مساعدة فى شراء سيارة مستعملة

[kemo303]

السلام عليكم
يا جماعة انا لسة جديد فى عالم السيارات
وعايز اشترى عربية اية النصائح التى تقدموها لى لشراء سيارة مستعملة
انا ما اعرفش اى حاجة فى العربيات عايز اعرف لما اجى اشترى عربية اعرف ازاى العربية كويسة ولا لا وما هى الاشياء الواجب التركيز عليها اثناء شراء السيارة
وازاى اعرف حالة الموتور كويس ولا لا
وشكرا

[tham1010]

أولا مبروك مقدما.
ثانيا لازم نعرف نوع العربية اللى ناوى تشتريها. لان العملية تفرق من العربيات الحديثة (بعد 2000) والسيارات القديمة. لكل منهم خواصة المختلفة.

بشكل عام تأكد من أن العربية مش عاملة حادثة وهذا بيبان من طلاء السيارة وخاصة فى حوض الماتور لان الحتة دى صعب دهانها. حسس بأيدك وتأكد أن لا يوجد لحمات. لو فى بنزينة قريبة أرفع السيارة وشوف فى لحمات لشاسية العربية من تحت والعفشة. الحاجات دى بتكلف أصلحها كتير.

تأنى أهم حاجة هو حالة الماتور ودة لو العربية جديدة بتكشف عليها من خلال جهاز سكنر عند بعض البنزينات. وتكلفته بتختلف. التقرير ممكن يكشف عن كبس الماتور الإنجكشن ولازم يكون القدرة فوق 70% لان تحت كدة تبقى الماتور عمرة هيبقى قصير.

كمان تأكد من حالة الكاوتش لان تغيرهم يحتاج منك 1500 جنية . لازم يكون النقش بتاع الكوتش ظاهر وعميق مش الكوتش ممسوح.

باقى الحاجات مقدور عليها مش تكلف كتير زى الثلاث حاجات دول.. بالتوفيق