كم أكثر سرعة مشيت عليها؟؟؟

[bmkbmk]

ربنا يخليك يا باشا و ينصرنا جميعا على شياطينا

و انا هبقى اقطع لك أى كامرى و انا ماشى عشان خاطرك يا باشا ... ولا يهمك

و نورت الموضوع يا جميييييييل

[ABDORME81]

150
عربيه فيرنا

[خالدخليفة]

والله فكرتونى بموضوع الشياطين ده
والحكاية انى فاهم ان فى ناس مخها ضيق يعنى لما بيشوفك بتجرى يقوم يجرى وراك ولو لقى نفسه مش جايبك تكبر فى دماغه (هو ده الشيطان ) انه يطاردك
ولما فهمت كده احيانا كنت بزغزغ هذا الشيطان داخل البنى آدمين لمجرد التسلية وقتل وقت السفر الطويل لانى مبريحش غالبا فى الطريق
وطبعا لان من طبيعتى الجرى بسرعات عالية فبلاقى زباين بسرعة
والاقى واحد لزقى لى وآخرهم كان واحد معاه كورولا جديدة وفرحان بيها وعيب انى اعدى من جنبه بسرعة بالنيسان المشوهة بتاعتى ولكن موتور النيسان 118 حصان والكورولا لايزيد عن 112 او 113حصان والفرق ده طبعا بيبان فى السرعة
ووصلت 150 وهو ورايا وزودت لحد 170 ووصلت 180 واصبح بعيد عنى جدا لكن شايفه فى المراية الداخلية هيموت ويلحقنى ونزلت سرعتى علشان يلحقنى (بعيد عنكم الشيطان بقى )
وفعلا لحقنى
وجرى منى ومدينى انوار وكلاكسات وهيصة
سبته يعدى وجريت وراه لحقته وانا جنبه ببص عليه حسيت انه هيفترس الشارع والطريق علشان م الحقوش وراكب فوق الدركسيون واعصابه مشدودة ومتحفز
وبصراحة خفت عليه احسن يعمل مصيبة
فقررت انزل السرعة لانى مش فى سباق وانما بتسلى
وفى اللحظة دى كان فى 3 عربيات نيسان صنى (قرايبى / هههههههه) ماشيين قافلين الشارع
طبعا فى حتة صغيرة ممكن تعدينى او تعديه بس لدواعى الامان فى السرعات العالية مينفعش تعدى منها
طيب هو متحفز ومش هيسيبهالى وممكن نعمل مصيبة نزلت السرعة وسبته يعدى وفعلا دخل بينهم بطريقة لولبية (غرزة سيئة)كان هيودى نفسه ف داهية هو وهما وكان هيدمر نفسه مع ال3 عربيات
وسبته يجرى لان الشيطان كده مسيطر عليه تماااااااما
بعد شوية دخلت الحمام بتاع واحة عمر على الصحراوى بتاع اسكندرية ( لان حمامها نضيف ومحترم ) لقيتها مركونة وانا ماشى شافنى وشاف العربية (شاب صغير لايزيد عن 25 او 30 سنة)وكأنه قرصته عقربة وجرى على عربيته وانطلق بسرعة لكن انا ضحكت وسبته يمشى خوفا عليه ولانه ناوى ينتحر وانا مش ناوى هههههههههههه

[سمارت وير]

و الله ضحكتوني و فكرتوني بحارة المجانين ... أقصد أقصى الشمال في السعودية كان ليا واحد صاحبي بيسميها كدة علشان هاجس السرعة اللامعقولة عند الشباب السعودي ( كل حاجة مساعداهم ) ، أما عن تجربتي الشخصية فكانت 170 كيلو أقصى حاجة و صلتلها كان في طريق مكة - جدة و تخيلوا كانت السيارة نوعها تويوتا كرسيدا 89 و كان الثبات فل و كأنك راكن العربية من ساعة رغم إن كان معايا سيارة سوزوكي موديل السنة ( 2009 ) كانت بتكون زي الشخشيخة بعد الستين و أخيراً سبب السرعة إني حبيت أخنق شباب حارة المجانين إياهم ، أما القاهرة بقى فأفضل حاجة نعمل موضوع جديد عن أفضل بطل عرف يمشي في شوارعها فوق الستين مثلاً أو مين أكتر واحد محتاجش يغير من على الأول لغاية ما راح مشواره !!

[sasa3]

كام اكثر سرعة مشيت عليها ؟ 280 كيلو
عملت الكارثة دى فين بالظبط و امتى ؟ من سنه على طريق الساحلى لراس البر
كان ايه السبب فى التهور؟ طريق جديد و فاضى و عربيه مساعده
نوع العربية و الموديل ؟ بينز S500

ايه اخبار ثبات العربية ؟ (stability ) ؟؟؟ مكنتش عارف انى على السرعه ده الا اما بصيت على العدادات
كان احساسك ايه اثناء و بعد التجربة الحياتية المريرة دى ؟ مكانش فيه غير صوت الهوا البسيط الى طالع من التكييف و فقط