أشتريت السيارة جيلى أميجراند وأليكم ملأحظاتى بعد قيادة 200 كيلو

[hamaad]

الف مبروك على السيارة بس اظن انه سعره غلى ياريت حد يصحح المعلومة سيارة ممتازة فى فئته

[ابو هيما]

المشاركة الأصلية كتبت بواسطة eng/walaaeldeen السلام عليكم الف مبروك وربنا يطعمك خيرها ويكفيك شرها بخصوص دواسة البنزين هل كل العربيات الأمجراند كده ولا عربيتك فقط؟ والله المستعان

من الواضح أن العربيات كلها نازلة دواسة البنزين عالية فيها , لأن فى اليوم ده أنا وصاحبى اللى كان جاى معايا من جنوب سيناء, اخدنا عربيتن , وكان عنده نفس المشكلة , عامتاً أحنا قررنا نتعايش مع المشكلة دى لحد صيانة الألف !!!!!

[tarmum]

الف مبرووك وبالنسبه للباب الخلفى اللى مش بيفتح جربت تشوف قفل الامان بتاع الاطفال شغال ولا لا ممكن هو اللى مغلى الباب مش بيفتح

[ابو هيما]

المشاركة الأصلية كتبت بواسطة tarmum الف مبرووك وبالنسبه للباب الخلفى اللى مش بيفتح جربت تشوف قفل الامان بتاع الاطفال شغال ولا لا ممكن هو اللى مغلى الباب مش بيفتح

بصراحة , حاولنا كتير ولكن مش عاوز يفتح خالص ولأ من برة ولأ من جوة , وجبنا بردوا واحد يشفهولنا ويفتحوا معانا وأحنا بنعمل فرش الأرضيات جلد , وبرضوا ماعرفش وقال سبوا كدة لحد ما تروحوا التوكيل

[Sky_Rider]

عزيزي ابو هيما .. الف مبروك و ربنا يديك خيرها و يكفيك شرها ..
بالنسبة للملاحظات اللي انت ذكرتها عن العربية .. خصوصا الحاجات اللي مضايقاك زي دواسة البنزين و السحب و الكرسي .. هقول لحضرتك و عن تجربة 10300 كلم استخدام شاق و سفر متكرر .. بالنسبة لدواسة البنزين انها عالية فده حسيته اول كام يوم فقط ,, ولكن بعد تعديل و ضع الكرسي بقت مريحة جدا و اتعودت عليها .. و بالنسبة للسحب .. فهي معايا و مع كثير من اعضاء نادي سيارات امجراند مصر جيدة جدا .. مش هقول زي السفيك و الكلام ده لان مفيش حاجة زي التانية تماما .. بس هي قريبة جدا لسحب اللانسر 1600 .. ولكن بما ان محركها 1500 ووزنها حوالي 1270 كلم و اقصى عزم للمحرك عند 4000 لفة .. فهي بتحتاج انت تدوس على النقلات شوية عشان تحس بعزمها .. ولازم تضبط عربيتك في الصيانة .. لان فعلا سحبها اتحسن جدا معايا بعد صيانة ال 10,000 ,,, واستهلاك البنزين جيد جدا .. معايا حوالي 650 كلم للتفوية 50 لتر .. الثبات و الفرامل رائعين بكل المقاييس ... بجد زي السيارات الالماني .. الكرسي ممكن زي مانت بتقول مش طري .. بس مش متعب اطلاقا .. انا بسافر بيها 5 ساعات قيادة و مبحسش باي اجهاد من الكرسي ... و لو انت عايز تجرب عربيتي فاي وقت انا تحت امرك .. انا جنبك في شرم الشيخ ... لك تحياتي ..