ينفع أرش العربية بنفسى زى الأجانب... و لا لأ؟

[miam0502788391]

المشاركة الأصلية كتبت بواسطة zing0 ان شاء الله كان عندى حكه و خلطت لاكية و عملته بيها .... ممتاز و نفس درجة اللون و بقاله سنه (شمس و هوا و مطر و تراب و غسيل .....) و لا حصله حاجه, و الأهم انه أرخص من الدوكو بكتيييييييييييير

هى عربية حضرتك لونها أيه ؟؟؟
انا أعتقد ان اللون لو ميتاليك لا يمكن استعمال لاكيه الابواب والحوائط فى دهان السيارة

[zing0]

هى عربية حضرتك لونها أيه ؟؟؟ انا أعتقد ان اللون لو ميتاليك لا يمكن استعمال لاكيه الابواب والحوائط فى دهان السيارة

لا العربية مش ميتالك
بس الفكرة مش فكرة البوية, المسألة مسالة معجون و صنفرة و فيللر و صنفرة و رش دهان (أياً كان نوعه) ثم طبقة الليكر أو الملمع, و الحوار ده أقل واجب فية دلوقتى 1500 جنية, فى حين إن الموضوع كله شوية مون و صبر شوية على الصنفرة و رش و فرن - او حجرة الرش اللى قولنا عليها. لو حسبتها مع نفسك هتوفر كتييييييييييييير و هتستمتع بشغل ايدك

[abokoko]

ايه الفرق بين ال لاكيه و ال دوكو
للعربيه
؟؟

[zing0]

ايه الفرق بين ال لاكيه و ال دوكو للعربيه ؟؟

الأصل أن العربيات تترش دوكو علشان بيتحمل العوامل الجوية و ممكن تعمل منه جميع الألوان العاده و الميتالك
بس الدوكو غالى, غالى غالى يعنى, عاوز أقولك أقل نوع ممكن يوصل لـ 500 جنية الكيلو
و العربية عادة مبتأخدش أكتر من ربع كيلو يمكن أقل لأن بتوع الدوكو بيرشوها وش واحد بس

بالنسبة للـ لاكيه, دى تجربه عملتها فى كام خدش عندى لأن اللاكية فيه تقريباً نفس مميزات الدوكو بس أرخص, فيه ناس قالت لى فى الأول مش هيستحمل و لو جه عليه بنزين أو جاز هيسيح و كلام كتير, كل ده طلع X بالتجربه
و اللذيذ إن اللاكية فيه منه : لامع - نص لامع - مط (مطفى يعنى) يعنى ممكن توفر معاه الليكر(الملمع اللى بيترش فى الآخر) و ممكن نرش بداله ورنيش أو فلوت (حسب لون اللمعه غامق - فاتح)

[ahmed_eng2001]

ايه اخر الاخبار يا استاذ زينج ؟؟ !!