اجيب نيسان صنى و لا لأ

[jojojojojo]

يا جماعه الصني لا تقارن باللوجان مع احترامي للوجان الصني حاجه تانيه خالص عن اللوجان في كل حاجه انت اكنك بقارن مرسيدس بلانسر مثلا ان بنصح اي حد عايز يجيب صني يتوكل ع الله كل حاجه فيها كويسه حتي التقفيل والله ممتاز انا بقيت بحترم المصري بعد مشفت التقفيل بتاعها وربنا يحفظنا ويحمينا من كل شر

[elgdawy2007]

المشاركة الأصلية كتبت بواسطة jojojojojo يا جماعه الصني لا تقارن باللوجان مع احترامي للوجان الصني حاجه تانيه خالص عن اللوجان في كل حاجه انت اكنك بقارن مرسيدس بلانسر مثلا ان بنصح اي حد عايز يجيب صني يتوكل ع الله كل حاجه فيها كويسه حتي التقفيل والله ممتاز انا بقيت بحترم المصري بعد مشفت التقفيل بتاعها وربنا يحفظنا ويحمينا من كل شر

ياريت تفهم الاخ صاحب التعليق على اللوجان الله يخليك وبعدين بالمناسبه بقى دنا كنت داخل مخصوص عشانك عشان اقولك رأيى فى النيسان صنى لائيتك كاتب فيها اشعار هههههههههههه اكيد جبتها عموما ربنا يبارك لك فيها لو جبتها ولو لسه يبقى برضه ربنا يباركلك فيها لو حتجيبها مقدما هههه طبعا انا بهزر انا عارف انك من مقتنى النيسان صنى وبتحبها كمان هى اكيد افضل سياره من كافه النواحى بالنسبه لسعرها الموجود فى السوق حاليا وبالمقارنه بباقى السيارات اليى الناس بتقارن بيها والسيراتو دى اليى خاطفه عقول الناس عالفاضى وعلى فكره معظمهم شباب مع الاسف عاوزين منظر وخلاص وده اليى لاحظته فى معظم التعليقات الخاصه بهم وبصفه عامه الشعب المصرى يحب اوى اوى المظهر لكن الجوهر بكل اسف لا وده مش فى السيارات وبس على فكره فى كل شيىء وده اليى مشجع شركات كتير انها تبالغ جدا فى اسعارها بخصوص السيارات وترفع الاسعار بشكل غريب لانها عارفه ان الشكل عند المصريين افضل كثيرا من المضمون وخصوصا الشباب وده واقع فعلا ومؤكد كمان ياله خلى الناس تسترزق بقى هههههه يارب الناس تفهم بشكل صح ومحدش يقولى الالنترا وواحد تانى يقولى لا الاوبترا والتالت يقولى لا السيراتو بكل المقاييس صعب اوى تلائى سياره فيها النقاط التاليه قوه-متانه-شكل كلاسيكى جميل-عفشه ممتازه بغض النظر عن انها ناشفه-سرعه-امان-سعر اعاده بيع ممتاز وخصوصا الايام دى بعد الناس مفهمتها-قطع غيار معمره وسعرها معقول ومتوفره جديد واستعمال-صيانتها سهله غير معقده وممكن بره التوكيل مع ميكانيكى فاهم كمان سهله دى -وقوره وشكلها محترم -ثبات على السراعت العاليه وفرامل ممتازه كمان -والنقاط دى كلها مجتمعه موجوده والحمد لله فى السياره نيسان والتوكيل مش سيىء اوى اوى اوى يعنى زى الباقى بس عاوز شويه ضمير من البعض وكمان محتاج فنيين فاهمين لان مع الاسف معظمهم غير مدربين تدريب كافى وينقصهم الخبره واصحاب الخبره الفعليه مع الاسف هجروا التوكيل وفتحوا ورش خارجيه لحسابهم ادعوا الله لهم بالتوفيق واخر دعوانا الحمد لله رب العالمين

[elgdawy2007]

المشاركة الأصلية كتبت بواسطة ابو يمني بص يا باشا هي عربية تمام وياباني 100% وعربية اعتمادية ومناسبة للطرق المصرية ولكن سوقها واقف في اعادة البيع ودة اللي مخلي الناس مش بتقبل عليها فانصحك انك تشتري ليك وللسوق لانك وارد تحب تغير عربيتك في اي وقت فمش هتعرف تبيع العربية غير بعد عذاب فانصحك تجيب عربية كيا او هيونداي لسهولة الصيانة وقطع الغيار واعادة البيع

مع كامل احترامى للاخ كاتب المقال سعر اعاده البيع لنيسان صنى الآن فوق الممتاز بشويتين كمان لان ناس كتير جدا عرفت السياره دى كويس اوى اوى اوى بدليل انتشارها الملحوظ جدا من سنه 2010 وياريت تنزل السوق وتسأل دلوئت ده يا راجل من كام شهر الناس كانت بتشمشم فى التوكيلات على سيارات صنى ومش لائياها والتوكيل كان يخليك تحجز وتستلم بعد شهر وشهرين كمان وكل ده وتقولى سعر اعاده البيع مش حلو!!!!!!! لا اسأل تانى اليومين دول وانت مش تعرف وبس لا دنتا حتتأكد جدا جدا كمان ان كلامى صح وعلى فكره كمان متنساش انها بتتقفل فى مصر يعنى لو سياره عاديه ومفيش عليها اقبال زى مبتقول سعر اعاده البيع وحش كونت حتلائيها ساعتها مرطرطه فى السوق مش لائيا اليى يشيلها روح بص فى المعارض وانت تعرف عشان متقولش حاجه من 3 سنوات فاتت وتفكر انها مازالت على نفس وضعها وبالتالى تقنع الناس بشيىء مغاير للواقع الحالى اخيرا تقبل تحياتى

[elgdawy2007]

المشاركة الأصلية كتبت بواسطة eto_cairo ليه يا استاذ منصور ؟؟ الشكل الجديد للصنى اللى هينزل اول السنة سيء والموتور الجديد 1500

الشكل الجديد اليى حضرتك بتتلكم عليه منزلش مصر اصلا لغايه دلوئت ومعتقدش انه حينزل والله اعلم يعنى بس مفيش اى شيىء مؤكد يقول انه حينزل لغايه دلوئت الشكل ده 2012 فى الخارج فقط لان انا سيارتى 2012 الشكل القديم اتمنى اكون افدتك وعموما السياره الحمد لله جميله لو حبيت تشترى لا تتردد ابدا هى سياره فعلا ممتازه اى شيىء يقال غير ذلك بيكون عيوب فرديه واستهلاك البنزين فى 2012 ممتاز والكنبه تم تضيقها شويه واصبحت اوسع من زى قبل وهذا للعلم تقبل تحياتى

[hhhesham]

الصنى ديقه اووووووووووى هات لانسر كسر زيرو ماشيه 3000 او 5000 كلم