انا غيرت لنيسان بس محتاج مشورتكم ؟؟؟

[Elsebily]

المشاركة الأصلية كتبت بواسطة mody112 فعلا انا من رأيي انك تروح التوكيل وتطل منهم عمل فحص شامل وبيكون فى حدود 200 ج تقريبا . والف مبروك وربنا يديلك خيرها ويكفيك شرها . وياريت لو سمحت تقولنا اشتريتها بكام ؟

الله يبارك فيك بس هل فيه اوراق لازم تكون معايا ولا اروحلهم بالعربيه وبس

وانا اشتريتها ب 77 الف مانيوال وبصراحه اللي كان عاجبني فيها انها عربيه بيتي

[Dr. Mostafa El Nazer]

س وقسوق

[koashraf]

المشاركة الأصلية كتبت بواسطة Elsebily انا اشتريتها خلاص فعلا بس كنت عاوز اعرف ايه الاجراءات اللي هحتاجها عشان ادخل العربيه للتوكيل يعني هل فيه اوراق معينه هيطلبوها ولا ايه

بالنسبه للصنى التوكيل محتكر قطع غيارها ..و مفيش اجراء معين لدخولها التوكيل غير تسجيل بيانات السياره عندهم ..واحيانا بيكون فيه عروض للصيانه المجانيه اوتخفيضات على اعمال الصيانه

[jojojojojo]

اولا الف مبروك علي العربيه وهي عربيه محترمه جدا واختيار موفق ان شاء الله اما بخصوص الاوراق المطلوبه للصيانه كتيب الضمان والصيانات وهوه كتيب واحد ورخصه العربيه ولو كان صحبها الاولاني مش متابع مع التوكيل فعادي جدا ممكن تروح وتسجل بياناتك وتبقي تتابع معاهم الصيانات وانصحك بمركز صيانه السبع اللي في زهراء المعادي مركز ممتاز وبيعتبر المركز الاول لنيسان علي مستوي الجمهوريه والف مبروك تاني وياريت تقولنا لونها ايه

[Elsebily]

المشاركة الأصلية كتبت بواسطة jojojojojo اولا الف مبروك علي العربيه وهي عربيه محترمه جدا واختيار موفق ان شاء الله اما بخصوص الاوراق المطلوبه للصيانه كتيب الضمان والصيانات وهوه كتيب واحد ورخصه العربيه ولو كان صحبها الاولاني مش متابع مع التوكيل فعادي جدا ممكن تروح وتسجل بياناتك وتبقي تتابع معاهم الصيانات وانصحك بمركز صيانه السبع اللي في زهراء المعادي مركز ممتاز وبيعتبر المركز الاول لنيسان علي مستوي الجمهوريه والف مبروك تاني وياريت تقولنا لونها ايه

الله يبارك فيك طيب بما انك من ملاك العربيه تنصحني باني اتابع مع التوكيل ولا هل فيه مراكز صيانه بتشتغل احسن من التوكيل واسعارها في الحنين انت متابع معاها وثانيا بالنسبه للميه الخضرا حضرتك بتغيرها امتي يعني لازم العربيه احس انها بتسخن عشان اغيرها ولا مش شرط وليها فتره معينه بتتغير بعدها وأخيرا هي لونها نبيتي