استفسار بخصوص كيا سبورتاج هاي لاين

[kalash]

اولا السلام عليكم ورحمه الله

نويت اشتري كيا سبورتاج هاي لاين ولي عده استفسارات ارجو من الاخوه الاجابه عنها ولكم جزيل الشكر

1- هي تقفيل ايه؟
2- ال جي بي اس شغال فيها ولا لأ؟
3- البنزين 92 شغال معاها ولا لأ ؟
4- الكاميرا الخلفيه والشاشه اللي في المرايا شغاله ولا لأ؟
5- فيها سخانات في الكراسي؟
6- هي اللي في مصر LX ولا EX ولا SX ؟
7- هي دفع رباعي ولا امامي ؟

واخيرا ايه الحاجات اللي اخد باللي منها عند الاستلام خصوصا اني مش هاستلم من الوكيل، هاستلم من معرض خاص، زي ريموت ممكن مايوصلش او اي حاجه زي دي........

عارف ان الاسءله كتيره لكن بصراحه انا وصلت لدرجه تحميل ملف المانيوال الخاص بالعربيه ومش عارف عليهم اجابه، شكرا مره تانيه مقدما

[sherifabden]

- هي تقفيل ايه؟
كوري تقريبا
2- ال جي بي اس شغال فيها ولا لأ؟
اعتقد لا لان مصر مفيهاش دعم الجي بي اس
3- البنزين 92 شغال معاها ولا لأ ؟
عادي الماتور مفيهوش تربو ولا حاجة
4- الكاميرا الخلفيه والشاشه اللي في المرايا شغاله ولا لأ؟
ايوه فيها
5- فيها سخانات في الكراسي؟
اعتقد والله اعلم لا
6- هي اللي في مصر LX ولا EX ولا SX ؟
التلاتة موجودين في مصر وطبعا الSX هيا الهاي لاين
7- هي دفع رباعي ولا امامي ؟
هيا تقريبا دفع امامي
بخصوص الحاجات اللي تتاكد منها عند الاستلام
طبعا العربية ميكونش فيها خدش واحد وطبعا تتاكد ان السنترلوك شغال وان الكماليات شغالة كويس زي التكييف والراديو والازاز الكهرباء الخ
ومبروك مقدما

[kalash]

اللهم لا اعتراض

معرض في القاهره معرفه قاللي انه هايجيبها ب 245000 فوري ، فجأة اتصل بي وقال لي انه مش لاقياها اقل من 260000 ، كلمت معرض تاني قاللي 265000 ، وإلا الحجز 7 شهور ................... طبعا انا بتكلم علي الهاي لاين.
بفكر جديا في هيونداي ix35 ، نفس الشركة والإمكانيات ماعدا السمارت كي و الركن الآلي ، مقابل اعتقد الدفع الرباعي، لسه مأكلمتش المعرض عليها بس هو عرضها علي كبديل للكيا وقال لي استلم بعد عشره أيام ب 2350000

إيه رأيكم؟

http://www.whatcar.com/Review/Editio...2=&editionId2=

[kalash]

المعادلة الصعبه ، الهيونداي طلعت تربو ....... انا من كفر الشيخ ومافيش هنا خالص بنزين 95 ، يبقي مش هاينفع

أصلا الميزانية للعربية كانت 150000 جنيه ، رفعتها الي 250000 رغم أنها هاتزنقني جامد مقابل أني أجيب حاجه مقتنع بيها ومافكرش اغيرها لأني من النوع اللي بيقني مش بيغير كل شويه

ولما استقريت علي كيا سبورتاج مش لاقيها إلا ب 260000 اقل واجب

الحقيقة محتار وزهقت.... النصيحة يا أهل النصيحة من فضلكم

[sherifabden]

ريح نفسك وفكر في السيراتو الجديدة تحفة بجد وتشتغل على 92 عادي جدا
ولو انتا عايز تركب عربية بجد ثبات وامان وقوة وفخامة هات الاوكتافيا وبرضه تشتغل على 92 عادي جدا
ومبروك مقدما