقى كتير منهم اىنعم ولكن مش كللهم بدليل ان عندك ناس كتيييييير مسلمين وعرب عايشين فى اوروبا وكمان كلمة jack قال علي الناس دى اغبياء ومعندهمش فكر

لا حول و لا قوة الا بالله

انت مازلت تصر على تبرير الغلط

و بتعيد فى توضيح الاخطار تانى و كأن انا و الناس بتوع الصينى مش عارفينها !!!!

تحب احلف لك انى عارفها و مش راضى عنها علشان تقتنع و لا تضعها تانى .

يا سيدى انا بتكلم عن الاسلوب المنفر و الشتائم و وضحت دة قبل كدة

و ياريت تفهم كلامى صح و تنظر الى عنوان الموضوع جيدا

عنوان الموضوع بيقول (اصحاب الموتوسيكلات الصيني .......انتبهوا!!!!)

يعنى الرجل صاحب الموضوع كتر خيره بينبه الناس و يعرفهم شىء معتقد انهم مش عارفينه

طيب بعقلك كدة يصح انبه الناس و فى نفس الوقت اقولهم انتم اغبياء و و الله ما عندكم فكر !!!

و بعد شوية واحد تانى يدخل يكمل و يقولهم انتم معظمكم بايظين و بلطجية و المفروض مترخصوش

و واحد تالت يقولهم موتوسيكلاتكم زبالة و اقصاها 10 كيلوا فى اليوم

يعنى انا مش فاهم هو الاخ صاحب الموضوع غرضه شريف و بينبه الناس لوجه الله

و لا عامل الموضوع علشان يأدبهم و الناس تدخل تتنطط على اصحاب الصينى
اللى هما الان اصبحوا الاغلبية فى مصر الان .

هو فى حد بينبه حد بالطريقة الغلط دى !!!!!

اعتبر نفسك عندك موتوسيكل صينى و قولتك نفس الكلام اللى اتقال هنا

متعملش كذا و كذا علشان انت غبى و والله العظيم ما عندك مفهومية

و دخل زميلى و قالك انت المفروض مترخصوش و معظمكم بايظين و بلطجية

و دخل واحد تالت قالك موتوسيكلاتكم زبالة و كبيرها 10 كيلوا فى اليوم

طيب هات واحد من الشارع يحكم على الكلام دة بلاش انا

يعنى انت شايف من الحوار دة ان انا كنت بنبهك بالحسنى ؟؟؟؟

او بخاطبك كأنسان محترم حتى تأخذ بكلامى ؟؟؟؟

و لا شايف انى هزقتك و اهانتك اكتر مما نبهتك ؟؟؟

ابسطهالك اكتر شوية يمكن تفهم ما اقصده

لو حضرتك متعود تشرب سجاير مثلا ...

هل انت مش عارف انها غلط !!! طبعا اكيد عارف انها غلط

طيب يصح انى اجى انبهك لخطرها و اقولك انت بايظ و بلطجى و والله مبتفهمش !!!

و لا اعاملك كأنسان محترم و اكلمك بالحسنى و اقنعك بالادب و المنطق حتى تتقبل كلامى بصدر رحب !!!

ايهم يجدى معك و يجعلك تتقبل تنبيهى الاسلوب الاول ام الثانى ؟؟؟

للاسف الشديد انتم استخدمتم الاسلوب الاول الخاطىء و هو الاسلوب المنفر

و مستحيل واحد هيسمع كلام ناس بتتنطط عليه و تشتمه بالطريقة دى .

اتمنى ان تكون قد وصلت المعلومة

و تكف عن تبرير الاسلوب الخاطىء فى تنبيه الناس الملىء بالاهانة و التجريح للغير .

اللهم بلغت اللهم فشهد .

[nktis]

خلاص بقي يا كاكا. عايزين ننهي الخلاف ده وا. هشام مشتمش بتوع الصيني كلهم ؟ بس بعضهم اللي بيتصرف تصرفات غلط .. مثلا النهارده انا شايف واحد راكب موتسكل صيني ووراه عياله .. اتنين وراه وعيل صغير قاعد قدامه علي تنك البنزين لحد كده حلو هو حر ... بس المشكله انه رابط وراه انبوبه غاز .؟ بزمتك ده كلام ونقول علي اخينا ده ايه؟؟

[Jack Box]

المشاركة الأصلية كتبت بواسطة كاكا لا حول و لا قوة الا بالله انت مازلت تصر على تبرير الغلط و بتعيد فى توضيح الاخطار تانى و كأن انا و الناس بتوع الصينى مش عارفينها !!!! تحب احلف لك انى عارفها و مش راضى عنها علشان تقتنع و لا تضعها تانى . يا سيدى انا بتكلم عن الاسلوب المنفر و الشتائم و وضحت دة قبل كدة و ياريت تفهم كلامى صح و تنظر الى عنوان الموضوع جيدا عنوان الموضوع بيقول (اصحاب الموتوسيكلات الصيني .......انتبهوا!!!!) يعنى الرجل صاحب الموضوع كتر خيره بينبه الناس و يعرفهم شىء معتقد انهم مش عارفينه طيب بعقلك كدة يصح انبه الناس و فى نفس الوقت اقولهم انتم اغبياء و و الله ما عندكم فكر !!! و بعد شوية واحد تانى يدخل يكمل و يقولهم انتم معظمكم بايظين و بلطجية و المفروض مترخصوش و واحد تالت يقولهم موتوسيكلاتكم زبالة و اقصاها 10 كيلوا فى اليوم يعنى انا مش فاهم هو الاخ صاحب الموضوع غرضه شريف و بينبه الناس لوجه الله و لا عامل الموضوع علشان يأدبهم و الناس تدخل تتنطط على اصحاب الصينى اللى هما الان اصبحوا الاغلبية فى مصر الان . هو فى حد بينبه حد بالطريقة الغلط دى !!!!! اعتبر نفسك عندك موتوسيكل صينى و قولتك نفس الكلام اللى اتقال هنا متعملش كذا و كذا علشان انت غبى و والله العظيم ما عندك مفهومية و دخل زميلى و قالك انت المفروض مترخصوش و معظمكم بايظين و بلطجية و دخل واحد تالت قالك موتوسيكلاتكم زبالة و كبيرها 10 كيلوا فى اليوم طيب هات واحد من الشارع يحكم على الكلام دة بلاش انا يعنى انت شايف من الحوار دة ان انا كنت بنبهك بالحسنى ؟؟؟؟ او بخاطبك كأنسان محترم حتى تأخذ بكلامى ؟؟؟؟ و لا شايف انى هزقتك و اهانتك اكتر مما نبهتك ؟؟؟ ابسطهالك اكتر شوية يمكن تفهم ما اقصده لو حضرتك متعود تشرب سجاير مثلا ... هل انت مش عارف انها غلط !!! طبعا اكيد عارف انها غلط طيب يصح انى اجى انبهك لخطرها و اقولك انت بايظ و بلطجى و والله مبتفهمش !!! و لا اعاملك كأنسان محترم و اكلمك بالحسنى و اقنعك بالادب و المنطق حتى تتقبل كلامى بصدر رحب !!! ايهم يجدى معك و يجعلك تتقبل تنبيهى الاسلوب الاول ام الثانى ؟؟؟ للاسف الشديد انتم استخدمتم الاسلوب الاول الخاطىء و هو الاسلوب المنفر و مستحيل واحد هيسمع كلام ناس بتتنطط عليه و تشتمه بالطريقة دى . اتمنى ان تكون قد وصلت المعلومة و تكف عن تبرير الاسلوب الخاطىء فى تنبيه الناس الملىء بالاهانة و التجريح للغير . اللهم بلغت اللهم فشهد .

انا مش فاهم انتا ليه بتتكلم بالاسلوب ده
وبتقول اني اعتبر نفسي اركب موتوسيكل صيني مكنتش هتكلم كده طيب مانتا عندك الاخ الكريم نوح ليه مدخلش هاجمني لما كتبت موضوع زي ده وفي ناس تانيه راكبه صيني ومحدش فيهم علق علي اسلوبي ولا موضوعي وكلهم احترموه جدا لانهم بيحترموني وانا مغلطتش في حد بعينه انا بصف التصرف الغلط بانه غلط والاستاذ حازم خضر مقالش غير ان معظمهم شباب بلطجي وبايظ وانتا اتهمته بانه عنده داء العظمه والشهاده لله الراجل في كل مشاركاته سواء في القسم او خارج القسم بيشارك بطريقه فعاله ومحترمه وانتا هاجمته وهاجمتني شخصيا وبتهاجم العضو الفاضل عمر اللي هو اساسا ربنا يزيده من علمه عبقريه ماشيه علي الارض وربنا يزيده راجل مستريح فوق ماحد يتصور يعني وانتا اهانته برضه باسلوبك الغريب اللي كلنا منتقدينه مش انا بس واتهمتني بالجهل وانا مغلطتش فيك
ويبدو ان ده اسلوبك في الحوار داخل تهاجم وبس زي موضوعات اخري دخلت هاجمت فيها الاعضاء
يا سيدي ابدا بنفسك وغير اسم اليوزر نيم بتاعك ده قبل ما تعلق علينا.........
وارجو كفايه لحد كده ونقفل الموضوع عشان انا بنوجع دماغ الناس اللي معانا منغير ما يستفادوا حاجه وانا اولي بالوقت اللي بكتب فيه رد علي كلامك اني اعملهم موضوع او ارد علي مشاركاتهم المحترمه

[Devill Blood]

معلش فى الكلام أنا مع الناس اللى هنا الموتوسيكل الصينى عواقبه أسوء من حسناته
لأنى شوفت عربيات ناس كتير أتبهدلت وناس أتسرقت ومعلش 99% من اللى بيركبوه حرامية ونصابين وبلطجية وصيع وولاد ستين فى سبعين عن تجربة

على فكرة الموتوسيكلات دى سبب رخصها أن الصينين بيجمعوه ويصنعوه فى مصر يعنى الموتوسيكل مش صينى 100%