عايز استفسر اصلاح دهان العربية

[Injection]

المشاركة الأصلية كتبت بواسطة خالدخليفة من الأخر لو عربيتك زيرو سيبها متعملش فيها حاجة خليها تاخد العين لان نا جربت الحكاية دى عندى نيسان صنى نبيتى 2008 واللون النبيتى فى الصينى جميل وبقيت ماشى خايف مستنى العين ومش عارف هتيجى منين لحد م كنت على الطريق السريع والطريق وقف لسبب ما وفى سواق لورى كنت انا عديت منه وشايفه بيرغى ويهزر مع سواق لورى ماشى جنب وطبعا م اخدش باله ان الطريق وقف وجاى بسرعته وطراااااااااااااااااااااا خ خبط الشنطة دخلنى ف بيت وهرب بعدها اتوضبت العربية ولاحظت ملحوظة مرة نزلت من البيت وكانت هيا واقفة تحت البيت ولقيت ميكروباس بيفادى عيل صغير دخل فى الباب طبقه والحقيقة بعد موضوع الباب ده كل اللى يشوف العربية قبل ميقول مبروك وعينيه تخش فيها عينه تيجى على خبطة البا ب و اول تعليق / ايه ده انت مبتعرفش تسوق وينسى العربية وشفت واحد دمياطى عنده 4 عربيات وداقق عمود حديد ادام البيت يشترى العربيه زيرو ويطلع بيها من المعرض على العمود ويرجع بضهره يطبق الاكسدام ويسيبه سنة وبعد كده يوضبها وفعلا لما عربيتى بتبقى مخبوطة بفوت فى الحديد وميحصلش حاجة اول م تتوضب وتتلمع والحركات دى وتبتدى تبرق انزل من البيت الاقى واحد كاتب قصة حياته بمسمار /2 بيلعبو سيجة (اكس او المسمى الحديث) اه والله عندى المربعات بتاعة الاكس او على الباب الامامى يمين

أستاذ خالد أنت بجد أستااااااذ, أنا كنت عايز أقول كده بس معرفتش أطول فى الكلام, سبحان الله تبقى العربية متبهدلة ومبتتخبطش خالص تيجى تصلحها أوتجيب واحدة جديدة تلاقى العربيات التانية مستقصداها خبطة من هنا على حكة من هنا ربنا يحفظنا.

وهأبقى أجى ألعب معاك دور سيجا, والمفك جاهز معايا

[lol64]

انا عندى خرم فى الرفرف الورانى يمين وبسيط ومغطيه ب شكرتون وحكه فى الباب الورانى يمين بسيطه بس تضايق قوى وسايبها برضه تاخد العين والودان والمناخير وربنا يستر علينا

[خالدخليفة]

المشاركة الأصلية كتبت بواسطة Injection أستاذ خالد أنت بجد أستااااااذ, أنا كنت عايز أقول كده بس معرفتش أطول فى الكلام, سبحان الله تبقى العربية متبهدلة ومبتتخبطش خالص تيجى تصلحها أوتجيب واحدة جديدة تلاقى العربيات التانية مستقصداها خبطة من هنا على حكة من هنا ربنا يحفظنا. وهأبقى أجى ألعب معاك دور سيجا, والمفك جاهز معايا

من غير مفك بالله عليك كفاية صباع طباشير وبعد م نخلص شوية ميه يوضبوها ثم احنا حوالينا اكتر من 10 مدارس اجارك الله كل يوم مصيبة شكل فى العربيات ومن كام يوم نزلت لقيت البواب ماسك واد ف ثانوى ونازل فيه ضرب اتاريه ماسك انبوبة سبراى سودا ونازل رش على كل العربيات وواحد تانى فضى انبوبة امير على مكان المفتاح فى الباب وطبعا لان صاحبها بيفتح دايما بالريموت ف على م اكتشفها كان الامير نشف واحتاج مجهود كتير اما انا فالعفاريت دول ماسكين مسامير وهات يا خطوط بطول العربية وعرضها
وأما اكبر عين شفتها بعد عربيتى بس تفوقت عليها فى الخسائر واحد جارنا اشترى كورولا زيرو 2009 من سنة وركنها تحت البيت على ميروح يرخصها الصبح صحى الفجر على مصيبة البلكونة اللى تحتها العربية وقعت على العربية دغدغتها خلتها متنفعش تانى

[Injection]

لا حول ولاقوة ألا بالله.

[ابو يحي]

العين حق وقل لن يصيبنا الا ما كتبه الله لنا