|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
ارجو مساعدتى فى اختيار السيارة المناسبة
السلام عليكم شباب انا اول مرة اشارك في منتديات
بس دة لاني ناوية اشتري عربية ومعروضة علية سوزوكي سويفت 95 وكمان فيات بونتو موديل 94 ومش عارفة انهي احسن لان خبرتي في العربيات ضعيفة ارجو المساعدة شكرا |
#2
|
||||
|
||||
رد: ارجو مساعدتى فى اختيار السيارة المناسبة
وعليكم السلام ورحمة الله وبركاتة واهلاً بيكى فى مصر موتورز
اولاً فى شراء المستعمل تخلى الاولوية لحالة العربية مش نوعها يعنى حتى ولو مرسيدس بحالة وحشة و128 حالتها ممتازة اشترى ال 128 لان المرسيدس هتعذبك فى الصيانة وقطع الغيار ونص الوقت هتبقى عند الميكانيكى ولما تيجى تبيعها هتخسرى جامد لكن ال128 هتقضى الغرض وممكن تكسبى لما تبيعها ده مثال طبعاً او مبداء عام لازم تحطى فى دماغك من بداية بحثك عن العربية المناسبة اهم حاجة الحالة مش الماركة ولا الموديل بعد كده تحددى طبيعة استهلاكك للعربية قد ايه واولوياتك ايه يعنى الشكل احسن ولا الكماليات ولا التوفير ولا ايه لما هتحددى الحاجات ديه الاختيار هيبقى اسهل واصوب بإذن الله واحنا كمان هنقدر نساعد حضرتك افضل لكن عامة السويفت عربية عملية فى استهلاك البنزين او فى قطع الغيار وناعمة وسحبها معقول وتكييفها كمان معقول كما هو الحال فى اليابانى عامة بيدكى من كل حاجة حاجة بمستوى معقول ومقبول للاغلبية لكن البونتو عربية اشيك واقيم وممكن نقول انها عربيات ليها طعم او ليها روح بشكل بيخيليها مميزة ومتتعة اكثر للقيادة بس ديه كلها اراء عشاق السيارات والشباب اكتر من كونه راى عام لان فيه ناس بتستريح لليابانى اكتر باعتباره انعم واقتصادى ومش بتشوف ان فيه ميزة تساوى غلاء قطع الغيار وندرتها علشان كده هو الموضوع نسبى وبيختلف من متطلبات وطبيعة استخدام شخص لاخر يارب اكون افدتك وملخبطكيش اكتر ولو فى استفسار تانى بإذن الله نحاول نفيدك |
#3
|
||||
|
||||
رد: ارجو مساعدتى فى اختيار السيارة المناسبة
على المستوى الاقتصادى ومصاريف التشغيل السويفت أفضل
على مستوى الأداء والشكل البونتو أفضل |
|
|