ال M11 عجبانى وخايف منها!!!!!

[beko2010]

على فكرة احب اوضح تجربتى وهى شراء سيارة m11 وهى ماشية الى الان 13000 كم وهى معى زى الفل مشاكلى كلها فى 1- تثبيت مراية الشماسة 2-صوت فى الشكمان الخلفى وسوف يتم تغيرة على الضمان 3- البطارية وتم تغيرها على الضمان فى الحال فقط لاغير وكلها اشياء عادية جداً...فلى صديق جاب سيارة فولكس ب 200 الف جنية والماتور ساح وتم تغيرة عاى الضمان وصديق اخر اشترى تويوتا كرولا والجيربوكس باظ وتم اعادة السيارة للوكيل وخصم مبلغ من قيمة السيارة ..المقصود ان وجود عيوب شئ وارد فاستخير ؤبك وتوكل على الله ورائ الشخصى لو تجيب كسر زيرو تبقى مش خسران حاجة لان سعرها حوالى 58 الف يبقى استفدت وعاك زيرو بس بعد الفحص فى التوكيل..وربنا يوفقك...

[odaoda]

المشاركة الأصلية كتبت بواسطة emad7759 اولا ياخى العربيه المشاكل اللى فيها مش فرديه المشاكل اللى فى الام زباله كثيره جدا واهم المشاكل دى انها ليس ليها قطع غيار لافى التوكيل ولا بره ولله مش فاهم بس ازى حد بينصح حد بيها اقسم بالله ان الفيات ال124 احسن مها وياخى نصيحه وسيحاسبنى ربنا عليها ابعد عنها لو عايز تركب الام 11 بجد ابعت الصين وهتها من هناك محدش من اللى معاهم العربيه مع احترامى ليهم فهمين حاجه محدش بيشكر فيها غير اتنين هما اللى بيمجده فيها وهما ابو الاسعاد واخ تانى اسمه هيما وفى النهايه اقول الى كل اللى بينصح احد بيه ان يتقى لله علاشان مفيش حد يقول فيه حسبنا لله ونعم الوكيل وعلى فكره احنا بنرتب الى مقابله الشهر الجاى الى كل اللى معاه العربيه ودى ياسيدى صوره من اول مقابله للى معاهم العربيه الم 11 وكلهم عندهم مشاكل فيه ودى واحنا فى ابوالفتوح

سيدىا لعزيز انا لم انصح بها كلامى كان واضح وصريح
العربية فيها مشاكل بتختلف من شخص للتانى
اصل انا اقول العربية فيها مشاكل يطلع ناس تقولى مفهاش
اقول العربية فيها مشاكل فردية يقولو لا فيها مشاكل ومحاضر
طب اعمل اية؟؟
عموما انا وفرتلة وقتة ومنصحتوش بيها اذا كان عربيتى الى معايا انا مبنصحش حد واقول لة روح اشترى
انا بعرض راىى فقط
عموما انا وضحتلك الاختيارات
وبوسعهالة اكتر اهو
فيات بونتو كلاسيك .. هيونداى جيتز ... شيفرولية افيو ( كانت معايا وعربية عادية يعنى )
يروح يشوفهم والى يختارة ربنا ربنا يباركلة فية

[agiad_doctor]

السلام عليكم
اولا ياسيدي الفاضل انا من ملاك العربيه وهيا عامله معايا 15 الف كيلو حتى االان وهيا معايا بقالها 8 شهور
ثانيا :حيرتك في محلها ولازم تحتار في عربيه ماحدش عارفها كتيرمن الناس متخوفه من الصيني عامه ومن الاعطال وقطع الغيار ناهيك عن التقفيل المصريى انا كان عندي الحيرة ده لحد ماتوكلت على والله ولما لاقيت ان فيه عربيات كتير موجوده في السوق وليها مشاكل بتختلف من موديل لموديل ولو مش مصدق روح جهاز حمايه المستهلك والشكوى المقدمة بخصوص سيارات لها اسمها مثل الشيروكي وده كان قدامي ان صاحب عربيه شيروكي جديده اتقلبت بيه والايرباج مافتحتش مثلا؟؟
ثالثا:انا حتى الان ملاقتش مشاكل في العربيه تحتاج منى قطع غيار فماقدرش افيدك في الجزئيه ده بس انا هاقول لك عيوب العربيه قبل مميزتها

• فعلا الدركسيون بيقشر
• فعلا فيه صوت في تيل الفرامل بيختفي ويظهر لما رحت التوكيل قال ليا رايش وينظفه ويفضل كويس فترة ويرجع تاني بس بالرغم من ده الفرامل قويه وثابته وما بتفلتش.
• فيه ضعف شويه في المواد المصنوع منها العربيه يعني البلاستيك مثلا بتاع الاكرلكنها بصفه عامه جيده ومعقولة وحاوزة محافظة.
• السحب معقول جدا لكنه ليس بقوة العربيات الاخرى محتاج تجيب اخر الغيار
• فيه قلة استعناء من التقفيل المصري فده بيخلي الحاجات تبان سيئه مثلا يحط لك بطاريه بايظه مثلا

انا ممكن اكون ناسي حاجه بس بصراحه المميزات حتى الان اعلى عندي من العيوب حتى العيوب من النوع اللي ممكن نتغلب عليها ده من وجه نظري
المميزات اللي انا شايفها من سواقتي ليها:

• العربيه ثابته جدا على الطريق حتى مع السرعات العاليه 140 فما فوق العربيه مابتتهزش
• العربيه جامده من نحيه الصاج مش عربيه ورق بتستحمل جامد جدا
• العربيه عفشتها قويه نشفه شويه بس انا ليا صديق عنده عربيه اسكودا بيقول انها قريبه من عربيته من حيث النعومه
• العربيه استهلاكها في البنزين كويس جدا ومعقول جدا ممكن توصل ل300 ك في الصفيحه على الطرق
• فخمه جدا من جوة وسعتها معقولة
• مريحه في السواقه والجلوس فيها

ده بالنسبه للاساسيات
للكماليات : نور التابلوه والفوانيس ممكن يشتغل اتوماتيك- لما تيسب النور مفتوح وتنساه بيطفي كل نور مفتوح في العربيه لوحده وه اوبشن كويس مساحات مطر اوتماتيك تشتغل لوحدها لما المطر ينزل وسرعته تزيد مع زياده المطر
في الاخر طبعا في حاجات انا اكيد ناسي حاجات سواء كانت كويسه او سيئه وكل اللي انا قلته من منطلق فهمي المتواضع وخبرتي مع العربيه لمده 15 الف ك

المشاركة الأصلية كتبت بواسطة agiad_doctor فعلا فيه صوت في تيل الفرامل بيختفي ويظهر لما رحت التوكيل قال ليا رايش وينظفه ويفضل كويس فترة ويرجع تاني بس بالرغم من ده الفرامل قويه وثابته وما بتفلتش.

انا معاك في كلامك ومختلف معاك في بعض الكلام عموما انا من ملاكها و حاليا ماشي بيها 16 الف كيلو ومعايا بقالها 10 شهور

بالنسبه لنقطه التيل الي بيصفر
لو فتحت التيل هتلاقي فيه حديده اسمها حديده امان بمعني اول ما التيل يقرب نصه يخلص الحديده دي تظهر و تلامس الطنابير و تعمل صوت تقوم انت تعرف وتغير التيل و طبعا هيكون التيل مخلصش خالص وهتفضل يخربش في الطنبوره و طبعا هتبوظها فنصيحه شلها " اقطمها ببنسه " عشان متبوظش الطنابير و تدخلك في مواويل ملهاش لازمه وهي اساسا حديده تنبيه ليك ومعتقدش ده تنبيه عدل وشيلانها مهواش ضرر علي اي حاجه و انا شلتها وكلو تمام لا تقلق

[agiad_doctor]

المشاركة الأصلية كتبت بواسطة aboelesaad انا معاك في كلامك ومختلف معاك في بعض الكلام عموما انا من ملاكها و حاليا ماشي بيها 16 الف كيلو ومعايا بقالها 10 شهور بالنسبه لنقطه التيل الي بيصفر لو فتحت التيل هتلاقي فيه حديده اسمها حديده امان بمعني اول ما التيل يقرب نصه يخلص الحديده دي تظهر و تلامس الطنابير و تعمل صوت تقوم انت تعرف وتغير التيل و طبعا هيكون التيل مخلصش خالص وهتفضل يخربش في الطنبوره و طبعا هتبوظها فنصيحه شلها " اقطمها ببنسه " عشان متبوظش الطنابير و تدخلك في مواويل ملهاش لازمه وهي اساسا حديده تنبيه ليك ومعتقدش ده تنبيه عدل وشيلانها مهواش ضرر علي اي حاجه و انا شلتها وكلو تمام لا تقلق

شكرا ليك على نصيحه التيل وان شاء الله هاعملها بس عندي سؤال بتعملها في التوكيل ولا عند عفشجي عادي