اريد qq

[رباب جاد]

المشاركة الأصلية كتبت بواسطة mhamdy75 يعنى غيرتى رأيك ؟؟؟ خير فى إيه ؟؟؟؟

لدرجة انى ان شاء الله لما ابيعها مش حاجيب عربيات تانى خالص بس اكيد حيكون فى حد يعرف يتعامل معاها اكتر منى

[fineart607]

انا مش فاهم حاجه ايه الى حصل

[mhamdy75]

ياريت توضحى لنا تجربتك

عشان الكل يستفاد

وعلى حد علمى

إشتريتيها مستعملة

وكنت هاتبدليها ب كيوكيو زيرو

[رباب جاد]

المشاركة الأصلية كتبت بواسطة mhamdy75 ياريت توضحى لنا تجربتك عشان الكل يستفاد وعلى حد علمى إشتريتيها مستعملة وكنت هاتبدليها ب كيوكيو زيرو

صحيح كنت عايزه ابدلها بزيرو بس التوكيل قال كلام مبالغ فيه اوى عايز ياخد العربيه وانا لسه جايباها بقالى شهرين ب 25 الف والباقى تقسيط كل شهر 800 على 5 سنوات حسيت انه مبالغ فيه جدا العربيه موديل 2006 وعامله 4000 الف كيلو يعنى المفروض حالتها جيد جدا واستعمال سيده اول يد العربيه من اقل مشوار بتسخن جدا ونشوفها طلعت دخان طبعا لازم تقف حتى لو على كوبرى وطبعا دى كانت مشكله ورحنا ل 3 ميكانيكى صينى وماعرفوش فيها ايه وطبعا غيرنا فيها حاجات ب 500 و600 جنيه وده بالنسبه لى مصاريف كتيير وبعدين بحثت فى الموقع هنا ولاقيت واحد اسمه المهندس شريف شغال فى الصينى ورحنا له وطلع بيشتغل فى الأسبرانزا بس وقال انه مش بيشتغل فى الشيرى لأن مشاكلها كتيير المهم بالمناقشه قبلها برضه بتسخن جامد جدا وهى عنده واتحرق وش السلندر المهم استلمناها امبارح بعد ما دفعنا 600 جنيه وقال انها تمام دلوقتى طبعا انا خايفه اركبها تانى عموما احنا بنوضبها علشان تدخل الفحص الأسبوع اللى جاى ونجدد الرخصه وبعدين ان شاء الله حنعرضها للبيع ادعوا لى بالتوفيق انا حاسه انى فى كابوس

[fineart607]

لا حول ولا قوة الا بالله الأسبرانزا ما هى الا موديلات حديثة للشيرى

المهم ربنا ييسر لكم الحال وتبيعوها ويبارك للى هياخذها وربنا يبدلكم خير منها