تجربتي مع الماتريكس(حازم خضر)

[hazem_khidr]

المشاركة الأصلية كتبت بواسطة toto11 السلاموا عليكوا اشكرك جدا على الرد وفعلا المنتدى بتاعكوا جميل ومفيد جدا جدا اتمنى انه يفضل كده على طول بنفس المستوى الفنى العالى ده. بخصوص العربية بقى الحقيقة انا حيرانة بين الجيتز والماتركس اصلى انا لسه متعلمة سواقة جديد وطبعا انت عارف البنات فى البداية بتبقى قلقة حبتيين وخايفة (بكلم عن نفسى) بالمناسبة سياتك لية مش مهتميين بالجيتز انا اعرف انها عربية حلوة اتمنى لو تعمل تقرير حلو وممتاز كده عنها زى الماتركس علشان الى زى حالاتى كده برضه يتعلم (وجزاك اللة كل خير) انا فكرت اجيب مستعمل واتوماتك علشان فى الاول كده هيبقى الخبط كتيير طبعا انت عارف ptmnlo123per172 لكن بردود المشاركيين كله لا يفضل الاتوماتك الكورى!!!!! وكمان انا حاسة ان الماتركس هتبقى كبيرة عليه شوية وانا لسه مبتدئة ففكرت فى الجيتز بس مترددة برضه بين المانيوال والاتوماتك انا عارفة انى طولت بس فعلا انا حيرانه ومش عارفة اعمل ايه واختار اية وازاى هعرف اقيم العربية المستعملة بس رايك برده مهم واكيد هيفيدنى ان شاء الله.

ابعاد العربيه مش مشكله حتتعودي عليها من غير قلق
و الماتريكس ظريفه برضه
بالنسبه للجيتز حتلاقي تجربه وحيده في المنتدي للباشمهندس فادي
و سبب قله موضوعاتها ان مافيش منها كتير في الشارع
و عموما اللي ترتاحي له اكتر هاتيه بس الماتريكس كسياره ممتعه و لذيذه

[miam0502788391]

أولا شكرا على تقريرك الجميل ده يا باشا
ثانيا انت حيرتنى فى الماتريكس انا اول ما شوفتها عجبتنى ولما انتشرت اعجبت بيها اكتر وبعدين لما قرأت بعض مشاركات الأعضاء السلبية على الماتريكس كشيت منها وبعدين لما قرأت تقرير حضرتك حببتنى فيها تانى فعلا لولا اختلاف الأذواق لبارت السلع
سؤالين أخيرين يا استاذ حازم : الماتريكس بعد تجربة سيادتك عالية ولا واطية يعنى اذا شيلت ثلاثة افراد فى الكنبة الخلفية تحك فى المطبات ولا لأ ؟؟
والشنطة الخلفية هل فعلا ضيقة حبتين ؟؟

[hazem_khidr]

المشاركة الأصلية كتبت بواسطة miam0502788391 أولا شكرا على تقريرك الجميل ده يا باشا ثانيا انت حيرتنى فى الماتريكس انا اول ما شوفتها عجبتنى ولما انتشرت اعجبت بيها اكتر وبعدين لما قرأت بعض مشاركات الأعضاء السلبية على الماتريكس كشيت منها وبعدين لما قرأت تقرير حضرتك حببتنى فيها تانى فعلا لولا اختلاف الأذواق لبارت السلع سؤالين أخيرين يا استاذ حازم : الماتريكس بعد تجربة سيادتك عالية ولا واطية يعنى اذا شيلت ثلاثة افراد فى الكنبة الخلفية تحك فى المطبات ولا لأ ؟؟ والشنطة الخلفية هل فعلا ضيقة حبتين ؟؟

اهلا و سهلا يا دكتور
بالنسبه للماتريكس معتدله لا عاليه ولا واطيه
و اي عربيه بتركب فيها تلاته ورا من الحجم التقيل بتحك
الا لو كانت قاعده عجلاتها صغيره زي الياريس مثلا بحيث انها تطلع علي المطب بالاربع عجلات
لكن في الحاله دي برضه لو محمل فيها جامد حتحك

[phen0m]

المشاركة الأصلية كتبت بواسطة ألأسدالملك شكرا حازم على المعلومات أنا قمت بقيادة الماتريكس المانيوال والأوتوماتيك وفعلا هي فيها حاجة غريبة شوية على عربية 1600 لدرجة إني شاكك أنها 1300 والله أعلم ptmnlo123per154

حرام عليك
انا سوقت الماتريكس بعد لانسر 2005 1300 وحسيت ان المارتيكس 2000 cc

[Eng . Mano]

تقرير مميز جدا يا استاذ حازم ، و فعلا العربية دى محترمة جدا كامكانيات و خامات و قوة كبيرة ( فى المانيوال ) اكتر من الاتوماتيك ، لكن الحاجة الوحيدة اللى شايف انها سيئة فى العربية هو سعرها ، حاسس انهم مبالغين فيه شوية في حين ان هناك بدائل اخرى افضل .