كاسيت بيونير 5250 + 4 سماعات بيونير 400 وات ( ايه رايكم )

[شريف الدالي]

من فضلكم أنا لسه جايب كاسيت pioneer 5250 وبفكر أجيب 4 سماعات pioneer 400 wat عليهم وأعمل ليهم صندوق في العربية من ورا ( هاتش باك )
هل الأربع سماعات محتاجين جي إم على الكاسيت عشان نقاء الصوت بشكل أكبر ولا أستنى على الجي إم لحد مجيب علية بازوكة.

شكراً وتحياتي لكل من شارك في الرد.

[شريف الدالي]

ولا الكاسيت كفاية عليهم ؟

[Injection]

السماعات طبعا هتحتاج جى أم, الكاسيت أعلى خرج ليه هيبقى فى حدود 60 وات, وطبعا ده أهانة للسماعات, وهتبقى دفعت كتير فى طقم سماعات ومأستفدتش حاجة بالوات الزيادة.

وبلاش تعمل صندوق للسماعات علشان الصوت بتاعهم هيتهان جامد, مفيش مكان كويس تثبتهم فيه جوه العربية؟

لو عايز تركب سماعات من غير جى أم, هات الطقم فى حدود 300 وات مش اكثر علشان ماتضيعش فلوس على الفاضى, أكثر من 300 لازم على الأقل جى أم 250 وات علشان تستفيد بالسماعات.

ولو ناوى تجيب صب, معتقدش هتنفع تركبه على جى أم 4 قنوات مع ال4 سماعات من غير توصيلات كهربائية وبريدجات, ودى عايزة كهربائى مخضرم لوحدها.

حضرتك هات طقم بايونيير 300 وات وركبه على الكاسيت, وأستنى لحد ماتقرر تجيب الصب, وهات أمبليفاير مناسب 4 قنوات فى حدود 400 الى 600 وات, والصب اللى هتختارها, وطقم سماعات عالى فى حدود 400 الى 500 وات.

وبكده تقدر تدى قناتين للصب, وقناة لكل سماعة, والكاسيت شغال عليه الطقم ال 300 وات.

ملحوظة: لو الطقم ال 400 أتركب على الكاسيت, لما تيجى تعلى الصوت, السماعات مش هتخروش أو تفقد نقاء الصوت, لكن الكاسيت هو اللى هيخروش فى السماعات لأنه ضعيف على السماعات, وده لما توصل لأخر الصوت بتاعه.

والأمبليفاير هتقدر تعلى الصوت براحتك لحد مالسماعات تستغيث, وساعتها هتبقى بتسمع صوت عالى ونقى فى نفس الوقت, على عكس الكاسيت اللى خرجه مش كفاية لتعلية الصوت, وهيخروش لما تعلى على الأخر.

[شريف الدالي]

يعني بإختصار

طقم سماعات 300 بيونير عدد 2 سماعة ( ودول حيشتغلوا من غير الجي إم على الكاسيت مباشرةً )
طقم سماعات 460 بيونير + بازوكا JBL 1000 watt ( دول حوصلهم ب جي إم 600 وات سيمفوني 4 مخارج , مخرجين للبازوكا ومخرجين لكل سماعة ).

إيه رأيك ولو في تعليق منك على أي حاجة ياريت أقراها ومتشكر لمجهودك يا باشا.

مع الشكر.

[Mr.Cars]

بالنسبة للسماعات 300 وات بيونير , يعملوا كام ؟؟