صاج اللوجان

[احمد على 1999]

طيب انا بشوف لوجان كتير زى الفل و بشوف اللانوس كله مبهدل و اكيد الى حيركز مع الفيرنا حيلاقيها مبهدلة و بقيت العربيات زى الفل
تفسيرى انك اليومين دول مركز مع اللوجان و عقلك الباطن مستنى يشوفها عروسة مفيهاش غلطة فبيبقى سهل جدا تلقط العيوب
جرب ركز مع عربية تانية حتلاقى مصر كلها خبطات

[zkralla]

بص حكاية الخبط ديه مش ملهاش دعوه بنوع العربية الخبطه خبطه ولازم هتاثر فى اى عربية
اما حكاية النقر ديه فمعاك حق اان عندى فى العربية كام نقرة كده ومش عارف جم منين وشفت كذا لوجان فيها نفس الموضوع

[azzat 55]

انا شايف ان رأى ا/احمد على هو الاقرب للصحة اننا بنركز على نوع السيارة اللى عايزين نشتريها لكن لو بصينا على كل العربيات هنلاقى فيها خبطات ونقرات ورأيى المتواضع أن كل العربيات تحت 100000جنية صاجها كله نوعية واحدة تقريبا

[Neo206]

و الله كلام سليم جدا
أنا معاهم فى الرأى ده
كل الى تحت ال 100,0000 صاج واحد

[albasha37]

شوف خدها مني معلومة الاتجاه العام من فترة هو المحافظة على الانسان الذي يسير بالشارع أكثر من المحافظة على السيارة اللي ممكن تخبطه مش مهم الصاج المهم الانسان اللي هيتخبط وده الاتجاه اللي كل الشركات ماشية عليه بالاضافة طبعا لصغر حجم السيارة من الخارج يعني هناك اتجاهان في اي سيارة هو ضعف الصاج من أجل المحافظة على من يسير بالشارع ومعرض للخبط وثانيا صغر حجم السيارة من أجل التخفيف من الازدحام المروري وده اتجاه في كل العاااااااااااالم لكن مش حكاية اقل من 100 الف جنيه لا أبدا انا في الامارات وركبت واشتريت وتملكت وشفت سيارات غالية جدا ومع أقل خبطة لازم السيارة تتأثر ياريت ماتشغلش بالك بالموضوع ده لأنك مش هتلاقي اللي انت عايزة غير في موديلات السبعينات وبعض الثمانينات فقط واللوجان زيها زي اي سيارة تويوتا ولا هوندا ونيسان ومتسوبيشي كله كله واحد ربنا يوفقك في اختيارك