عاوزة حد يفيدني عن رينو لوجان... شاريها و مجربها

[flashfox]

انا برشح اللوجان وبقوة وانا معايا واحدة فول اوبشن و خلص الكلام

[hossamhussein0]

اللوجان طبعا بلا منازعptmnlo123per154 ( إذا قارناها مع المنافسين الحاليين في حدود نفس الاسعار) ،،، كفايه انها رينو (ماركة عريقة أوروبية الاصل و لها سمعة و تاريخ طويل) و أكثر ما تهتم به هو الامان و البيئة و التكنولوجيا و أنا هكون صريح معاكي جدا جدا

أنا عندي عربية لوجان روماني 2009 ( الدفعة الاولي ) جميع الكماليات و كنت شاريها بـ 75000 ج من الوكيل كاش و فيما يلي اعرض مميزاتها و عيوبها بصراحة شديدة

أولا مع الجانب المشرق المميزات :-

متينة
تكييف قوي جدا و فوق الرائع حتي في عز الصيف وفي الاشارات و الزحمة
عفشة ما فيش كلام و عاليه عن الارض
صاج مش هتلاقي زيه اللا في اللادا
استهلاك بنزين ممتاز و أكثر من ممتاز
موتورها 1600 و صوته عادي جدا جدا و ليس عالي أو كما قال البعض !!!! و علي فكرة هو نفس موتور ميجان 1 و طبعا مشهود له بالكفائة و القوة
اير باج و ده مش منتشر كثير في العربيات المنافسة لها
راديو سي دس
صالون و شنطة واسعين جدا
ثابته جدا جدا علي الطريق حتي مع سرعة 180 كم (كنت بجرب العربية)


ثانيا مع الجانب الاخر عيوبها:-

الباور ضعيف و يوجد رعشة في الموتور عند لف العجل للاخر ( التوكيل يؤكد منذ سنة و شويه أنه بعت المشكلة دي لفرنسا و في انتظار ردهم عليها !!! طبعا كلام فارغ و ضحك علي الذقون لحد ما الضمان يخلص و بعدين الحل جه و هيكلفك الفات )
دواسة البنزين بتعمل صوت زنة عند رفع الرجل من عليها بين النقلات و التوكيل قال هوه تصميمها كده (تكون سايبه من فوق)
يوجد تسريب لصهد الموتور عند قدم السائق و خصوصا في السفر و روحت للتوكيل و حط لباد عازل علي حسابه و برضه زي ما هيه شكلهم بيشتغلوا الناس
التصميم نفسه به طابع فرنسي قد يكون غير مستصاغ عند البعض مثل الكلاكس في مفتاح الانوار و عدم وجود وحده مجمعة للتحكم في النوافذ بباب السائق كما تعودنا في كل العربيات ذات الزجاج الكهرباء ، السنتر لا يستجيب مع المفتاح من الخارج ( في حالة استخدام المفتاح الذي ليس به ريموت) و تنك البنزين يجب أن يفتح من الخارج

و أهم نقطة هيه ان التوكيل حرامييييييييييييييييييييي ي طبعاااااااااااااااااااااا ااااا و اسعاره نارررررررررررررررر مرايا الباب اليمين 1000 ج و صيانة العشرين مع تغيير التيل الامامي بـ 1300 ج و لازم تروح من بدرري و ما تمشيش الا الساعة 3 عصرا و حاجة تزهقققققققق
سعرها في اعادة البيع وحشششششششششششششششش جدااااااااااااااااااا عربيتي مش جايبه اكثر من ستين الف و أنا شاريها بـ 75000 ج و العربية تعتبر لا تزال علي الزيرو

و العذاء الوحيد أنها عربية محترمة جدا و أمان جدا وراسيه علي الارض جدا جدا و متينة جدا جدا و نامل ان تتوافر قطع الغيار خارج التوكيل بكثرة خصوصا مع انتشار العربية بعد ما نزل منها المغربي و يبقي ساعتها شكرا للتوكيل ووداعا لمصاصي الدماء




علي فكرة أنا كان معايا لانوس 2001 كاملة مانيوال من الزيرو وهي عربية زي الفل وأحسن الف مرة من الفيرنا و بندم انني بعتها و اشتريت اللوجان ptmnlo123per1106خصوصا انني بعت اللانوس و دفعت فرق 25000 جنيه ،،،،، ومع ذلك أنا أري أن ندمي للتغيير كان يرجع في الاساس لأنني اشتريت بخمسة و سبعين الف و بعدها بشهور قليلة ظهرت المغربي بسبعة و ستين الفا ( حاجة تزعل 8000 ج فرق سعر لنفس السيارة في شهور قليلة )ptmnlo123per111 بس أنا أنصح أي حد دلوقتي ناوي يشتري أن يتوكل علي الله و يجيب المغربي لان سعرها تحفة و العربية في ظل ذلك السعر هيه نمرة واحد بلا منازع و ربنا يعينا علي التوكيلptmnlo123per111

[harani]

المشاركة الأصلية كتبت بواسطة ringoo انا معايا لوجان فول اوبشن لو عايزة تستفسرى عن اى حاجة انا تحت امرك بس تكون اسئلة حيوية ... مش الكلام بتاع السمع زى الرينو فبر ... والرينو توكيله غالى والحوارات الغريبة دى وبلاش نربط اللوجان بالميجان عشان دى فئة ودى فئة تانية ومنتظر اسألتك واوعدك ان ارد عليكى بمنتهى الامانة وبدون تحيز

استاذي الفاضل
عندي استفسار لو تسمح
في واحد في المنتدى قال ان الدبرياج ضمانه 3 شهور بس و ان في الشهر الراابع حدث عطل به كلفه 1200 ج
معقولة الكلام دة
سؤال ثاني
يعني ايه فوجات امامى وخلفى

[luckyman]

يا جماعة اشتروا اللوجان ومحدش يخاف هى سيارة جيدة وحققت مبيعات قياسة تخطت المليون سيارة فى اوروبا فى فترة قياسية ورغم انها بسعر ليس بالمرتفع الا انها تتمتع بمظهر جيد وجودة جيدة انا مش من محبى الرينو او الفرنسى وبعدين لما الواحد يخسر من الميجان غير لما يخسر من اللوجان نسبة وتناسب مش بالدرجة المحسوسة خصوصا اننا طبقة مش بتغيير سيارة كل عام ولما بنجيب سيارة زيرو معناها متوسط همرها من 5 الى سبع سنوات دة الطبيعى خصوصا فى ناس كتير بتجيب السيارات قسط من ناحية اخرى ايوة هو نفسة التوكيل نصير بتاع نصير لكن لا خوف لان اللوجان سيارة بسيطة سمبل فى ميكانيكيتها وهندستها تقليدية وبخصوص قطع الغيار انها مش رخيصة نوعا ما احنا مش كل يوم بنكسر فوانيس ومرايات ومع انتشار السيارة المتوقع ومن الظاهر لانى بسافر كل شهر وملاحظ انتشارها فى كل اجازة وبلتالى مع انتشارها قطع غيارها تكون منتشرة بالتالى ومتوفرة وبعدة انواع كمان للقطعة الواحدة بصراحة اذا اخذنا فى عين الاعتبار السعر فهى صفقة ذكية للغاية وشكرا لكم جميعا

[hossamhussein0]

المشاركة الأصلية كتبت بواسطة luckyman يا جماعة اشتروا اللوجان ومحدش يخاف هى سيارة جيدة وحققت مبيعات قياسة تخطت المليون سيارة فى اوروبا فى فترة قياسية ورغم انها بسعر ليس بالمرتفع الا انها تتمتع بمظهر جيد وجودة جيدة انا مش من محبى الرينو او الفرنسى وبعدين لما الواحد يخسر من الميجان غير لما يخسر من اللوجان نسبة وتناسب مش بالدرجة المحسوسة خصوصا اننا طبقة مش بتغيير سيارة كل عام ولما بنجيب سيارة زيرو معناها متوسط همرها من 5 الى سبع سنوات دة الطبيعى خصوصا فى ناس كتير بتجيب السيارات قسط من ناحية اخرى ايوة هو نفسة التوكيل نصير بتاع نصير لكن لا خوف لان اللوجان سيارة بسيطة سمبل فى ميكانيكيتها وهندستها تقليدية وبخصوص قطع الغيار انها مش رخيصة نوعا ما احنا مش كل يوم بنكسر فوانيس ومرايات ومع انتشار السيارة المتوقع ومن الظاهر لانى بسافر كل شهر وملاحظ انتشارها فى كل اجازة وبلتالى مع انتشارها قطع غيارها تكون منتشرة بالتالى ومتوفرة وبعدة انواع كمان للقطعة الواحدة بصراحة اذا اخذنا فى عين الاعتبار السعر فهى صفقة ذكية للغاية وشكرا لكم جميعا

أوجزت و أفدت ،،،، الله ينور عليكptmnlo123per154ptmnlo123p er154ptmnlo123per154