استفسارات عن اسبرانزا a516

[محمود مدحت]

ياريت ياجماعة كل اللي معاه اسبرانزا يجاوبني علي شوية الاسئلة دي
1_ما هو احسن فرع صيانة لابو الفتوح
2_هل الصيانة تحتاج الي حجزمسبق
3_هل اذا تخطت السيارة ال1000كم الاولي بدون صيانة هناك خطر علي السيارة
4_حد ريموت السنتر لوك بيعلق مع حد
5_السي دي محشور وكل ما اعملejectيكتب error2فما الحل
وياريت اي حد عنده نصيحة للمشترين الجدد يقولها
وشكرا

المشاركة الأصلية كتبت بواسطة محمود مدحت ياريت ياجماعة كل اللي معاه اسبرانزا يجاوبني علي شوية الاسئلة دي 1_ما هو احسن فرع صيانة لابو الفتوح

احسن فرع هوا ابو الفتوح نفسه
ولو معرفتش
فعيسي المنصوره او ابورواش دول الي حد ما كويسين

المشاركة الأصلية كتبت بواسطة محمود مدحت 2_هل الصيانة تحتاج الي حجزمسبق

لا طبعا بتروح و بتستني دورك بس تروح من قبل ما يفتحو بنصف ساعه
يعني بيفتحو 9ونصف تبقي هناك 9
لان هتاخد دورك و باذن الله هتنجز علي الظهر
لان الضغط كبير عليهم

المشاركة الأصلية كتبت بواسطة محمود مدحت 3_هل اذا تخطت السيارة ال1000كم الاولي بدون صيانة هناك خطر علي السيارة

لا مش خطر ولا حاجه بس برضو متعديش ال الالف بكتير
يعني علي الف و 100 مثلا تروح
انا عن نفسي روحت و انا لسه 650 كيلو عشان اغير زيت الموتور
لان العربيه بتيجي بزيت تجارب علي قد الالف فعشان احافظ عليا لموتور و ابقي في الامان و مطمن
وعلي فكره لو عديت الصيانه الدوريه باكتر من 900 كيلو بتتلغي الصيانه دي
يعني مثلا لو نفرض العداد بقي 6000 كيلو و انت لسه معملتيش صيانه ال 5000 كده راحت عليك و هتعمل صيانه ال 10000 فاهتم بالموضوع الصيانات و مواعدها

المشاركة الأصلية كتبت بواسطة محمود مدحت 4_حد ريموت السنتر لوك بيعلق مع حد

بصراحه لا و ممكن يكون بطاريته بتلمس خليه يفحصهولك و لو في مشكله هتغيره علي الضمان

المشاركة الأصلية كتبت بواسطة محمود مدحت 5_السي دي محشور وكل ما اعملejectيكتب error2فما الحل وياريت اي حد عنده نصيحة للمشترين الجدد يقولها وشكرا

حصلت معايا في ال 516 ان كان فيها اسطوانه والي كانو معايا ماخدوش بالهم فحطو اسطوانه كمان فبقي جواه اسطونتين و الجهاز مش هيرفض خالص
جه نزلنا و ركب ناس تانيه حطو اسطوانه تالته
فانا معرفش
اجي اتك اطلع الاسطوانه مبتطلعش
يدوب طرفها الي بيبان و مش عايزه تطلع
ففضلت متك علي زرار eject وبدبوسين ابره زقيت الاسطوانه لبرا او استخدم ملقاط تشدها بيهم
فاتصدمت لقيت نفسي بشد 3 اسطوانات الجهاز بالعهم والحهاز زي الفل مباظش ولا اي حاجه
ولو معرفتش روح للكهربائي الي بالتوكيل خليه يشوفهولك

وعموما
العربيه ممتازة
بس اهتم بالاتي
1- بحوار الترصيص و الزوايا لان البور بتاعها ناعم جدا و اي حاجه هتاثر في العربيه
2- اهتم بضغط الهوا بالعجل
3- نصيحه تحط في العجل نيتروجين هتظبط العربيه اوي
4- اما تيجي تنقل بالفتيس اتك علي الدبرياج للنهايه لان لو نصف تكه هتقلل من عمر الفتيس
5- مون بنزين 92 لان هتخليا لموتور افضل معاك
6- متنقلش الا بعد ما يعدي العداد الار بي ام ال 3 و نصف عشان متحسش ان سحب العربيه وحش لان العربيه متصممه علي كده

وربنا يباركلك فيها و يكفيك شرها

[حازم شاهين]

أولا ألف مبروك ربنا يديك خيرها و يحميك من شرها

1- حسب أغلبية التجارب أحسن مراكز الخدمة بو رواش و تكنوسيرفس 2

2- أيوة الصيانة فى معظم مراكز الخدمة تحتاج حجز مسبق إلا فى حالات الطوارئ

3- هى المشكلة فقط فى نوعية زيت الموتور اللى بيبقى فى العربية و هو زيت التليين و مش مصنع للاستخدام لمدة طويلة

4- معايا الريموت مش بيعلق ..لكن ممكن تكون بطاريته ضعيفة و عايزة تتغير

5- موضوع حشر السى دى ده متكرر لكن ليه حل

أولا إخراج السى دى المحشور

بأحد الطرق التالية
- تقفل الكاسيت و بعدين تفتحة تانى و تجرب تعمل Eject g .... كرر الموضوع كذا مرة
- إضغط على مفتاح Eject لمدة عشرين ثانية
- إضغط على Eject باستمرار مع محاولة مساعدة السى دى فى الخرج بملقاط أو بألة حادة لكن بدون عنف
- رش إسبراى التنظيف المذكور فى اﻷسفل ثم اﻹنتظار عشر دقائق ثم الضغط على Eject لمدة عشرون ثانية

ثانيا تنظيف مدخل السى دى
بعد إخراج السى دى المحشور يجب تنظيف مدخل السى دى باستخدام منظف السى دى و هو عبارة عن اسبراى بيتباع عند بتوع إكسسوارات السيارات و في منه أنواع مختلفة
حاجة شبه إللى فى الصورة

[حازم شاهين]

ملحوظة هامة

أفضل سرعة لنسخ اﻷغانى على السيديهات هى 28

المشاركة الأصلية كتبت بواسطة حازم شاهين 2- أيوة الصيانة فى معظم مراكز الخدمة تحتاج حجز مسبق إلا فى حالات الطوارئ

مش عارف بصراحه اي حوار الحجز ده
انا عمري ما حجزت في اي مركز صيانه
بروح اعمل الصيانه و انا واقف
اينعم بقف بتاع 4 ساعات بس في يومها

وتقبل تحياتي