اكسيبلوجن 2 نعم او لا ولماذا

[nightbat_88]

المشاركة الأصلية كتبت بواسطة TELEBK الي الأخ الكريم ، أنا معايا إكسبلوجن 2 ، جميع الكماليات ، باور + تكييف تاتش + مرايات كهرباء + 4 زجاج كهرباء + كاسيت سي دي " صوت هايل بإكواليزر " + جنوط إسبور + سبويلر + فوانيس ضباب + ABS , EBD، كل ده ب 65000جنيه ، ممكن حضرتك تجاوبلي علي السؤال ده ، فين العربية إللي تكون بكل الإمكانيات ديه بالسعر ده ، أه هيه صيني ، متعدل فيها 18 تعديل عن الموديل الأول في الشكل الخارجي والميكانيكا ، يمكن هيه ناقصها إعلانات ودعايه شوية ، لكن هيه في الآخر حته حديده ، وكل عربيه ليها عيوبها ومميزاتها ، وعلي فكرة التوكيل بتاعها إللي في جسر السويس مش وحش وأسعاره مش غالية أوي بس علي الأقل هوه أكتر واحد عارفها ويعرف يتعامل معاه ، عموما العربيه في المجمل مش وحشة زي مهو بيتقال عليها ، علي فكرة هيه ثابته علي الطريق جدا ، سواء في السرعات البطيئة أو السريعة أنا جبت بها 145 كم ، وكانت ثابتة جدا ومشغل فيها التكييف ، سحبها كويس جدا ، هيه محتاجة حساسية في التعامل معاها ، ولو فيها أي مشكلة متستناش عليها روح للتوكيل علي طول وصلحها ، وده أعتقد في اي عربية مش الصيني بس ، وعموما كل واحد شايفها من وجهة نظرة ، أنا واجهت فيها مشكلات معظمها أتحلت ، لكن أنا عارف إنها برضه صيني ، وممكن يبقي فيها عيوب بس أنا قبلتها بعيوبها ومميزاتها ، لإن البديل غالي جداً ، وبالمناسبة بمقارنه سريعة مصنعية الصيانة بتاعة ال 10000 كم سعرها 108 جنيه ، وفي الهيونداي الماتركس بتوصل ل 700 جنية ، وده كلام واحد معاه الماتركس ، يعني هيه عربية علي قدنا ، لهيه قويه جدا ولا ضعيفة جدا ، ربنا يوفقك ، وعلي العموم ده الإيمل بتاعي لو فيه مشكلة إبعت لي TELEBK@yahoo.com. د / خالد

يا ريت يا د/خالد تقولنا اكتر عن العربية
من حيث جوده التقفيل و الوسع الداخلي
هل هي يعتمد عليها فعلا
استهلاك البنزين
مشاكلها اللي ظهرت فيها لحد دلوقتي
جوده المعامله في التوكيل

[TELEBK]

بالنسبة لللتقفيل الداخلي للسيارة ، فهي ممتازة وتمتاز بالفخامة في تناسق الألوان ما بين البيح الفاتح والرمادي بالإضافة الي التابلوه الشيك ولوحة العددات المعدلة وذات الأنوار التي تضئ مع تشغيل السيارة سواء باليل أو بالنهار ، وعجلة القيادة معدلة بحيث تتجاوب مع أقل حركة ويساعدها في ذلك الباور الخاص بالسيارة ، وبالنسبة لكراسي السيارة فهي مريحة ومصممة لتناسب التكوين الجسدي للشخص الجالس عليها ، ولكن يعاب عليها في رأيي أنها صغيرة الحجم قليلا أي أنها بالنسبة للشخص الضخم تعتبر غير مريحة قليلا وبالنسبة للشخص متوسط الحجم فهي مريحة جدا ، وتتسع من الخلف لشخصين بالغين أو ثلاثة أطفال ، ذلك مع مساحة تخزين جيدة ويمكن مع طي المقاعد الخلفية أن تسع لغسالة ملابس بالكرتونة .
أما بالنسبة لإستهلاك البنزين ( أمتلك سيارة 1300 سي سي ) فهي في المسافات الطوالي تستهلك في الصفيحة حوالي 220 كم ، وفي المدينة تستهلك الصفيحة حوالي 200 كم ،وهذا عن تجربة .
أما بالنسبة للوكيل فشهادة أمام الله هم لايبخلون بالجهد في محاولة إصلاح العيب الظاهر بالسيارة ، وبالفعل يتحملوا عصبية العميل ، ويعملوا علي راحته قدر جهدهم .
مع خالص تحياتي
د /خالد

[nightbat_88]

1000 شكر يا دكتور خالد

[TELEBK]

بالتوفيق
د/خالد

[ashraf tbana]

المشاركة الأصلية كتبت بواسطة TELEBK الي الأخ الكريم ، أنا معايا إكسبلوجن 2 ، جميع الكماليات ، باور + تكييف تاتش + مرايات كهرباء + 4 زجاج كهرباء + كاسيت سي دي " صوت هايل بإكواليزر " + جنوط إسبور + سبويلر + فوانيس ضباب + ABS , EBD، كل ده ب 65000جنيه ، ممكن حضرتك تجاوبلي علي السؤال ده ، فين العربية إللي تكون بكل الإمكانيات ديه بالسعر ده ، أه هيه صيني ، متعدل فيها 18 تعديل عن الموديل الأول في الشكل الخارجي والميكانيكا ، يمكن هيه ناقصها إعلانات ودعايه شوية ، لكن هيه في الآخر حته حديده ، وكل عربيه ليها عيوبها ومميزاتها ، وعلي فكرة التوكيل بتاعها إللي في جسر السويس مش وحش وأسعاره مش غالية أوي بس علي الأقل هوه أكتر واحد عارفها ويعرف يتعامل معاه ، عموما العربيه في المجمل مش وحشة زي مهو بيتقال عليها ، علي فكرة هيه ثابته علي الطريق جدا ، سواء في السرعات البطيئة أو السريعة أنا جبت بها 145 كم ، وكانت ثابتة جدا ومشغل فيها التكييف ، سحبها كويس جدا ، هيه محتاجة حساسية في التعامل معاها ، ولو فيها أي مشكلة متستناش عليها روح للتوكيل علي طول وصلحها ، وده أعتقد في اي عربية مش الصيني بس ، وعموما كل واحد شايفها من وجهة نظرة ، أنا واجهت فيها مشكلات معظمها أتحلت ، لكن أنا عارف إنها برضه صيني ، وممكن يبقي فيها عيوب بس أنا قبلتها بعيوبها ومميزاتها ، لإن البديل غالي جداً ، وبالمناسبة بمقارنه سريعة مصنعية الصيانة بتاعة ال 10000 كم سعرها 108 جنيه ، وفي الهيونداي الماتركس بتوصل ل 700 جنية ، وده كلام واحد معاه الماتركس ، يعني هيه عربية علي قدنا ، لهيه قويه جدا ولا ضعيفة جدا ، ربنا يوفقك ، وعلي العموم ده الإيمل بتاعي لو فيه مشكلة إبعت لي TELEBK@yahoo.com. د / خالد

شكرا دكتور خالد علي هذه المشاركة المفيدة وربنا يباركلك فيها ويديك خيرها وباتوفيق