باركولى على الالنترا يارجاله

[wst]

يا ريت أنا محتاج نصيحة لله لأنى هأشترى خلال يومين أجيب النترا ولا سيراتو ولا صنى

بانتظار النصيحة على وجه السرعة

[solidsnake]

المشاركة الأصلية كتبت بواسطة lol64 النهارده جه معايا مندوب من عند سمير ريان وخلصت الاجراءات فى 20 دقيقه فى مرور عبود الملعون انا مش مصدق نفسى بصراحه وعملت جوله بالعربيه فى الزحمه وعلى الاوتوستراد وطريق السويس بس مازودتش السرعه عن 100 وفعلا الباور بيتقل كل ماتزود سرعه وعفشه ناعمه جدا واخدت بيها كل المطبات اللى ممكن تتخيلوها ماحكتش ولا مره (كان معايا مراتى وامى والبنتين انشاء الله كوريا هاتاخد كاس العالم اللى جاى

مبروك كمان مرة يا علاء باشا وعقبال ال bmw
بس سؤال هو مش المفروض انا لو جايب العربية كاش انا اللى بخلص الترخيص مع نفسى فى المرور
معلش انا بسأل علشان حكاية المندوب اللى خلص الليلة فى ثلث ساعة , ده كان بطلب منك ولا خدمة من سمير الريان ولا ايه بالضبط
اه و مستنييين التقرير

[ganash]

ربنا يباركلك فيها ويكفيك شرها ان شاء الله

[سمرى فتحى]

الف مبروك بس جبتها لونها ايه

[lol64]

المشاركة الأصلية كتبت بواسطة solidsnake مبروك كمان مرة يا علاء باشا وعقبال ال bmw بس سؤال هو مش المفروض انا لو جايب العربية كاش انا اللى بخلص الترخيص مع نفسى فى المرور معلش انا بسأل علشان حكاية المندوب اللى خلص الليلة فى ثلث ساعة , ده كان بطلب منك ولا خدمة من سمير الريان ولا ايه بالضبط اه و مستنييين التقرير

الله يخليك ويباركلك بص انا لما كنت باستلم ورق العربيه من المعرض لقيت مندوب من عندهم ناس هايرخصوا بيتفقوا معاه ييجى معاهم تانى يوم عشان يرخصوا قلت خلينى معاهم بالمره واديته 50 بندق