حساس عداد حرارة جيلي ck2 ارجو المساعدة للاهمية

[atwany2]

اناكنت عملت حادثه بالعربية جيلي ck2 وصلحتها ولكن الكهربائي مكملش شغله هو فك الطبلوه علشان السمكري وركبه بعد ماخلص وركب ضفيرة الموتور وفضلت الاضائة والكلكس وبعد كده ساب الورشه واتصلت بيه وفضل يقولي بكره بعده المهم استعنت بالله وقولت اكمل الشغل والحمد لله عملت الشغل اللي فاضل فابريكه واحسن من اي كهربائي كان حيشتغل في العربيه وغيرت سلوك كتير كانت ملحمه وعملت عزل كويس للضفيرة والحمد لله كله تمام الا عداد الحرارة والمراوح وكنت بفصل فيشه حساس الحرارة علشان المراوح تشتغل دايركت علشان العربيه متسخنش من غير معرف علشان العداد مش شغال وكل يوم كنت اشوف حاجة تكون هي السبب من رداتير الي حساس المراوح من غير ما اغيره لكن جربتة عن طريق التسخين وفعلا مقاومته بتقل مع التسخين حت علبه الفيوز طلتها وشلت منها كل الكتاوت والفيوزات وشيكت علي المسارات الي في البورده والفيوز والكتاوت والرليهات وكله سليم بس من يومين مروحه التبريد لاتعمل ولكن مروحة التكييف تعمل فقط وشفت الكتاوت بتاعتها لقيت في علبه الفيوز فيه طرف رقم 86 غير متصل باي شى ولما اوصله ارضي وتكون فيشه الحساس راكبه تشتغل مروحة التكييف ولما اوصلة بالكهرباء والفيشه مش راكبه تشتغل مروحه التبريد والان بعد تدهور الحاله الي ان مروحه التبريد لا تعمل وتعمل فقط مروحه التكييف مش حستسلم ولازم اصلحها انشالله بس مساعده منكم
رقم 1 مكان حساس عداد الحراره فين
2- الطرف 86 دا بيخلي الكتاوت تلقط والمروحه تشتغل المفروض ياجي من حساس الحرارة
3- علبة الكمبيوتر الي تحت الطبلوه ممكن يكون ليها علاقه بالكلام داكله
4- هل هناك علاقة بين عداد الحرارة والمراوح علما ان حساس المراوح طرفين ودورت كتير علي حساس العداد ابو طرف واحد مفيش ولقيت تحت الدينامو حساس بطرف واحد طلع بتاع الزيت وواحد تاني لما اهزة بيطلع صوت تلقيط في كباس التكييف

[atwany2]

خلاص مفيش حد عارف كالعاده طيب بس قولولي مكان صباع الحرارة بتاع العداد مكانه فين في الموتور

[ali zahran]

واضح ماشاء الله عندك خبرة
الحساس اللى بشغل عندك المروحه كام سلك

[atwany2]

المشاركة الأصلية كتبت بواسطة ali zahran واضح ماشاء الله عندك خبرة الحساس اللى بشغل عندك المروحه كام سلك

انا كاتب يااستاذي انه طرفين بس وانا اتذكر قبل الحادث اني لما العربية تسخن كنت بفصل الفيشه بتاعته علشان المروحتين يشتغلوا بس العداد مكانش بيتاثر كان شغال عادي في الحالتين هواكيد فيه حاجه خلتهم هما الاتنين يبطلوا مع بعض بس برضوا عايز اعرف الصباع مكانه فين وهو بطرف واحد صح

[atwany2]

الحمد لله تم الاصلاح بالنسبه للمراوح الفيشه كانت مش ملمسه كويس غيرتها والمراوح اشتغلت وفصلت اتوماتك مع تبريد السيارةومشكلة مروح التبريد كان قطع في مسار الخط 86 بتاع الكتاوت علي بوردة الفيوز الفبر وعملت لها كوبري واشتغلت
اما بالنسبه لعداد الحرارة المشكله كانت في اني مش عارف فين مكان صباع الحرارة الخاص به ووجدته تحت الموتور ولا يظهر الا من تحت السيارة وكان سلكه مش راكب وتم توصيله واشتغل تمام والحمد لله ومشكورين جدا علي المشاركه اخواني الاعزاء