|
#6
15-07-2011, 10:20 AM
|
|||
|
|||
رد: ايهما افضل فيرنا ولا اسبرنزا ولا byd فى التاكسى الابيض
مبروك مقدما..............
اختيار سيارة للتاكسي يختلف تمااااااااااما عن اختيار سيارة للملاكي اولا عشان تطمن لكلامي انا والدي و 2 من اعمامي سواقين تاكسي ابويا و عمي معاهم byd f3 و فيرنا و الاتنين سوقتهم طبعا عمي الثاني معاه لانوس سائق التاكسي يهمه في عربيته اولا انها متعطلش كتير و متوقفش حاله ثانيا يهمه عمر العربية نفسها و مدى تحملها للعمل فترات طويلة تصل ل 20 ساعة في اليوم ثالثا يهمه تكاليف الصيانة تكون قليلة الى حد ما و يهمه توافر قطع الغيار رابعا يهمه اداء السيارة لانه بيعيش فيها مش بيركبها بمعنى انه ممكن يقضي فيها فترة اكبر من الي بيقضيها في بيته فلازم يكون مستريح و اخر حاجة بيفكر فيها سائق التاكسي شكل العربية لانها عربية اكل عيش مش عربية منظرة تعالى بقا نقارن بين ال 3 عربيات الي انت كاتبهم اولا الفيرنا : صالون ضيق و ناس كتير مش بتحب توقفها تاكسي خصوصا زوي الاحجام الكبيرة الي زي حالاتي.......عفشة ضعيفة و فرامل الى حد ما مش في قوة فرامل ال byd ثبات سيئ بعد سرعة 120 الى 140 توكيل مفيش داعي اتكلم عليه من الاخر حرامية ( طبعا انت ممكن مترح التوكيل خصوصا ان صيانتها سهلة ) دي عيوب الفيرنا و مميزاتها موتور جبار يعتبر اقوى موتور في ال 3 عربيات تسارع هايل جدا عالطريق ( على حساب الثبات طبعا )..........دي الفيرنا ثانيا الاسبيرانزا : باختصار شديد كل الي شفته جبها تاكسي ندم ندم شديييد و قرفته في عشته و كرهته في العربيات.........باختصار مش عربية شقا و في سواق اعرفه عربيته جابت جوان وش سلندر بعد 40 الف كيلو كان مشغلها ورديتين في اليوم يعني حوالي 16 ل 18 ساعة يوميا .....عيوب السيارة : عفشة سيئة جدا و ارتفاع حرارتها مع تشغيل التكييف ( ليست مشكلة عامة لكن متواجدة بكثرة ) التوكيل برضه سيئ جدا جدا جدا ....الموتور تصنيعه ضعيف ( موتور صيني ) و كفاية اننا سمعنا عن ناس عملت جوان و وواحد عمل عمرة رغم ان العربية مكملتش 4 سنين في مصر غير الناس الي سقطت لانسر في عربياتها.........المميزات صالون واسع شكل مقبول كماليات عديدة و جميلة جدا جدا ثالثا التنين الصيني byd f3 نبتدي بالمميزات : اوسع صالون في ال 3 عربيات ( صالونها بالكامل بالكراسي و الطابلوه تويوتا كورولا ) ......موتور قوي جدا ( موتو ميتسوبيشي نفس موتور البومة ) العفشة تويوتا كورولا لغاية 2007 .........ده كله يوريك تعدد مصادر قطع الغيار يعني مفيش مشكلة في الصيانة لان العربية خليط بين الكورولا و اللانسر..........شكل جميل جدا بعتبره احلى شكل عربية في ال 3 ..........اداء العربية و تحملها حدث و لا حرج ........من واقع تجربة عملية من سيارة عمي بقالها حوالي سنة و بتشتغل برضه في حدود ال 18 ل 20 ساعة متواصل و شغالة غاز طبيعي مش بنزين مع تشغيل التكييف اغلب الاوقات في الصيف و من ساعة ما جابها معملش اي صيانات خااااااااااالص غير الصيانات الدورية العادية فقط و مرة واجدة سمكرة بسبب خبطة بسيطة..............نصيحتي ليك لو هتجيب تاكسي اوعى تتنازل عن ال byd و ده عن تجربة عمليه .....ميزة كمان نسيت اقولك عليها و هي اسعار قطع الغيار الاصلية في التوكيل رخيصة الى حد ما او تقدر تقول مفيهاش استغلال التوكيلات المعروفة و بالنسبة لاداء التوكيل شركة الامل فهو ليس جيد بالدرجة الكافية و لكنه في تطور و تحسن مستمر...... لو عند حضرتك اي سؤال عن استلام التاكسي الابيض من الساحة او التقديم او البنك و الاقساط و خلافه انا تحت امرك 
|
|
#7
15-07-2011, 12:22 PM
|
||||
|
||||
رد: ايهما افضل فيرنا ولا اسبرنزا ولا byd فى التاكسى الابيض
 حياك الله على هذا الشرح الوافى والكلام الرائع المنطقىالمشكلة انه لما بنقول الكلام ده كنصيحة لوجه الله لاننا نريد الخير للاخرين يتهمنا البعض اننا مدسوسين من شركة الامل للتسويق للسيارة وبنقبض منهم فلوس كمان الحمد لله انه السيارة بى واى دى اقل هذه السيارات دعاية وبالرغم من ذلك اكثرهم بيعا وثقة للمستهلك المصرى لان العملة الجيدة تطرد الرديئة من السوق تقبل تحياتى
|
|
#8
15-07-2011, 12:53 PM
|
||||
|
||||
رد: ايهما افضل فيرنا ولا اسبرنزا ولا byd فى التاكسى الابيض
تحياتتي لكم و لستم عملاء للأمل و لكن بالفعل بي واي دي تتحدث عن نفسها و هي من افضل السيارات في مصر في فئتها بدون مبالغة رغم ان توكيلها شركة الأمل واحدة من اسوأ التوكيلات في مصر و لا يضاهيها في السؤ الا وكيل كيا و رينو من حيث الطمع و الجشع اما عن بي واي دي فلست في حاجة الى التوكيل لأن قطع غيارها و تصميمها الياباتي مغرق السوق و لا يفرق معاك سؤ التوكيل و لكن اسرع بالشراء فالوكيل ا××× يرفع سعرها بمعدل 1000/1500 جنيه كل شهر و الله الموفق
__________________
اذا طال الزمان ولم تروني ......... فهذا اسمي فتذكروني اذا دفن جسمي تحت الرمال ......... فهذا خطي لا يزال لا إلــــــــــــه إلا أنت ســــبحانك إني كنت من الظالميــــــــــــن Ayman M. Zaki التعديل الأخير تم بواسطة حازم شاهين ; 17-07-2011 الساعة 11:49 AM
|
|
#9
16-07-2011, 12:39 AM
|
|||
|
|||
رد: ايهما افضل فيرنا ولا اسبرنزا ولا byd فى التاكسى الابيض
بص الي يشوف الشمس بتشرق و يقولك دي بطلع من الغرب متردش عليه احسن و الله نفسي ربنا يشفي المصريين اولا من عقدة الخواجة و ثانيا من عقدة الصيني مش في العربيات بس و لكن في كل المنتجات نفسي افهم لما يكون منتج كويس و كل الي اتمناه موجود فيه و تصنيعه و خاماته كويسة بس مكتوب عليه صنع في الصين ايه المشكلة اني اشتريه ؟؟؟ و الله لو متصنع في مدغشقر حتى و عاجبني هجيبه متابع الموضوع باهتمام و منتظر رد صاحب الموضوع
|
|
#10
16-07-2011, 03:16 PM
|
|||
|
|||
|
رد: ايهما افضل فيرنا ولا اسبرنزا ولا byd فى التاكسى الابيض
اولا: كل الشكر والتقدير الى جميع اعضاء المنتدى الكرام الذين قاموا بالرد عليا
ثانيا : اسف على التاخير فى متابعة الموضوع كل الكلام السابق على العين والراس بس انا مش عندى تاكسى قديم علشان ابدله وكمان سامع ان الموضوع ده قرب يتلغى او اتلغى الله اعلم وكمان الشراء من الغير بنظام التوكيل والكلام دا مش مضمون على حسب مابسمع لانه لما يكون التاكسى باسمك بيبقى افضل وانا مش عارف اعمل ايه علشان اشترى ارجو النصحيه
|
 |
|
|
