اية رايك فى سواقة السيدات

[مهند سالم]

المشاركة الأصلية كتبت بواسطة meemee طب يدوب تلحق الغدا ptmnlo123per172

أهو هو ده الكلام، الستات بق مية مية في عمايل الغدا وشغل البيت والحاجات الجميلة دي، الله عليهم وهم رابطين دماغهم وواقفين في المطبخ وسط الدخان وإديهم ملايانة توم وبصل، الله تابلوه رائع لوحة تصويرية، والله عايزة واحد كدة يكون بيعرف يرسم يرسملنا اللوحة دي ويحطها في موضوع، وشكرا

[Ahmed_lol2007]

بصو يا جماعة أنا والله مش بفترى على سواقة الستات
بس والله الموقف دة حصل معايا إمبارح أنا ماشى فى شارع فيصل بالليل المهم فى واحدة سايقة والعربية عطلت منها فى وسط الشارع عيب سواقة (مش عارفة توازن الدبرياج والبنزين ) المهم أنا رحت معدى من جنبها والله فى مثلا بتاع 30 سم فرق بين العربيتين المهم أنا عديت ومرة واحدة الاقى كلاكس شغال اتارى الحجة دورت العربية ومشيت ورايا وبقيت عمالة تزنق عليا
طب قولولى أنتم أنا أعمل إيه مع العلم إنى لو ريحت على عربيتها هتتطبق (هيا راكبة كيا برايد هاتش باك وأنا راكب أوبل فيكترا طبعا فى فرق فى الصاج وفى الحجم وفى كل شى )
المهم أنا كبرت دماغى وطلعت على الكوبرى والاقى واحدة بنت حلال راكبة النترا الجديدة بتكلم فى الموبايل وعمالة تحدف عليا وأنا عمال اكلكس بس ولا حياة لمن تنادى ( والله فعلا أنا كنت هخبط فيها قصد وأبوظ لها رفرف ولا إكصدام عشان تبقى ماشية فايقة بس أنا مرضيتش)المهم عملت كيك داون محترم ورحت معديها وسايبها (أنا كنت رايح المنيل) طول الطريق على نفس النظام وكانت هتتختم بخبطة فى ميكرباص ترامكو بسبب بنت سايقة عربية صينى شكلها غريب وأنا فى قلب الملف اللى بيودى على سينما جالكسى من عند كوبرى عباس البنت دى تروح قافلة علية وفى نفس الوقت فى ميكروباص ترامكو كسر الاشارة وكان داخل فى الرفرف بتاعى بس لولا صاحبى خبط على الباب بتاعها ووسعت شوية مكنتش هعرف أنا هعمل إيه
وأول إمبارح راكب مع واحد صاحبى وركنا فى شارع إتجاه واحد قدام سوبر ماركت ونزل يجيب حاجات والاقى فيرنا داخلة عليا بضهرها وكلاكسات وقلبات ولا حياة لمن تنادى رحت ناطط مكان السواق ولولا حضنت شوية كانت عربيتها ضاعت لاننا كنا راكبين شيروكى 2000 بس الحمد لله جت بسيطة الرفرف بتاعها باظ والمرايا الشمال إتقفلت وإحنا طبعا ولا فى أثر على العربية
معلش أنا طولت عليكم بس والله فعلا الواحد بيشوف حاجات تغيظ أوى فى السواقة
وياريت البنات والستات ما يخدوش الكلام بحساسية بس والله أنا مش عارف الكلام دة بيحصلى أنا لواحدى ولا كل الناس بحصل معاها كدة

[lol64]

لالا انا مش موافق الستات سواقتها زى الفل احنا اللى فاهمينهم غلط عمر ما المدام عندى اتخبطت وطلعت نفسها غلطانه لا ده كل الناس غلطانين بما فيهم انا

[Ahmed_lol2007]

هههههههههههه
عندك حق والله وفعلا ممكن تكون ست سبب فى مشكلة وتيجى هيا وتعد تزعق فيك وبيبقى ناقص تضربك
(ولا أنا عشان سنى صغير مثلا فكرنى هخاف والله فعلا أنا طول ما والدى سايق بتبقى الحياة جميلة لكن أنا أما أسوق بحس أنا كل الستات والبنات اللى لسة بيتعلمو السواقة عايزين يدغدغو العربية )

[modemode55]

الستات هي العامل الاساسي في زحام مصر بعد العربيات الأجره الست بتلاقيها في الطريق المفتوح ماشيه علي 30 و 40 كيلو ببقي عايز ازقها بعربيتي