يا ترى اية هيكون موقفك مع ابنك .... ؟؟

[ROMEOOO]

أنا بقى عندي مشكلة أكبر أنا والدي وأنا 10 سنين جابلي سكوتر شبه الموتوسيكل كان نفسي يجبلي موتوسيكل صغير بس خاف عشان في واحد يعرفه مات في حادثة موتوسيكل ريس المهم لما تمت al-14 جابلي بيتش باجي 160 سي سي مستعمل وده كان جبار كان كل اللي آدي في السن في الساحل الشمالي معاهم موتوسيكل اسمه ففطوطة كان أبطأ من البيتش باجي اللي معايا بكتير جدا كنت وأنا ماشي على التاني كنت بأبقى معدي السرعة القسوة بتاعتهم المهم راح واحد اعرفه جاب 250 سي سي بس صيني وأنا اللي معايا كان سوزوكي فـكان بيقطعوا , المهم بعدها بسنتين البيتش باجي راح علييا لان كان وزير الداخلية عامل حملة في الساحل الشمالي ل لم كل الببيتش باجيهات عشان واحد ابن لواء اتداس في مارينا من بيتش باجي المهم كان موديل 1991 وكان بيدخل ملوش ورق ولا افراج جمركي جبت وصاية الدنيا وصلت ل مدير أمن القاهرة وكان مهندس الفحص خايف يسلمهولي المهم راح عليّيا واستعودت ربنا فيه عشان أنا كنت جايبه be-10 تلف جنيه وكنت أنا محوش الفلوس ديه من وانا صغير وكنت مدخلها مشروعات وكده لان والدي كان معلمني الاستثمار من وانا صغير والبورصة وكده وكنت بدأ -100 جنيه فـزعلت جدا لان حسيت إن ده تحويش 7 سنين والدي قال لي ولا يهمك هي الدنيا كده واداني بعدها بسنة فلوس عشان كنت هتقهر وعشان كنت ذاكرت وطلعت التاني على المدرسة المهم قعدت احوش وادخل بورصة وكده لحد لما اشتريت بيتش باجي امريكاني 500cc كان مركته اسمها Polaris وهي أحسن ماركة بيتش باجيهات وموتوسيكلات جليد في العالم وبتعمل موتوسيكل كلاسيك شبه الهارلي ويعتبر رقم 2 بعد الهارلي المهم والله العظيم كنت جايبه وفرحان بيه وكان باقي الناس معاهم 350cc هوندا وكنت بقطعهم في السباقات وكان فيه دفع رباعي و ثنائي يعني ممكن أسوق بده أو ده فـكان بيعمل البدع ما شاء الله أول لما رحت بيه الساحل بعدها بساعة كنت عامل بيه حادثة وحصلي اغماء ورحت المستشفى وكانوا شاكين إن عندي نزيف في المخ لاني قعدت مش شايف 10 دقايق وفي حالة اغماء المهم بعدها حرمت من التهور والكلام ده وكنت ساعتها بسوق عربية والدتي البروتن ووالدي جمبي في القرية لحد لما اتعلمت لما تمت al-16 كان السواق بياخدني الشيراتون اتعلم في الحتة اللي عند شركة حسن علام لحد لما اتقنت السواقة وبدأت أسوق في الدائري وصلاح سلام وكده بعدها قانون المرور الجديد طلع وبابايا قال لي مفيش سواقة عشان القانون الجديد المهم أنا دلوقتي 18 ونص وبطلع رخصة السوقة إن شاء الله هطلعها بعد الامتحانات عشان إن شاء الله هبيع البيتش باجي وهجيب عربية ,

• أنا رأيي في الموضوع ده إن إن شاء الله لو ابني حب يسوق لازم هوريله خطورة الحوادث والكلام ده وهخليه فاهم وكده وهعلمه وهسيبه ياخد العربية بعد لما يطلع الرخصة

لكم جزيل الشكر وفائق الاحترام

[HaMaDa-ToUBaR]

تسلم يا ROMEOOO على مرورك الغالى وحكايتك جميلة جدا
وعقبال ما تطلع الرخصة وتجيب العربية
بس متنساش اخوك فى لفة

[بدر بسيونى]

التاريخ بيعيد نفسه اللى عملناه مع والدينا حيتعمل معانا بس الاهم اننا نتفادى اخطاء التى حدثت اثناء تربيتنا والاستفادة منها عشان تبقى اولادنا افضل منا

[HaMaDa-ToUBaR]

هو دة الكلام يااستاذ بدر تسلم ايدك والله
اهم حاجة نستفاد من الاخطاء
بس دلوقتى احنا بردة لو سيبنالهم العربية هيسافرو وهيروحوا ويجو ودى فى حد ذاتها مخاطرة كبيرة وبردة لو خنقنا عليهم ما هما بردة هيتصرفوا ومش هيغلبوا ياما هياخدوها من وراانا ودى بالنسبالهم مش هيبقى فى اسهلا من كدة يأما هيأجروا عربية ودى انيل وانيل
فالواحد عاوز يمسك العصايا من النص هيعمل اية بقى ؟؟؟

[etsh1413202]

والله مش عارف اتخيل رد فعلي لانى عارف ان الواقع هيبقى غير كده بس اقرب الظن لو انا واثق في سواقته يبقى مفيش مانع بس بعد الرخصه طبعا عشان مش ناقصه مرمطه . غير كده هيبقى صعب شويه

وخلي العيال تلعب يا عم حماده ... الدنيا مبقتش زي الاول .... العيال دلوقتى بقوا عارفين اللى احنا معرفناهوش غير لما صحتنا راحت