|
#1
09-07-2010, 07:18 AM
|
||||
|
||||
ايهما افضل فى المستعمل الكورى ام اليابانى
بصراحة كان نفسى اشترى اى عربية يابانى جديدة بس للاسف امكانياتى المادية لا تسمح وفى نفس الوقت عاوز اشترى سيارة ماركة محترمة وموديل حديث مش اقل من 2006 والمبلغ اللى معايا مش اكتر من 80 الف وبصراحة عاوز حاجة يابانى
محتاج رايكم ياريت كل واحد يدينى خبرتة وتجاربة الشخصية لانى خلاص نازل مصر قريب والف شكر ليكم
__________________
(وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ)   
|
|
#2
09-07-2010, 08:00 AM
|
||||
|
||||
|
رد: ايهما افضل فى المستعمل الكورى ام اليابانى
الناس عامة بتقول أن اليابانى أفضل, لأن أجزاء السيارة معمرة وبتقعد كتير بدون تغيير بس قطع الغيار أسعارها متوسط ويمكن لبعض الناس غالى.
وفى ناس بتقول أن الكورى أحسن, لأنه معمر بس مش زى اليابانى وقطع غياره رخيصة وبتتباع فى أى حتة. وعموما الموضوع حسب أستخدام الشخص للعربية, وأنا شايف أن الكورى واليابانى تقريبا زى بعض, وأنا أرشح لحضرتك الألنترا فى الكورى, عربية فخمة وجميلة وقوية وسعرها كويس. أما اليابانى مفيش حاجة منتشرة أكتر من المتسوبيشى والهوندا والتويوتا وممكن نيسان, والأختيارات قدام حضرتك كتير. ومش مهم بلد الصنع قد مامهم حالة العربية, لو حضرتك عجبتك عربية لازم تكشف عليها عند سمكرى وميكانيكى من أهل الثقة, وتكشف على كبس الموتور فى بنزينة نضيفة وترفعها وتبص على العفشة, والنصابين فى سوق المستعمل كتير و لازم حضرتك تاخد بالك كويس, و 80 الف مش مبلغ قليل, فلازم لازم تفحص العربية حتة حتة, علشان لو فيها حاجة غلط ما "تتدبسش" فيها والراجل مش هيرضى يرجعها, وممكن يرجعها بالناقص وياخد منك 5000 جنيه مثلا, ومعظم تجار المستعمل بيعتمدوا على كده. وربنا يرجعك مصر بالسلامة.
__________________
|
|
#3
09-07-2010, 11:54 AM
|
||||
|
||||
|
رد: ايهما افضل فى المستعمل الكورى ام اليابانى
جزاك اللة خيرا بس برضة اية رأى حضرتك
التويوتا مستعمل وال80 الف تجيبلى مواصفات اية
__________________
(وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ)
|
|
#4
09-07-2010, 12:35 PM
|
||||
|
||||
|
رد: ايهما افضل فى المستعمل الكورى ام اليابانى
العفو يا دوك.
التويوتا عربية جميلة وأقتصادية, وأسعارها زى أسعار اليابانى غالية حبتين, عيبها قلة أنتشار قطع غيارها بنسبة بسيطة و أرتفاع أسعارها, لكن فى المقابل يعتمد عليها. ال 80000 ممكن يجيبوا تويوتا كرولا من 2002 الى ,2007 , وموديل 2002 سعره بيبتدى من 71000 و 2007 من 80000 حتى 90000 مانيوال 1300 سي سي . أو ياريس بتبتدى من 70000 بداية من موديل 2006 حتى 2008 وده أعلى سعر شفته ليها 80000. وده موقع كونتاكت كارز, حضرتك هتلاقى شريطين فى النص واحد للماركة وواحد للنوع, وممكن حضرتك تستفيد منه فى معرفة أسعار المستعمل أو الجديد الموجودة فى السوق. http://www.contactcars.com/default.asp
__________________
|
|
#5
10-07-2010, 03:15 AM
|
||||
|
||||
|
رد: ايهما افضل فى المستعمل الكورى ام اليابانى
شكرا قوى يا استاذ انجيكشن
شكرا خالص على ردك انت اية رايك ياريس موديل حديث ولا كورولا موديل اقدم وشكر ع ردك
__________________
(وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ)
|
 |
|
|
.
