تقييم مركز امير وجوزيف

[SALAHHAKIM]

المشاركة الأصلية كتبت بواسطة حسن عبدالقادر السلام عليكم أنا عندي بروتون ومركز امير وجوزيف سيئ جدا وهتسلم عربيتك اول واحد وهتاخدها اخر واحد ومش كل اللى عايزه يتعمل هيعملوه وكده هي الميزه الوحيده ان اسعاره اقل من التوكيل لانه مش بيضيف ضريبه مبيعات والنثريات دي نصيحتي بمركز كار تك. انا معملتش عنده حاجه لانه مش بيعمل صيانه للبروتون بس ناس كتير شكرتلي فيه وانهم ناس محترمه واضيفلك برضو من المراكز السيئه جدا أتو ماجد والصفوه

السلام عليكم
ياريت ماتسكتش على اى حاجه غلط عملوها معاك واطلب الاصلاح فورا وهدد بعمل دعايه زى الزفت انما انا الحمد لله
وطمنى على حضرتك . ولو فى حاجه اقدر اساعد بيها بس انت اامر

[sayed1977]

ربنا يكرمك يا صلاح دايما رافع معنويات الناس كلها وواقف جنبهم
ربنا يجازيك خير انشاء اللة
وانا نفسى اتعرف عليك بس انا برة مصر حالياظروف شغلى كدة اوعدك اول مارجع حكلمك
بس ياريت ما كنش هزعجك

[حسن عبدالقادر]

السلام عليكم يا أخ صلاح
مرسي علي ذوقك وردك بس أنا هعملهم ايه دول ناس مش بتفهم حاجه
واذا كان الواحد بيروح التوكيل بتاع العربيه وبياخدوا فلوس ومش بيصلحوا العيب ومش بنقدر نعمل حاجه
والحاجه اللى كل الناس في بوتون بتول عليها ان الواحد بيروح لنفس السبب او المشكله اللى كانت عنده تاني للتوكيل او مراكز الصيانه لانهم ماشين بمبدأ
اللى يجيلنا مره هيجلنا مليون مره.
وفعلا انا هددت بس اخر حاجه قولت لي أ- أمر بتاع ابو رواش انا هعمل شكوي فيكم في ماليزيا وانجلترا قام رد بكل برود وقال ابعتلهم وهما هيبعتوهالى يعني كده كده هتجيلي

[SALAHHAKIM]

المشاركة الأصلية كتبت بواسطة حسن عبدالقادر السلام عليكم يا أخ صلاح مرسي علي ذوقك وردك بس أنا هعملهم ايه دول ناس مش بتفهم حاجه واذا كان الواحد بيروح التوكيل بتاع العربيه وبياخدوا فلوس ومش بيصلحوا العيب ومش بنقدر نعمل حاجه والحاجه اللى كل الناس في بوتون بتول عليها ان الواحد بيروح لنفس السبب او المشكله اللى كانت عنده تاني للتوكيل او مراكز الصيانه لانهم ماشين بمبدأ اللى يجيلنا مره هيجلنا مليون مره. وفعلا انا هددت بس اخر حاجه قولت لي أ- أمر بتاع ابو رواش انا هعمل شكوي فيكم في ماليزيا وانجلترا قام رد بكل برود وقال ابعتلهم وهما هيبعتوهالى يعني كده كده هتجيلي

السلام عليكم
العفو ياباشا كلنا بنخدم بعض وكلها دائره واحده

المهم . انا صلاح اول ما استلمت العربيه كنت فرحان وطاير بيها وعجبانى جدا اكتر من البرسونا التحفه الى عامله وهم فى دماغى ببص بالصدفه على علبه زيت الباور لاقيت الزيت ناقص قوم ايه روحت شارى زيت باور ومزوده رجع نقص تانى
رحت طالب عز العرب وعلى التليفون ووعدونى بصيانه العلبه وكل حاجه انا على التليفون قلت لا اى حاجه فى العربيه حتتغير الرد من الناس كان بمنتهى الذوق ان العيب الذى لا يمكن اصلاحه بس هو الى حيتغير الرد منى كان طييـــــــــــــــــــــب
انا حخليكو تغيرو العربيه كلها وحتشوفو .
اتصلت بجهاز حمايه المستهلك وعملت بلاغ وطلب رد الفلوس او تغير الاجزاء الى فى العربيه .
لاقيت تانى يوم التوكيل حاجز معاد ليا لبحث مشاكلى ( عالم تخاف)
المهم قابلت امر الكوافى راجل محترم جدا وفعلا نقطه ايجابيه فى عز العرب
حاول يحل الموضوع انا كان ردى حاسم وقاطع (رد الفلوس او التغير )
فى الاخر قالو العربه حتبات عندنا كان الرد منى مفيش مشكله هاتو عربيه بدلها لحد لما تخلصو الناس المحترمه بتعمل كده (كل ده بمنتهى الهدوء )
هما شافو صلاح ده فاهم حقوقه كويس عملو ايه ؟
تم تغيير علبه الدركسيون وظبط الزوايا وتربيط العفشه ومراجعه الكهرباء وغسيل السياره كل ده فى 3 ساعات بدون ولا مليم
الحمد لله انا واحد من 5 عربيات فى الدفعه الاولى 422 عربيه الى كان فيهم علبه الدركسيون . الحمد لله العيب مظهرش فى اى عربيه تانى
تخييل يا ابو على
لو انا مبلغتش حمايه المستهلك كان حصل ايه ؟
لو انا قبلت مبيت السياره كنت روحت ازاى ؟
لو وافقت على الاصلاح بدون تغيير ؟
الخلاصه .
متسيبش اى اى حق ليك نهائى ولو انت مبتفهمش فى الميكانيكا خد حد بيفهم وشوف ايه الى بيتعمل فى العربيه واطلع جرب العربيه ولو فيها حاجه ارفض استلمها وهدد انك تخرج تعمل محضر تبديد بالورقه الى معاك الى تثبت استلامهم العربيه
اى مصيبه وخلاص
انت دافع دم قلبك فى العربيه متسكوتش
على فكره ده مش جر شكل ولا شغب انما ده اخذ الحق
واسف للاطاله

[المواطن مصرى]

انا نسيبى (زوج اختى) تعامل معاه كثير فى عربيته ستروين اكسارا و بيقول عليه كلام اقل ما يقال عنه انه زفت فنصيحه لوجه الله ابتعد عنه احسن