علبة الدركسيون ؟؟؟؟؟؟؟

[محمد حسن عبد الرحمن]

المشاركة الأصلية كتبت بواسطة angel 83 كان ايه معظم شكوي اصدقاءك اصحاب تاكسي 2014 ؟؟؟؟؟

1-بيض العفشة مش حلو.
2-عربيات آخرى وليس كلها صعوبة ظبط المحرك والعربية بتأكل بنزين بسبب بكات الكرابراتير وان جبت بكات تانية تظبط الأستهلاك بس تكتف العربية.
3-الأطوانة والديسك وحشيين.
4- يايات ورء بحاجة للتغير مع انهم كويسيين بس لظبط اداء السيارة حيث انها تاكسى بيوطه شوية من الخلف.
5-الرومبيلات بتاعت العجل وحشة.
6- تيل فرامل وراء بينزل وحش وبختك يا أبو بخيت.
7-العربية اول ما الحرارة تخش على اول الأخضر الماكينة بتبرجل وحضرتك تقوم مغير الثرمثتات ده اذا كمان مغيرتش المروحة وخليتها شغالة دريك.
8-الأكصدام من قدام من ناحية السائق مائل للأسفل قليلا بس مش ملحوظة أوى ودة يا أما عيب بجودة التقفيل او عيب بالشاسية او الأكصدام لسة متوصلتلهش.
9- بصراحة مش فاكر اية تانى لما أفتكر هبلغ حضرتك بالباقى والقائمة طويلة.

أخوك محمد

[abokoko]

ما دام اشتريتها فكبر دماغك من البحث عن عيوبها
وان شاء الله تكون كويسه معاك
الاهم انك فى الضمان
يجب الاصرار على اصلاح اى مشاكل بمعرفتهم واسبدال اى شيئ تالف
او تهددهم باللجؤ لحماية المستهلك
بس نصيحة وربنا يسامحنا
ابقي اديهم الشاى فى التوكيل وده مش عن تجربة ابدا مع وكيل لادا ولكن عن تجربة مع الصنايعيه كلهم

[angel 83]

بالنسبه لعلبة الدركسيون انا روجت التوكيل وقالي ربطهالك وتسريب الزيت قل شويه بس بردوه لسه فيه تسريب وبعدين انا بحس بتفاصيل الارض من نقر ومطبات في الدركسيون ؟؟؟ فهل كده العلبه بايظه ولا اايه ؟؟؟؟؟؟؟؟

[abokoko]

الرشح الخفيف على العلبه طبيعي عندى يعنى باغسل الموتور وبعدها باسبوع اسبوعين يظهر الرشح على خفيف كانه تعريق كبير
لكن
مش تنقيط ابدا
يعنى مش بيقل الزيت فى العلبه

وبكشف على مستوى الزيت فى العلبه والكرونه كل غيار زيت للاطمئنان
ويمكن بيتزودوا مره فى السنه كلها


الخبط فى الدركسيون لان عفشة ال لادا خشنه جدا
لكن
يفضل عرضها على عفشجى وتجربتها فى طريق غير ممهد وخليه يسوقها وانت جنبه
او
اركب سيارة لادا بتاعه اى حد من اصدقائك او معارفك - للمقارنه -