اسبرانزا M11 .. تنطلق فى السوق المصرى

[حازم شاهين]

المشاركة الأصلية كتبت بواسطة ابو يمني لا يا سام باشا انا مش حازم انا احمد بس ممكن نمشيها حازم دة الاتنين حبيبي ويبقي كل المنتدي حازم بس مش هنعرف بعض وبعين حازم خضير قال السعر مناسب عليها اية رايك في الكلام دة يا حازم شاهين طبعا انا بسالك لانك حريف في الصيني ومجرب الاسبرانزا قبل كدة

و الله أنا مش حريف صينى قوى لكن هقولك رأيى

السعر طبعا ممتاز بالنسبة للمنافسين
ففى الشريحة دى مفيش عريات كتير
هتلاقى الأفيو و البريليانس و الرينو سيمبول طبعا غير التشكيلة بتاعت هيونداى

لكن أنا كنت محتار من حاجتين
أولا السعر بالنسبة للسيارة 516 الفرق 8 ألاف جنيه رغم التساوى فى المواصفات
طبعا مش كل الناس بيهمها الشكل الجديد أوالشاسية الأقوى

ثانيا توقيت طرح الموديل على دخول رمضان و إنتهاء فصل الصيف يعنى زخم حركة الشراء بيقل كتير
لكن فيه ميزة إن فيه ناس كتير بتأجل قرار الشراء للوقت ده من السنة للإستفادة بموديلات السنة الجديدة و أبو الفتوح خلاص بينزل موديلات 2010 حاليا .

فيه إشاعة بتقول إن سعر 516 هيزيد علشان يوازن بينها و بين ال M11 ... السعر يمكن يعدى السبعين ألف لكن كده هيبعد عن المنافسين الرئيسين الفيرنا إللى خفضت سعرها و اللانوس إللى ماسحة بالإتنن الأرض فى المبيعات و خصوصا فى مشروع التاكسى

[NESSO]

السلام عليكم ورحمة الله وبركاته
انا كنت عايز اسئل على العربية دي الواضح من الصورة انها ليها 2 باب بس ولا انا علطان ولو صحيح هل في منها مديلات بـ 4 ابواب

[حازم شاهين]

العربية 4 باب يا باشا

الأكرة الخلقية مكان الشراعة

[eng_mazen1979]

• يرجى التكرم بالأفادة عن كيفية تشغيل أتوماتيك المساحات و كيفية تجربتة بدون مطر في أسبرانزا m11
• أنا أشتريت أسبرانزا m11 لاقيت عداد البنزين ميش شغال بالرغم أنى فولت و طفيت المحرك و شغلت تاني على أن يشتغل ممكن حد يفدني على كيفية الحل بأستثناء أروح التوكيل

[ووشو]

شكرا أسلام علي هذا الموضوع كان عدي فكره من السمع عن العربات الصيني مش كويسه وفيها مشاكل كتيره

لكن الفكره أتغيرت تماما والعربات الصينيه أخده شكل جديد في مصر وأنتشرت بشكل ملحوظ من حيث الشكل

والامكنيات المتطوره والحديثه جزاك الله خيرا علي هذا المجهود الرائع