مشكلة في صوت انذار الاكسنت

[MMIBRAHIM]

مشكور ياباشا
انا عندي بتدي اشارة ضوئية ومش بتدي صوت
الصوت بيشتغل لما اخبط العربية او افتحها بالمفتاح والانذار شغال كدا يبقي واصلة الباور موصولة بقي ولا ايه

وشكرا

[haninatoon]

المشاركة الأصلية كتبت بواسطة MMIBRAHIM مشكور ياباشا انا عندي بتدي اشارة ضوئية ومش بتدي صوت الصوت بيشتغل لما اخبط العربية او افتحها بالمفتاح والانذار شغال كدا يبقي واصلة الباور موصولة بقي ولا ايه وشكرا

طبعا كدة موصولة يبقى كدة مش عيب باور دة عيب سيجنال عند الضغط على مفتاح الريموت الانزار لا يستجيب صوتى
جرب تعمل ريستارت كامل لكمبيوتر السيارة عن طريق نزع الكابل + للبطارية لمدة دقيقتيين

لو ما اشتغلش اعمل ريستارت للانزار نفسة حتلاقى لو الانزار اصلى بتاع السيارة حتلاقية ماركة ( غريب) اسم الشركة المصنعة اسمها غريب مكتوبة بالانجليزى المدهب على جهاز الانزار
حتفك ال 4 مسامير بتوع الجهاز حتلاقى ( jumper ) ومكتوب علية ريستارت
اضغط علية وبعديين اعد برمجة المفتاحيين بتوع الانزار مرة اخرى عن طريق الضغط مطولا على زر الريموت لكل مفتاح بالقرب من جهاز الانزار الى ان تجد لمدة الانزار بتعمل فلاش 3 مرات

[MMIBRAHIM]

مشكور جدا يا باشا
بس اعذرني انا لسه العربية معايا من فترة بسيطة
هو مفيش مشكلة اني اعمل استارت لكمبيوتر السيارة بالكامل
وانا معرفش اصلا مكان الانذار فين ولا ماركته عشان اعمله ريستارت
وجزاك الله خيرا

[haninatoon]

المشاركة الأصلية كتبت بواسطة MMIBRAHIM مشكور جدا يا باشا بس اعذرني انا لسه العربية معايا من فترة بسيطة هو مفيش مشكلة اني اعمل استارت لكمبيوتر السيارة بالكامل وانا معرفش اصلا مكان الانذار فين ولا ماركته عشان اعمله ريستارت وجزاك الله خيرا

لا يوجد اى مشكلة ولكن الساعة حتحتاج تتظبط تانى وقنوات الراديو فقط لا غير

[spear7]

بص يا باشا اكد عليه بانك تشغل الانذار من ريموت السنتر و لو عمل صوت يبقى الانذار شغال و فل الفل و كفاءة ماعملش صوت .... يبقى الانذار فيه حاجة غلط ... دي الخطوة الاولى

الخطوة التانية بقى : الانذار طلع شغال ... اخبط عجل العربية وهي مقفولة ... او حاول تفتح الابواب و هي مقفولة ... اقفل و افتح المرايات كل دة و هي مقفولة برة ... حركة واحدة من دول كفيلة انها تقلب الشارع لغارة حربية من اصوات الانذار المرعبة للاكسنت :D ... اشتغل الانذار في الحركات دي خير و بركة و يبقى انذارك شغال يا برنس و مش محتاج انت اصوات السنتر لأنك لو راكنها في جراج الموضوع لذيذ ولو راكنها في الشارع احب اقولك نص عربيات مصر لا كل عربيات مصر مركبة سنتر و مش هتعرف عربيتك مين فيهم

الخطوة الثالثة : لو ما اشتغلش خالص يبقى تشوف بوكس الكهرباء بتاع التابلوه هتلاقيه على الشمال تحت فتحة مكان EPS و قبل اما تحرك اي حاجة بص على مكان الفيوز بتاعه فين !!! على الرسم بتاع التخطيط على ظهر الغطاء ... مالقيتهوش شوف اي كهربائي شاطر ... اكرر شااااااااااطر يظبطهولك و ايدك على ايده ولو حسيت بان فيه عملية غريبة نط له فيها و اسأله ... الواحد دلوقتي مابقاش ضامن ايديه

و اعتذر على الاطالة :D
ان شاء الله خير