عضو جديد في نادي الكليو - تضبيط عربية كليو 2003 مستعملة

[d,mhmd brbry]

مش عارف ليه الباشا داخل فيا شمال كده كل واحد له رأى ووجهة نظر ونظرة وتقييم من جهة معينة ممكن تكون انت صح وانا غلط وممكن العكس مافيش حاجة بيتفق عليها كل الناس وبعدين انا عربيتى واقفة على رجليها وما فيهاش غلطة بس ده بيجى على حساب وقتى وجيبى لانى مابحبش امشى بالعربية والسلام ممكن انت غيرى بتدوس عالعربية وتتكى عليها شوية وتروح للصنايعية على فترات بعيدة فا ماتحسش بالزهق اللى انا حاسه وبقول ممكن عشان ما تمسكش فيا وهكدا فليه مصر انك تفرض وجهة نظرك بالاصرار ده,,وماتزعلش منى انا بتكلم بهدوء والله ياسيدى مش متنرفز عليك ,,,والكليو ممتازة ياسيدى والله بس بالنسبالى مرهقة...

[albasha]

المشاركة الأصلية كتبت بواسطة d,mhmd brbry مش عارف ليه الباشا داخل فيا شمال كده كل واحد له رأى ووجهة نظر ونظرة وتقييم من جهة معينة ممكن تكون انت صح وانا غلط وممكن العكس مافيش حاجة بيتفق عليها كل الناس وبعدين انا عربيتى واقفة على رجليها وما فيهاش غلطة بس ده بيجى على حساب وقتى وجيبى لانى مابحبش امشى بالعربية والسلام ممكن انت غيرى بتدوس عالعربية وتتكى عليها شوية وتروح للصنايعية على فترات بعيدة فا ماتحسش بالزهق اللى انا حاسه وبقول ممكن عشان ما تمسكش فيا وهكدا فليه مصر انك تفرض وجهة نظرك بالاصرار ده,,وماتزعلش منى انا بتكلم بهدوء والله ياسيدى مش متنرفز عليك ,,,والكليو ممتازة ياسيدى والله بس بالنسبالى مرهقة...

هههههههههه ماشي يا سيدي إتنرفز وانا هاتصرف معاك إنت ناسي إن مفيش حكومه دلوقتي هعمل اللي أنا عايزه
بس واضح من ردودك إن الميكانيكيه تعبوك جداً
لكن علي العموم ربنا يوفقك في إختيارك القادم ومتنساش حاول تكشف عليها كويس جداً

[nasr78]

اجدع ناس الباشا والدكتور وياريت ياجماعة بلاش نرفزة الكليو مش حتوقع بنا احنا عايزين تنعلم ونستفيد من تجربة كل واحد وربنا يوفقكم وشكراااا على ردكم ليا

[d,mhmd brbry]

عندك حق الكليو هتوقع بينا ....عالعموم خلاص انا مش هبيع الكليو وعملت معاها قعدة صلح واتصافينا لحد اخر السنة على ما اقبض الجمعية ههههههههه
الا صحيح يا باشا معاك عربية نوعها ايه دلوقتى ومكتم كده ومش كاتب فى بياناتك نوع السيارة شكلها عالى وانت خايف من الحسد

[nasr78]

باين عليها رينو كليو ومش عايز يقول