زيارة للمصرية والكلام عن البيكانتو

[bashot]

السلام عليكم
انا روحت المصرية اتفرج على البيكانتو قالى في منها خليجي ودي اقل من السعر ب 1000 و تفرق فى تحمل الدهان للحرارة والمكييف عالى نسبيا عن الموجوده بالتوكيل وانا بتكلم على الاوتوماتيك 1200 سي سي وهل العربية دي عفشتها كويسة بالنسبة اني ساكن فى منطقة شعبية وايه ظروف الصيانه بالتوكيل وفى حاجه كمان هيا نزلة بكاست صغير مش العريض بس اللون الاسود تحفة فيها ولا انتو ايه رائيكم و اجبها ولا ادخل على الاكسنت اربي مش فارق معايا فرق السعر للعلم البيكانتو الاوتوماتيك الخليجي 82500 والتوكيل 83500 والاكسنت الار بي 102000 طبعا دي الاوتوماتيك الفئة الاولى

[yasser4]

بعد التحيه

المقارنه بين البيكانتو و الاكسنت Rb غير منصف لتفوق الأكسنت لسعة الموتور ومن المعروف أن التكييف يستهلك 200 cc من قوة الموتور ، وحيث أن السعر لايفرق معك فيجب تدرس ما يلى :
* أسعار قطع الغيار وتوافرها
* كفائة التوكيل فى الضمان بعد الشراء
* قوة السياره بالسوق فى حالة إعادة بيعها
نصيحه لله : لا تكتفى بمعرض سيارات واحد للسؤال ( مع التقدير للمعرض المذكور ) ولكن كلما كان التفاوض على السعر ممكن فهو مكسب لك .
أخيراً : أتمنى ان يكون قرار شراء السياره ونوعها ولونها منك أنت ولرغبتك أنت ولا تتردد ( وفقك الله )

تقبل تحياتى

[jojojojojo]

العربيه صغيره جدا انصحك بالاكسنت او اي عربيه صالون عشان تستحملك وتستحمل شوارعنا في مصر وعشان كمان السفر والعيله وانا شايف انها غاليه جدا علي عربيه في نفس فئتها

[bashot]

شكراُ ليكم يا اخوتى على المعلومات دي بس انا لسه محتار بينهم

[turbom]

و الله لو فرق السعر مش مشكلة يبقي توكل علي الله و هات الاكسنت ار بي طبعا احسن من كل النواحي اوسع و اقوي و افخم و مبروك مقدما