كل ماتريد معرفتة عن خرطوم الفايظ Breather Tube/hose

[Vanditta]

السلام عليكم ورحمة الله وبركاتة

خرطوم الفايظ او خرطوم العمة breather hose
دة جزء من منظومة او سيستم اسمة pcv system

some links for advanced members


http://en.wikipedia.org/wiki/Crankca...ilation_system
http://auto.howstuffworks.com/positi...ion-system.htm
http://www.ehow.com/facts_5593016_pcv-valves_.html
Signs of a Bad PCV Valve
http://www.ehow.com/list_7541495_sig...pcv-valve.html

ودى فيديوهات بتشرح بشكل سهل وبسيط سيستم ال pcv

http://www.youtube.com/watch?v=rs6YtHUscCA

http://www.youtube.com/watch?v=VxwNF...feature=relmfu

http://www.youtube.com/watch?v=xI-IE...feature=relmfu

http://www.youtube.com/watch?v=Yc5Cb...feature=relmfu

http://www.youtube.com/watch?v=E1gDX...feature=relmfu

http://www.youtube.com/watch?v=3JYut...feature=relmfu

يتبع شرح مبسط لنظام تهوية غرفة المحرك pcv system ....
to be continued >>>>>

[Vanditta]

بسم الله الرحمن الرحيم

خرطوم الفايظ او خرطوم العمة زى ما الصنايعية بيقولوا علية
دة اسمة breather tube/hose ودة بيبقى شكلة فى معظم المحركات الكربيراتير

واحيانا بيسموة ال T hose عشان واخد شكل حرف ال T

الخرطوم دة جزء من منظومة او سيستم اسمة ال pcv او positive crankcase ventilation
نظام تهوية حجرة المحرك
او بلف التبخير زى البعض ما بيطلق علية

اية هو ال pcv system
1- فى محركات الاحتراق الداخلى بيبقى فى اربع اشواط شوط سحب وشوط ضغط وشوط انفجار وشوط العادم

لو بصينا للشكل دة هنلاقى ان فى شوط الضغط وشوط الانفجار بيحصل تسريب للغازات اللى جوة السلندر لتحت الى غرفة المحرك crackcase
والتسريب دة بييجى من خلال الشنابر

والشنابر مهما كان حالتها لازم بيبقى فى نسبة تسريب للغازات عشان مستحيل الشنابر تعمل احكام تام للغازات اللى فى غرف الحريق حتى لو الموتور زيرو

بس نسبة الغازات اللى بتتسرب من خلال الشنبر الى ال crankcase او غرفة المحرك بتعتمد على مدى احكام الشنبر فكلما زاد احكامة كلما قلت نسبة الغازات والزيت المتسربة والعكس



2- هنلاحظ فى الشكل دة ان فى غازات بتتسرب لغرفة المحرك فى شوط الضغط وبتبقى عبارة عن خليط هواء وبنزين (ونسبة زيت لو الشنابر مش محكمة)
وفى شوط الانفجار بيبقى فى تسريب عادم وبعض الخليط اللى ماتحرقش فى شوط الانفجار والحالة دى اسمها blow-by

3- دلوقتى تعالى نتخيل الغازات دى عمالة تتجمع فى غرفة المحرك اية اللى هايحصل ؟!
هاتوصل لضغط معين وبعد كدة هتبدء تشوف اضعف الاماكن اللى ممكن تخرج منها (تنفس يعنى) واضعف الاماكن فى غرفة المحرك هى الجوانات والاويلسيلات وهنا بيحصل oil leak او تسريب للزيت

4- فالحل انة يبقى فى نظام او فتحة لخروج الغازات الزيادة دى

فى المواتير القديمة بتاعت الخمسينات تقريبا كانوا بيستعملوا حاجة اسمها draft tube or breather tube ودى زى اللى فى الصورة دى عبارة عن ماسورة كدة متوصلة فى البلوك بتاع الموتور ونازلة تحت الموتور فى اتجاة الارض وكان وظيفتها انها تاخد الغازات الزيادة من الموتور وتطلعها فى الهواء الطلق زى اللى فى الشكل دة

وهنلاحظ ان الماسورة واخدة كيرف من تحت كدة عشان مايبقاش فى ضغط هواء معاكس للغازات اللى طالعة منها اما العربية تجرى

5- تمام كدة حلينا مشكلة الغازات الزيادة اللى فى ال crankcase بس بقى فى مشكلة ان الماسورة دى مع تهالك حالة الموتور بقت بتطلع دخان كثيف بيضر بالبيئة
فياترى اية الحل ؟!!

الحل هنا هو ال pcv system

يتبع .......

[eng/walaaeldeen]

السلام عليكم
الله ينور عليك ومنتظرين الكماله ويعطيك العافيه
:CH UBBY~36::CHUBB Y~36:
والله المستعان

[I.ABUBAKR]

:GR OWIN~12:

[mr_astra]

موضوع ممتاز
تسلم ايدك
:GR OWIN~12: