رد شركة الامل على شكوى صيانة الالف والتجربه المريرة بفرع العباسيه

المشاركة الأصلية كتبت بواسطة كيا سيفيا الاخـــوة الافاضل بعد التحيه.... اتصل بى بالامس السيد / احمد ماهر مدير مركز صيانة الـ byd فرع العباسيه ( المشكو فى حقه ) وسألنى : ـ انت فلان اللى عامل شكوى على النت . ـ ايوة يا أفندم انا ـ طيب متشكرين يا باشـــا. وانتهت المكالمه عند هذا الحــــد. فلم اعرف لماذا اتصل حضرته بى . وهل الاتصال ده بناء على تكليف من ادارة الشركه لبحث الشكوى واذا كان كذلك فهل من المعقول ان يبحث شكوى العملاء المشكو فى حقه . انا يا جماعه مش فاهم سيادته اتصل بى ليه فهل من مجيب ؟

ايه الاسلوب الوقح دا في الكلام
متشكرين يا باشا ايه بتاعته دي
دا انسان وقح شغال في شركة (استغفر الله العظيم)
امال فين مندوبين شركة الامل اللي في المنتدى يردو ويشوفو المشكلة دي
ولا بس شاطرين يشتكو بس على كلام تريقة عليهم وخلاص
الله يكون في عونك اخي الفاضل وربنا يجيبلك حقك ان شاء الله

[lonedoctor]

انا عندى احساس قوى انه صاحب الشركة كلمه واداله اللى فى النصيب وطلب منه يعتذر لسعادتك بس هو بعد لما اتصل بيك ماقدرش يعتذر وشافاها كبيرة قوى عليه فقرر يقول لك الكلمة المختصرة دى

[ahly_sniper]

والله ياباشا انا من رايي انك تعمل محضرين في القسم واحد لشركة الامل والتاني للراجل ده علشان الناس دي ماتتوقع ممكن يعملوا ايه واهو تبقي انت حفظت حقك

[mms]

شوف حضرتك هو اتصال المشكو فى حقه له عده دلالات :
1- انه علم بالشكوى ووصلو مضمونها ....وده كويس انك نعرف ان الشكوى وصلته .
2- ان الشكوى لها تاثير والا كان طنش ومانصلشى بحضرتك .
3-ان رئيسه الاعلى وبخه فاتصل بحضرتك يقولك متشكرين على اللى صابنى من وراك .
4-انه فعلا يستاهل انه ينشكى . ودا باين من عدم مناقشته لحضرتك فى موضوع الشكوى ودا دليل على عدم اهتمامه بحلها .

[yaso12]

انا راى انك تتصل بيه وتقلو
- انت فلان اللى سأل اللى عامل شكوى على النت .
هوه ـ ايوة يا أفندم انا
انته ـ طيب عفوا يا باشـــا.
واتنهى المكالمه عند هذا الحــــد.
وبكده تبقه حرقت دمه مع حته سيس من تحت لتحت