الرادارات ....في بلدنا ... أين هي؟

[pro a7mad]

السلام عليكم:

في الفترة الاخيرة الي قضيتها في مصر و في شوارعها , و خصوصا الطرق السريعة , الي خلت الأسئلة دي تيجي على بالي ايه هو دور الرادارات في مصر ؟ لي الرادارات مش منتشرة على طول الطرق السريعة , على مدار 24 ساعه؟
طيب لي لما الرادار بينزل الطريق بيحاولو يدارو هي الفكرة اني اوقع الناس الي بتجري بسرعات عالية على الطريق و لا ان انا أمنعها من الاول انهم يجاوزوا السرعات المقررة من منطلق سلامة الناس بالمقام الأول زي ما بيحصل في الدول المحترمة و المتقدمة الرادار بيبقى ظاهر للناس من الأول.

وفي الفترة الأخيرة شوفنا اصلاحات كتيرة للطرق السريعة الي في مصر و توسعت حارات زي الطريق الدائري مثلا , و دي حاجة كويسة في حد ذاتها , لكن الي مش كويس ان في ناس استغلت ده في انها تفتح في السرعات بشكل جنوني و مش بتكلم بس على أصحاب الملاكي و الميكروباصات , لا على النقل و المقطورة ....

و في حاجة تانية غريبة أنا مشفتش مرة واحدة عربية شرطة بطارد مثلا عربية خالفت قانون المرور و بتحاول توقفها ...

أنا مش هطول عليكو ... أتمنى اشوف ردودكم و آراءكم القيمة في حاجة زي كده في بلدنا

[حازم شاهين]

الفكرة كلها يا فندم فكرة جباية فقط لا غير
بمعنى إن كل اللى إستهدفة القانون الجديد بكل الغرمات الرهيبة إللى فيه دى هو زيادة دخل الدولة من الغرامات

زى ما حضرتك قولت بالظبط بيخبوا الرادارات علشان الناس تقع فى المخالفة و يلموا فلوس

الكمين بيطلع و الهدف ن الدفتر يتقفل سواء دفتر المخالفات أو دفتر الإيصالات .

[فاطومه المصريه]

وعليكم السلام
زى ما ذكر استاذ حازم قال
ان كل همهم تحصيل المخالفات وخلاص
مش همهم غير كدة
اصلا المرور مبقاش ليه اى دور فى الحفاظ ارواح البشر

[hazem_khidr]

اولا المفروض يبقي اسمها لجنه مش كمين لان الكمين دا بيتعمل للمجرمين
لكن فعلا حاليا افضل اسم للمجموعه الواقفه و معاها بوكس مركون بالعرض و كام قمع حاجز حديدي
انه يبقي اسمه كمين!!!!
لانه بيحاول يوقع الناس في الغلط و خلاص
لكن برضه الشعب المصري ما ينفعش معاه غير كده
لانهم لو عملوا كاميرات و اماكنها معروفه زي الدول المتقدمه حتبقي سهل ان اي حد يعرفها
و يحفظها كمان و تلاقي الناس كلها عرفتها و كل الناس تيجي عند الكاميرا و تهدي
و بعدين تجري زي الطلقه بعد كده تاني!!!!
لان انت عارف الشعب عندنا بيحب يعمل نفسه ماصح و بيستغل اي فرصه يحس
فيها انه ضحك علي الحكومه
من رأيي ان الكماين بالنسبه للسرعه دي افضل وسيله للحد منها علشان الناس تمشي خايفه
و ما تزودش سرعتها و اللي يتقرص مره ممكن ما يعملهاش تاني

[فاطومه المصريه]

المشاركة الأصلية كتبت بواسطة hazem_khidr اولا المفروض يبقي اسمها لجنه مش كمين لان الكمين دا بيتعمل للمجرمين لكن فعلا حاليا افضل اسم للمجموعه الواقفه و معاها بوكس مركون بالعرض و كام قمع حاجز حديدي انه يبقي اسمه كمين!!!! لانه بيحاول يوقع الناس في الغلط و خلاص لكن برضه الشعب المصري ما ينفعش معاه غير كده لانهم لو عملوا كاميرات و اماكنها معروفه زي الدول المتقدمه حتبقي سهل ان اي حد يعرفها و يحفظها كمان و تلاقي الناس كلها عرفتها و كل الناس تيجي عند الكاميرا و تهدي و بعدين تجري زي الطلقه بعد كده تاني!!!! لان انت عارف الشعب عندنا بيحب يعمل نفسه ماصح و بيستغل اي فرصه يحس فيها انه ضحك علي الحكومه من رأيي ان الكماين بالنسبه للسرعه دي افضل وسيله للحد منها علشان الناس تمشي خايفه و ما تزودش سرعتها و اللي يتقرص مره ممكن ما يعملهاش تاني

عارف يا حازم كلامك صح
بخصوص انه لما يكون معروف الردادر فين بيتعمل تهديه للسرعه وبعدين ينطلقو
الموضوع دة عرفتو وانا مسافرة على طريق القاهرة المنوفيه
ركبه جمب بابا لقيته هدى شويه كدة من السرعه رغم انه مكنش ماشى سريع ولا حاجه
بس عشان العربيات اللى قدامه هديت شويه وبيعدو يدو اشارات لبعض وخصوصا سواقين الميكروباصات
فسالته ليه كدة قالى عشان الردادر وهوب لقينا كل العربيات اللى كانت مهديه
بقت صورايخptmnlo123per111