حملة لا لجنسنة السيارات

[tham1010]

الصين لو هتلعب فى كل حاجة مش هتقدر تلعب فى العربيات لانها اعمار بشر وسمعه شركات. يعنى هنا بيوفروا أساسيات المتانة والأمان فى السيارة. ولكن مع هذا محدش ينكر برضوا ان السعر المنخفض شوية للسيارات الصينى بيكون على حساب بعض الحاجات التى مش تأثر على العربية يعنى مثلا واحد جنبنا عندة عربية صينى M11 وجديدة ولكن بعد شوية البوية بدأت تفتح شوية واتبهدلت شوية كدة من حيث البودى. وطبعا الخامات اللى تقدر الصين تجبها من منطقة ارخص هتجبها وتركبها فى العربية علشان يضمنوا رخص ثمن السيارة...

إذا الامر محسوب هما بيقدموا عربيات كويسة من حيث القيادة والامان ولكن اكيد فى حاجات مش بيعطوها حقها لانها لا تشكل خطورة على السيارة. هذه وجهة نظرى التى قد تكون خاطئة أو صحيحة...

والحقيقة هذه الفكرة الإقتصادية تعمم فى كل المنتجات, يعنى لسة شارى من شهرين جاكت صنع الصين الجاكت 160 جنية الجاكت كله من الألياف الصناعية ولكن من بعيد تقول علية جاكت ماية ماية وغالى. صحيح بيدفى جدا احسن من أغلى جاكت جابته فى حياتى. وعملى جدا ولكنه من الأحتكاك بدأ شوية يغير لون. وأنا بأشترية أنا حاطط فى بالى انه يأخد وقته وأجيب غيرة وحاطط فى بالى انه للشغل وليس للمشاوير الخاصة وعندى الغالى جدا اللى بأوفرة للمشاوير الهامة. إذا هو المنتج الصينى بيحقق الغرض منه ولكن لا تنتظر منه الكثير..

[mira lada]

المشاركة الأصلية كتبت بواسطة أشرف المصري بسم الله الرحمن الرحيم وبه نستعين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين وارضى اللهم عنا معهم أجمعين اللهم آمين اما بعد اخواني الكرام .. """""""""""""""""""" لا لجنسنة السيارات """"""""""""""""" عنوان غريب شوية مش كده ؟! شوف يا سيدي الموضوع وما فيه ان فيه حاجه بيقع فيها كتير مننا وهي التعميم يعني مثلا واحد نزل بلد وليكن الصين مثلا راح عمنا الصين يشتري لوط موبايلات واخد معاه محفظه معمره ما شاء الله بالدولارات عشان مصاريف الرحله قام ايه ؟ قام واقع في الواد ملقاط الصيني لقط منه المحفظه المتعمرة فوجيء اخينا ان المحفظة في خبر كان رجع اخينا مصرنا الغالية يقول لكل اللي يقابله ان الصينيين دول كلهم حرامية ولاد ستين تييييييييييييت ليه يا عمنا بتقول كده على الصينيين دول مليار واكتر معقوله كلهم حرامية ولاد ستين تييييييييييت أيون كلهم حرامية هو ده يا اخوانا التعميم المرفوض لما تلاقي واحد بيقول لك ابعد عن العربيات الصيني اعرف انه بيعمم تعميم مرفوض لما تلاقي واحد بيقول لك العربيات الكوري او الياباني افضل من العربيات الصيني اعرف انه بيعمم تعميم مرفوض يعني العربية الماروتي مثلا مش عربيه ياباني ثمنها 39 الف جنيه ومش فيها اي اوبشن نهائي و800 سي سي ينفع اقارنها بعربية ب 75 الف جنيه او ب 100 الف جنيه صيني و 1600سي سي وبها كل الاوبشن اللى في العربيات الحديثة طبعا مينفعش ولن يشفع للماروتي مع احترامنا لها ولمالكيها انها ياباني حين نقارنها بعربية تانيه صيني مثل الاسبيرانزا A113أو M11 او 516 او التيجو او البي واي دي او الايمجراند هل الصين بها سيارات سيئة؟ نعم ولكن بها ايضا سيارات اخرى محترمة جدا واثبتت انها افضل من سيارات اخرى منتشره ولها اسم في السوق ارجوا من كل العقلاء ان يكفوا عن مقولة هذه سيارة صيني وهذه كوري وهذه ياباني ودعونا نزن السيارة بكفائتها واعتماديتها وسعرها والاوبشن الموجود بها .

كلام زى الفل بس عندى تصحيح بسيط...العربية الماروتى مش يابانى خالص ...دى صناعة هندية بنسبة مية فى المية.و على فكرة هى عربية معقولة على اد فلوسها.

[hyundai 2005]

المشاركة الأصلية كتبت بواسطة أشرف المصري بسم الله الرحمن الرحيم وبه نستعين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين وارضى اللهم عنا معهم أجمعين اللهم آمين اما بعد اخواني الكرام .. """""""""""""""""""" لا لجنسنة السيارات """"""""""""""""" عنوان غريب شوية مش كده ؟! شوف يا سيدي الموضوع وما فيه ان فيه حاجه بيقع فيها كتير مننا وهي التعميم يعني مثلا واحد نزل بلد وليكن الصين مثلا راح عمنا الصين يشتري لوط موبايلات واخد معاه محفظه معمره ما شاء الله بالدولارات عشان مصاريف الرحله قام ايه ؟ قام واقع في الواد ملقاط الصيني لقط منه المحفظه المتعمرة فوجيء اخينا ان المحفظة في خبر كان رجع اخينا مصرنا الغالية يقول لكل اللي يقابله ان الصينيين دول كلهم حرامية ولاد ستين تييييييييييييت ليه يا عمنا بتقول كده على الصينيين دول مليار واكتر معقوله كلهم حرامية ولاد ستين تييييييييييت أيون كلهم حرامية هو ده يا اخوانا التعميم المرفوض لما تلاقي واحد بيقول لك ابعد عن العربيات الصيني اعرف انه بيعمم تعميم مرفوض لما تلاقي واحد بيقول لك العربيات الكوري او الياباني افضل من العربيات الصيني اعرف انه بيعمم تعميم مرفوض يعني العربية الماروتي مثلا مش عربيه ياباني ثمنها 39 الف جنيه ومش فيها اي اوبشن نهائي و800 سي سي ينفع اقارنها بعربية ب 75 الف جنيه او ب 100 الف جنيه صيني و 1600سي سي وبها كل الاوبشن اللى في العربيات الحديثة طبعا مينفعش ولن يشفع للماروتي مع احترامنا لها ولمالكيها انها ياباني حين نقارنها بعربية تانيه صيني مثل الاسبيرانزا A113أو M11 او 516 او التيجو او البي واي دي او الايمجراند هل الصين بها سيارات سيئة؟ نعم ولكن بها ايضا سيارات اخرى محترمة جدا واثبتت انها افضل من سيارات اخرى منتشره ولها اسم في السوق ارجوا من كل العقلاء ان يكفوا عن مقولة هذه سيارة صيني وهذه كوري وهذه ياباني ودعونا نزن السيارة بكفائتها واعتماديتها وسعرها والاوبشن الموجود بها .

استاذ اشرف حضرتك من الكوكب ده ؟ حضرتك من مصر ؟

انت اكيد من عالم تاني ؟

اول مصري اقابله بيفكر زي ما انا بنادي من سنين وبقول :
يا جماعه لما تحبوا تقارنوا اي محموعه من العربيات شيلوا العلامات وقيميوا تقييم موضوعي زي جيرمي وريتشارد وهاموند
: Wkiss5:

[mhamdy75]

صح

[علي الشرفاني]

جزاك الله خيرا على الشرح و التوضيح