اكسسوارات اللانوس

[zmzm0000]

طب انا بقي اشتريت من فتره لانوس1 96 وفيها موتور 1600 بتاع نوبيرا 1 وتضاربت الاراء علي انها متعدله او بتنزل استوك كده وايضا الفرامل نوبيرا 1 برضه
بس ايه وحش بتقفل العداد بسهوله جدا وتماسكها 100% وسحب وشد مش معقول وجنوط 14 وفرامل 100% قويه واعتماديه جدا
وزعلت قوي لما بعتها بس هي دي الدنيا معايا اصلي تاجر عربيات المهم خلاصه التجربه انا اشتريت خلال ال6 شهور اللي فاتو اكتر من 40عربيه منهم مش اقل من 20 لانوس ما بين 1 و 2 بصراحه مافيش وجه مقارنه بين ايا منهم وبين العربيه اللانوس 96 اللي حكيت ليكم عليها

[luckyman]

ايوة انا عارف الموضوع دة لانها اول ما نزلت كانت بتيجى كورى الشحنات الاولى كانت بتيجى كورى انا فاكر وكان ليا زميل قابلتة فى المعمورة فى نفس الفترة يمكن 98 او 97 مش فاكر اظن 97 وجربنا العربية كانت حاجة تانية العفشة الفنش الدهان والخلوص انا فاكر اننا فحصنا العربية بالمللى حتى قفله الباب صوتة وتقله تحس انها كانت اوبل من القديم والشحنات الاولى دى سمعت جامد جدا وعملت لها بداية اكثر من ممتازة فى السوق المصرى حتى كان سعرها يبدا من 39 الف جينة حتى دهان اللانوس الجديد للناس المتعصبة لها بيطلع بكل سهوله خصوصا الاكصدام بشكل معيب مش عارف خلطين البوية بالمياه حسبى الله ونعم الوكيل والله العظيم عربيتى وقفت عليا سنة 2004 75 الف جينة ومن كتر الطلب عليها مكنتش موجودة فى القاهرة جيبتها من الاسكندرية من الصفوة طبعا دة حال كتير من العربيات المجمعة فى مصر ياريت تتلغى حكاية التجميع المصرى علشان المستفيد الوحيد هو صاحب المصنع انما احنا بندفع فلوس فى مقابل جودة وقيمة اقل يارب اتمنى من كل قلبى تنتهى حكاية ومهزله التجميع المحلى كل واحد علشان يعلى هامش ربحة بيدخل اوسخ مكونات مغذية فى اثناء التجميع
فى واحد سواق تاكسى قال ليا انة غير مضخة البنزين والى بتنزل الايام دى فى الاصلى صينى يعنى انا اعتبر لسة محظوظ بالنسبة لناس كتير اللهم لا نسالك رد القضا ولكن نسالك اللطف فية

[zmzm0000]

طبعا يا باشا انت شوفت اللانوس 2010-2011
دي عار
شبكه بتقشر و ضفيره ملفوفه بشكرتون و سماعات بهجت عار بجد
انا كنت سمعت ان في بعض التوكيلات العالميه حتمنع تجميع سياراتها في مصر والله اعلم

[luckyman]

[QUOTE=zmzm0000;626085]

طبعا يا باشا انت شوفت اللانوس 2010-2011

دي عار
شبكه بتقشر و ضفيره ملفوفه بشكرتون و سماعات بهجت عار بجد
انا كنت سمعت ان في بعض التوكيلات العالميه حتمنع تجميع سياراتها في مصر والله اعلم

[/QUOT



حكاية تمنع ما اعتقدش انسى السوق المصرى مالهوش حساب ولا اعتبار لان المستهلك المصرى قبل على نفسة انه يروح ديما للاسواء ويعمل من سيارات قديمة الانتاج والتكنولوجيا اساطير وطالما مش بتصدر ولا يهمة الصانع او المصنع الام سواء الكورى او اى كان للاسف الشديد اللى بيستفيد هو المجمع ورجال الاعمال المصريين بص على اى عربية لانوس فى الشارع والله العظيم اتحداك لو لقيت الفواصل او الخلوص بين الابواب متساوية والكبوت بالعين المجرد ومفيش عربية بتجمع فى مصرى الا القيليل لما تقفل الباب براحة يقفل لازم ترزع الباب مش بس كدة المكونات الغير ظاهرة الله اعلم دة اللى احنا شيفينوة محل اللى مش ظاهر وربنا على الظالم والمفترى انت ما سالتيش لية نفسك احنا مش بنصدر سيارات لان محدش يشترى المنتج المصرى حتى العربيات الصينى ما رحمناهاش واستكتروا على الناس انها تركب الصينى لازم يكون بنكهة وطابع مصرى

[الصقر_الجارح]

المشاركة الأصلية كتبت بواسطة zmzm0000 طبعا يا باشا انت شوفت اللانوس 2010-2011 دي عار شبكه بتقشر و ضفيره ملفوفه بشكرتون و سماعات بهجت عار بجد انا كنت سمعت ان في بعض التوكيلات العالميه حتمنع تجميع سياراتها في مصر والله اعلم

فعلا مفيش أحسن من اللانوس القديم (أقصد الدايو يعني)

الجديدة شيفورليه مليانه عيوب.

الدايو أحسن منها بمليون مرة.