#1
|
|||
|
|||
ايه رأيكم فى البونتو كلاسيك يا رجاااله
النهارده نازل معرض السيارات عشان احجز هيونداى فيرنا او بروتون ساجا بس كانت بنسبه 90 % هيونداى فيرنا .. وانا معلوماتى عن الفيات انها ايطالى بس ومعرفش لا اسعارها ولا اى حاجه
وانا داخل المعرض لقيت خير اللهم اجعله خير اسد واقف على الارض بصراحه شكلها شدنى اوى اوى اوى وغير كده كان معايا واحد قريبى معاه هيونداى i10 قالى انا كان نفسى اجيب الفيات دى بس اتدبست فى الهيونداى قولتله يا عم دى تلاقيها فوق ال 85 الف جنيه وشكل قطع غيارها غاليه اوى بعد ما قعدت مع اللى فى المعرض واتكلمت معاه وسألته عليها قالى انها 1300 سى سى ودى انا استغربت منها اوى لان شكل العربيه بيقول انها 1600 وقالى انها 77 حصان تقريبا مش متذكر بالظبط وسألته على التوكيل اللى عندى فى اسكندريه قالى توكيلها لسه فاتح جديد وخدمته ممتازه وبالنسبه لقطع الغيار قالى انها تزيد عن الفيرنا مثلا من 30 ل 50 جنيه وطلبت منه انى اشوفها من جوه وفتحت الكبوت ولقيت موتور حسيته صغير اوى على الكبوت الكبير ده زياده ان فى مسافه فراغ حوالى 30 سم بين الصاج والموتور وقالى ان ده ميزه وعيب انا طالب رأيكم لان بصراحه العربيه دى خليتنى اراجع نفسى وبدل ما كنت نازل احجز رجعت تانى عشان افكر فيها |
#2
|
||||
|
||||
رد: ايه رأيكم فى البونتو كلاسيك يا رجاااله
سيبك من الفيرنا راحت عليها خلاص! لو عايز فيات بونتو هيا حلوه بس تجميع صربي دلوقتي و شالوا الجنوط و فوانيس الشبورة على ما اعتقد!!! العربيه دي كانت ب 73 الف جنيه! و بعدين عملوا عليها عرض تصفيه لموجيل 2010 باقت ب 65 الف ( اخر الايطالي) و اخيرا جت دفعة 2011 صناعة صربي بسعر 67500!
نصيحة مني ليك اخ لاخوه هات ساجا اوتوماتيك ب 69000 و فعلا حتدعيلي! انا لسه كنت بقرأ عن موتور الكامبرو بتاعها 1300 سي سي بقوة 94 حصان فعلي و الكلام على انه احسن من مواتير المايفك في ميشوبيشي و ال VVTi بتاع تويوتا!!! و كفاية الاوتوماتيك بنفس سعر الفيرنا |
#3
|
|||
|
|||
رد: ايه رأيكم فى البونتو كلاسيك يا رجاااله
كلامك سليم فعلا بس انا مبحبش الاتوماتيك وعايز مانيوال .. الفيرنا راحت عليها بصراحه بس قطع غيارها وسهوله التصرف فيها وف قطع الغيار مخلياها ثابته وجود مع الشعب المصرى ( الحق يقال )
بالنسبه للساجا انا نزلت وسألت كتير على العربيه دى وهى فعلا عربيه تحفه بجميع المقاييس بس فيها عيبين وفعلا هما اللى مش مخلينها منتشره اولا : عز العرب ده اكبر عيب فيها توكيل سىء جدا ومشوفتش حد بيشكر فيه حتى اصحابى معاهم جين 2 قالولى ابعد عن عز عشان احنا اتمرمطنا معاه ثانيا : قطع الغيار نااااااااااااااااااااااار بمعنى الكلمه يعنى مثى فانوس امامى بيعمل 850 جنيه فى حين ان الرينو اللى بنقول عليها اسعار قطع غيارها غاليه فانوسها ب 400 جنيه وقياس على كده من اول تيل الفرامل لحد الاكصدامات انا عارف ان ليها بدايل كتير بس مع احترامى ليك انا جايب عربيه زيرو ولو هغير تيل فرامل بره هطلعها بره التوكيل وضمانها هيروح ع الفاضى ده غير ان التوكيل بيتلكك اساسا من غير اى حاجه العيبين دول كفيلين انى افكر الف مره قبل ما اجيب الساجا برغم انى بعشق البروتون والساجا انا شايفها صفقه رابحه بكل المقاييس بس منه لله عز العرب اللى خلى الماركه دى ف الارض البونتو انا فعلا اعجبت بيها وفعلا هى عامله 67 الف جنيه بس التقفيل انا شوفته واتفرجت عليه ممكن اقول عليه احسن من الفيرنا واللانوس وموتورها 1300 سى سى معايير اوروبيه بيولد 77 حصان وشكلها كويس جدا وتمشى شبابى وعائلى كمان لان العربيه وسعها مش وحش وقطع غيارها مقبوله جداااااا وانتشرت خلاص انا بجد حزين على الساجا وبصراحه مكنتش لاقيلها بديل بس لما شوفت الفيات البونتو قولت اعيد حساباتى تانى |
#4
|
||||
|
||||
رد: ايه رأيكم فى البونتو كلاسيك يا رجاااله
البونتو عربيه حلوة برضه و اوروبي و للعلم الصناعة الصربي قديمة لان يوغوسلافيا (صربيا حاليا) ابتدت تجميع السيارات مع مصر من 50 سنة فاتت بس الحرب هي اللي عطلت عجلة التطور عندها! و العربيه شبه ايطالي بس التجميع صربي و ممكن تلاقي قطع كتير صربي و بوسني على كرواتي و سلوفيني لان اغلب الدول المجاورة دي فيها اتفاقيات شراكة تجارية مع صربيا و عندهم مصانع صناعات تكميلية لصناعة السيارات
|
#5
|
|||
|
|||
رد: ايه رأيكم فى البونتو كلاسيك يا رجاااله
كلامك سليم
بس فى تعقيب واحد بونتو 2011 هى تقفيل صربى و 2010 تقفيل ايطالى وال 2011 اعتقد انها لسه منزلتش رسميا فى مصر وبصراحه انا شوفت العربيه من جوه وشوفت اللانوس والساجا والرينو والفيرنا اعتقد انها اعلاهم تقفيل لانى مقدرتش اطلع فيها عيب واحد يذكر من اول الكراسى تقفيلهم ممتاز ومريحه جدا والتحكم فى الطاره كويس جدا والكونسول فى متناول اليد والشنطه واسعه والتابلوه شكله ظريف والعدادات برضو شكلها احسن من الفيرنا واللانوس انا بس حبيت اخد أراء ناس جربتها لانى بصراحه الحاجه الوحيده اللى قلقان منها ان فى فراغ حوالى 30 سم بين الموتور والبادى وكان معايا واحد صاحبى قالى تقفيله الموتور دى غريبه اوى من حيث الابعاد والفراغ حوالينه مش من حيث الجوده فى الخامات عشان كده انا طالب الاراء فيها |
|
|