مين زار واحة سيوه؟

[fdido26]

هو استفسار بسيط يا قبطان اشرف انا بحاول اقنع مجموعة من زملائي للذهاب معي الي سيوة اخر شهر نوفمبر . هل الجو هيكون كويس و لا ساقعة جامد و اهم حاجة هيكون لسه فيه بلح علي النخل و لا بيكون خلص لاني كل مرة كنت بطلع في عيد السياحة بالضبط

[hal71]

ألف شكر يا أستاذ أشرف على الموضوع الشامل و أنا رحت سيوة بعد العيد الصغير السنة دي يوم 22/8/2012 وكان الهدف العلاج لأني كنت قريت مقال عن فوائد رمال سيوة في علاج المصابين بجلطات المخ و رحت عند المردم شريف السنوسي و هو راجل محترم جداً و من شيوخ العلاج بالردم والتي ورثها أباً عن جد و إن كنت لم أستطع تحمل إجراءات الردم و خصوصاً الخيمة نظراً لحالتي الصحية و قعدت هناك يومين فقط منهم يوم في فندق الكيلاني و هو زي ما حضرتك قلت متوسط المستوى:w6w20050411134026 6d. والغرفة كلفت 100 جنيه في اليوم (2 سرير + حمام متواضع + تكييف شباك شغال +ثلاجة+ تليفزيون).ولكن ميزته الرهيبة إنه في قلب ميدان السوق تنزل تلف كل حاجة جنبك( الجامع الكبير - مدينة شالي-المطاعم - المحال الأثرية ...)
للأسف الشديد وسيلة المواصلات المباشرة الوحيدة إلى سيوة هي أتوبيسات غرب الدلتا و التي تعتبر في حد ذاتها إهانة لأهالي سيوة الرائعين فالأتوبيسات متهالكة و التكييف زبالة و صوته مزعج جداً و الكراسي مبهدلة و مقطعة و المسافة بين المقاعد ضيقة جداً فهي نفس أتوبيسات الـCTA عندنا في القاهرة (المكيف يعني) وهي لا تصلح للسفر بين المدن إطلاقاً ولذلك أنصح أي مسافر لسيوة أن يعمل حسابه و يحجز عدد 2 كرسي لكل فرد (سعر التذكرة 75 جنيه للكرسي) حيث أن السفر لمدة تفوق الـ 10 ساعات تسبب في تورم رجلي الإثنين و إضطريت ألبس شبشب بدل الكوتشي أو يركب الإتحاد العربي (السوبر جيت) لحد مرسى مطروح و ياخد غرب الدلتا من مطروح لسيوة بس دي عايزة تظبيط للمواعيد
طبعاً بدون كلام سيوة روعة كفاية إنك في وسط النهار و لا تحس بحرارة شديدة ((الجو محتمل جداً) )عشان ما فيش رطوبة و السماء زرقاء بطريقة مش طبيعية و ما فيش ملوثات و لا عادم و لا ذباب و لما تاخد نفس تحس إن صدرك حجمه بيزيد كده بطريقة مش متعودين عليها في القاهرة (الهوا نضيف يا جدعان) و بتحس أول ما تنزل من الأتوبيس إنك دايخ لأن الهدوء غير طبيعي
سيوة كنز قومي مصري و إنشاء الله أكرر التجربة لما أتحسن شوية تقبل تحياتي:GROWIN~ 12: :GR OWIN~12:

[shasha850]

شفاك الله و عافاك

[koashraf]

المشاركة الأصلية كتبت بواسطة hal71 ألف شكر يا أستاذ أشرف على الموضوع الشامل و أنا رحت سيوة بعد العيد الصغير السنة دي يوم 22/8/2012 وكان الهدف العلاج لأني كنت قريت مقال عن فوائد رمال سيوة في علاج المصابين بجلطات المخ و رحت عند المردم شريف السنوسي و هو راجل محترم جداً و من شيوخ العلاج بالردم والتي ورثها أباً عن جد و إن كنت لم أستطع تحمل إجراءات الردم و خصوصاً الخيمة نظراً لحالتي الصحية و قعدت هناك يومين فقط منهم يوم في فندق الكيلاني و هو زي ما حضرتك قلت متوسط المستوى:w6w20050411134026 6d. والغرفة كلفت 100 جنيه في اليوم (2 سرير + حمام متواضع + تكييف شباك شغال +ثلاجة+ تليفزيون).ولكن ميزته الرهيبة إنه في قلب ميدان السوق تنزل تلف كل حاجة جنبك( الجامع الكبير - مدينة شالي-المطاعم - المحال الأثرية ...) للأسف الشديد وسيلة المواصلات المباشرة الوحيدة إلى سيوة هي أتوبيسات غرب الدلتا و التي تعتبر في حد ذاتها إهانة لأهالي سيوة الرائعين فالأتوبيسات متهالكة و التكييف زبالة و صوته مزعج جداً و الكراسي مبهدلة و مقطعة و المسافة بين المقاعد ضيقة جداً فهي نفس أتوبيسات الـCTA عندنا في القاهرة (المكيف يعني) وهي لا تصلح للسفر بين المدن إطلاقاً ولذلك أنصح أي مسافر لسيوة أن يعمل حسابه و يحجز عدد 2 كرسي لكل فرد (سعر التذكرة 75 جنيه للكرسي) حيث أن السفر لمدة تفوق الـ 10 ساعات تسبب في تورم رجلي الإثنين و إضطريت ألبس شبشب بدل الكوتشي أو يركب الإتحاد العربي (السوبر جيت) لحد مرسى مطروح و ياخد غرب الدلتا من مطروح لسيوة بس دي عايزة تظبيط للمواعيد طبعاً بدون كلام سيوة روعة كفاية إنك في وسط النهار و لا تحس بحرارة شديدة ((الجو محتمل جداً) )عشان ما فيش رطوبة و السماء زرقاء بطريقة مش طبيعية و ما فيش ملوثات و لا عادم و لا ذباب و لما تاخد نفس تحس إن صدرك حجمه بيزيد كده بطريقة مش متعودين عليها في القاهرة (الهوا نضيف يا جدعان) و بتحس أول ما تنزل من الأتوبيس إنك دايخ لأن الهدوء غير طبيعي سيوة كنز قومي مصري و إنشاء الله أكرر التجربة لما أتحسن شوية تقبل تحياتي:GROWIN~ 12: :GR OWIN~12:

حمد الله على السلامه وفعلاُ مش كل الناس بتتحمل الردم أو الخيمه خصوصاً فى شهر اغسطس عز الحر ..انازرت سيوه هذا العام شهر سبتمبر وان شاء الله اعمل موضوع لزيارتى مدعم بالصور ..وهى كانت زياره سريعه لمدة يومين فقط ردمت مرتين ورجعت ..وطبعاً كان نفسى ابقى وقت اطول ولكن ظروف الاجازه القصيره والعمل لم تسمح لى بذلك..وانتظروا الموضوع والصور...
تعقيب بسيط على المواصلات هى من الاسكندريه يوجد نوعين من الاتوبيسات vip وده التذكره سعرها 45 جنيه من الاسكندريه الى سيوه ويوجد اتوبيس تانى لشركة غرب ووسط الدلتا مكيف اقل فى المستوى التذكره سعرها 37 جنيه من الاسكندريه الى سيوه أو العكس ولكن السيارات جيده والكراسى سليمه ....
.تحياتى للجميع

[koashraf]

ده رابط الموضوع الجديد عن اخر زياره قمت بها الى الواحه..فى شهر سبتمبر 2012 لمدة يومين فقط ..واليكم الرحله بالتفصيل..
http://www.masrmotors.com/vb/showthr...830#post793830