لسه جايب سيفيك 2008 وعايز مساعده من الناس الخبره

[Horsepower]

المشاركة الأصلية كتبت بواسطة Refaat78 أولا انا هونداوى قديم جدا لأنى ركبت أكورد 78 وسيفيك 84 وسيفيك 92 وسيفيك 2001 وأخيرا جبت واحده 2008 الحمد لله عندى كذا استفسار يا ريت اللى معاهم العربيه يساعدونى فيهم: 1- سحب العربيه مش عاجبنى قوى زى ما الناس كانت بتحكى لدرجة انه قريب من العربيه 2001 فلتر الهواء ... ذو تأثير كبير جدا على أداء السيفيك ... بيحتاج يتنضف بصورة دورية ... شخصيا بانضفه كل إسبوع أو إثنين. 2- اقصى سرعه للعربيه لأنى بعربيتى ال2001 بجيب 190 وفى الجديده جابت 195 بالعافيه أقصى سرعة ممكن تجيبها حوالي 220 كم/س ... شخصيا جيبت 216 كم/س على الدائري من كام شهر 3- ايه العيوب الدارجه اللى فى العربيه عشان انا سمعت ان فيها عيوب زى الطنابير والتيل والبطاحات والتوكيل بيغيرها هى لسه فى الضمان وعايز استفيد من الضمان لأنه لسه كتير عليه والله أنا كمان سمعت زيك عن الكلام ده بس لا أنا ولا أصدقائي إللي أعرفهم معاهم سيفيك 2008 و 2009 و 2010 إشتكينا من أي عيب من دول ... والله أعلم 4- العفشه ايه اخبارها لأن عفشة ال2001 اريح منها ماعرفش عفشة ال 2001 أخبارها إيه ... بس عفشة السيفيك الجديدة (موديل 2007 إلى 2010) ناشفة شوية مقارنة بالسيارات الأخرى لنفس الفئة (جيتا وفنتازيا ... إلخ) ... بس ده مش عيب ده مقصود علشان ماينفعش تبقى عربية جري وشد وعفشتها طرية ... بس ممكن تكون تقصد إن العزل بتاعها مش قد كدة في المطبات والنقر بيكون صوت الخبط عالي شوية و ده حقيقي. 5- استهلاك البنزين لأن استهلاك البنزين للقديمه احسن منها إستهلاك البنزين داخل القاهرة بالتكييف شغال على طول = 10 لتر لكل 100 كم إستهلاك البنزين في السفر بمتوسط سرعة 90 كم/س وبالتكييف شغال على طول = 7 لتر لكل 100 كم ده إستهلاك عربيتي 2009 بنزين 92 6- النقلات ايه نظامها لأنى لما بزود عن ال160 بتنزل للنقله الرابعه ومش بتنقل تانى للخامس ده طبيعي في كل السيفيك الجديدة ... الغيار الخامس مش غيار عزم ... ده غيار سرعة بدون عزم ... هدفه إن الموتور ينزل بعدد لفاته من RPM عالي لمنخفض على نفس السرعة تقريبا (بيريح الموتور) بشرط ألا يكون أداء السائق يعبر عن الرغبة في التسارع أكثر لو عايز تنقل للخامس بعد ال 160 كم/س ... حقق بالعربية سرعة عالية 180 أو 190 كم/س بس ماتكونش على مطلع تكون على طريق أفقى عادي ... طبعا هاتكون كابس بنزين على الآخر في الحالة دي ... خف رجلك خالص من على دواسة البنزين ... عداد ال RPM هايفضل متعلق على العالي (حوالي 5500 RPM) شوية وبعدين هاينزل لوحده وأول ما ينزل العربية هاتنقل للغيار الخامس والسرعة هاتكون أعلى من 160 كم/س ويا ريت لو اقدر اكلم حد يفيدنى فى المواضيع دى

أولا ألف مبروك ...
ثانيا عايز أقول "Déjà vu" لأني حاسس إني شفت نفس الإستفسارات دي قبل كدة ...
شوف تعليقي على إستفسارات حضرتك بالأزرق تحت كل إستفسار.
تحياتي