أعرف كل شئ عن السباكة

[osamashendy]

السلام عليكم و رحمة الله
اولا متاسف على الاطالة فى السؤال بس انا بحثت فى الموضوع ده كتير ع النت و حسيت ان حضرتك اكتر و احد فاهم و ممكن تفيدنى
انا اولا مليش فى حاجات المواتير و الكلام ده و عايز حل يخلصنى من الهم ده كله انا ساكن فى الرابع و عندى موتور كالبيدا غالبا حصان الاوتوماتيك بتاعه غلبنى لحد ما شيلته و شغال بزرار ده ارحم عشان الاتوماتيك كان بيحوجنى للسباكين اللى اصلا مش شاطرين و حافظين مش فاهمين خالص فكنت انزل كل شوية فى المنور عشان اخبط عليه ( و ما ادراك ما المنور بفيرانه بقه مش حاحكيلك) بس دلوقت طبعا الموتور عاملى هسهس لان فى البيت ممكن ينسوا و مش مقدرين انه ممكن يتحرق ساعتها اخوك هو اللى حيلطم و لا ساعة الغسالة الاوتوماتيك اقعد كل شوية افتح و اقفل كل شوية ففكرت اجيب وصلة من الخزان بتاع العمارة ( العمارة 15 دور) و ابقى مع الناس و اخلص نفسى واخلى الموتور تحت برضه و السؤال
• هل الحل ده صح و هل ينفع اخلى الموتور تحت للضرورة و ابدل بين الخزان اللى فوق و الموتور اللى فى المنور بمحبس ؟ و المحبس ده حيتحط فين و ممكن يكون فى تكسير فى الحيطة و لا لأ و ساعتها ممكن اخلى الموتور من غير اوتوماتيك لانى حاستعمله ف اضيق الحدود و عند الضرورة فقط
• انا خفت اجيب فلوماك عشان المياه عندنا بيكون فيها فيها رواسب صدا فخفت يبوظ ؟؟ و قالوا فى فلتر فانا خفت الفلتر ده كل شوية يتسد و ارجع للهم تانى
• لو عايز اجيب و صلة من الخزان هل حيكون ضغط المياه كويس عشان السخان لغاز و لا لا و التكلفة حتكون كام و ايه احسن الموسير عشان خايف السباكين يشتغلونى و هل حتحتاج تكسير و حيكون قطرها كام و نوع اللحام
• هو المفروض كل ما تنزل لتحت الضغط يزيد يعنى ضغط المياه فى الرابع حيكون اكتر من العاشر صح؟
• ارجوا اذا كان فى اى نصيحة لا تبخلوا عليا و اذا كان فى سباك مواتير شاطر ف اسكندرية يا ريت تقولنا و هل فى اى فنيات فى تنزيل المواسير من فوق عشان محدش يضحك علينا يعنى مثلا قطر الماسورة اللى نازلة من الخزان عشان اهم حاجة يكون ضغط المياه كويس
دمتم بعافية و جزاكم الله خيرا مقدما

[JILANCO]

المشاركة الأصلية كتبت بواسطة ابوشروق السلام عليكم ورحمة الله وبركاته المفروض يدهن قبل الصرف طبقتين الطبقه الاولى مخففه وذلك لقفل مسام الخرسانه والطبقه الثانيه ثقله وذلك لضمان قفل جميع مسام الارضيه وبعد الصرف الطبقه الاخيره متوسطة وذلك لتأكد من عدم تجريح الارضيه من أعمال الصرف تقبل تحياتى أخوك أيمن أبو شروق 01005314147 01287710555

[motez]

المشاركة الأصلية كتبت بواسطة ابوشروق السلام عليكم ورحمة الله وبركاته مفيش أزعاج ولا حاجه أستاذ معتز أنا تحت أمرك أن شاء الله هشوفلك طقم الخلاطات وأتصل بيك ياريت تبعتلى تليفونك على الخاص بخصوص المسطره للاسف كل الموجود 2*1 صينى وانت وحظك أما التركى والايطالى والالمانى فأسعاره غاليه تبدأ من 450 جنيه أما مكنة السفون فأسمها أسبيك أيطالى مكنه محترمه ومعمرة وسعرها 65 جنيه مصرى تقبل تحياتى أيمن أبوشروق 01005314147 01287710555

الحمد لله اشتريته من الفجالة انهارده اخى ابو شروق جزاءاك الله كل خير على ردك واهتمامك ....

بالنسبه لمسطرة الدوش 2*1 يا ريت تقولى الماركة اللى هى ب 450 ج اسمها ايه او اقل ماركة محترمة تعيش لمدة طويلة ولك جزيل الشكر اخى العزيز ابو شروق ...

[motez]

معلش كنت عاوز اتاكد من حضرتك على حاجة سماعة الدوش بتاعت خلاط البانيو الجولد فيها حاجة بتشخلل لما بهزها هى كدا ولا ايه ..

[samy6666]

السلام عليكم ابو شروق
الحمدلله اخيرا انتهيت من عمل تاسيس السباكة كما يلي
1- عدد 9 حمامات صغيرة ( دش + قاعدة حمام + حوض + سخان ) منها تركيب اتنين ماكينة سيفون دفن في الحائط
2- عدد 2 حمام ماستر ( دش + بانيو جاكوزي + قاعدة حمام + حوض + ماكينة دفن للسيفون )
3- مواسير صرف 6 مل قي ثلاث اماكن بطول بارتفاع الفيلا الي البدروم اجمالي 33 متر
4- مصاريف التغذية في الفيلا كلها
5- مطبخ ( حوض + غسالة اطباق +غسالة ملابس + غسالة ملابس )
6- اعمال دق وحفر اماكن المواسير بالكامل .

قيمة الخامات 35 الف جنيه لكن الاختلاف دلوقتي علي المصنعيه احنا اتفقنا علي 10 الاف جنيه لكل الشغل خصوصا ان الحمامات الصغيرة مفيهاش بانيوهات لكن السباك عايز 12 الف
ارجو المساعده لات احنا اتفقنا من البدايه لكن انا مش عايز اظلم السباك وعايز اديله حقه .

كما ارجو المساعده بنصيحتي بخصوص صرف التكييف لانه هيعمل صرف المكيفات في الفيلا لعدد 24 تكييف بان يكون الصرف علي اقرب حمام داخل الحوائط وعلي الارضيات كم مصنعية تقريبا لكل مكيف ؟

شكراا جزيلا
سامي